الفرزلي: حق القوات المطالبة بس مش بَهوَرَة.. الحكي عن إقصاء لعبة “أنا مضطهد حبّوني” (Video) 

– أوعا الوَلدَنِة..!!

***

مقتطف من حديث نائب رئيس مجلس النواب إيلي الفرزلي لقناة “الجديد”: (30 حزيران 2018)

أستطيع أن أؤكد أن فكرة المصالحة المسيحية، لا تعني إلغاء الواحد للآخر.. الإختلاف بوجهات النظر يجب أن تكون.

يُسأل: لماذا يحاول إذاً الغاء القوات اللبنانية، يقول الفرزلي:

بشو عطيني مثلاً.. أوّل شي ما في حدا عَم يحاول يِقصي القوات. فكرة العزل يتحدثون بها لإستدرار العطف.

خلّينا نِحكي علم، شو بدها القوات، بدها 10 وزراء، تاخدون. بالمقابل في تكتّل من 30 وزير بدّو 20 وزير.. حقّو أو لاق.. ؟؟

إذا طالب بحقّو التكتّل بِكون عَم يِعزل القوات..!!! لاق طولو بالكُن، مش قصة بَهوَرَة، وأكِل راس، ما بتِمشي.. يللي بدها ياه القوات، الها حق تطالب فيه.. خلّي رئيس الحكومة يقتنع معها، ويَعطيها ياه… خلّي رئيس الحكومة من القوات وبلا التيار الوطني الحرّ..

الإقصاء هيدا إصطناع للعبة إنّو أنا مضطهد حبّوني..

وخليّهُن يجبرو يشكلو حكومة في أكثرية وأقلية.. ساعِتها منِعمل حملة إعلامية بأميركا، للضغط والقول: إنّو حزب الله سيطر على لبنان، ويبدأ التحريض المالي والإقتصادي..

أوعا الوَلدَنِة..!! كلام واضح.. لتأخذ القوات حقها ، ولكن لا تفكروا باجهاض نتائج الإنتخابات النيابية.

يُسأل: قديه يحق للقوات بحسب حجمها.. يردّ الفرزلي:

ما في قصة حقوق. المقاربة غلط.. إذا قلنا المعيار كل 4 نواب وزير.. في 15 نائب بيطلعلُن يعني 4.. طيّب قي 30 عند الشيعة، عطيهُن 7 وزرا.. في 30 نائب عند التيار عطِيهُن 6 وزراء.. منِعمل حكومة من 60 وزير..!!

https://www.youtube.com/watch?v=LrD7zTkn4A0&feature=youtu.be