بالصوت أميل رحمة: التلت المعطّل لزوم لما يلزم بوجود شخصية الرئيس عون (Audio)

ارفض العثرات اللي بغير محلها، الرئيس قادر يرتب كلّ الأمور، بشخصيتو المميزة.

 إعتبر عضو تكتّل التغيير والإصلاح النائب اميل رحمة، أنّ طرح مسألة الثلث الضامن اليوم غير ذا فائدة، مشيراً في حديث الى قناة الـ”OTV” الى أن شخصية رئيس الجمهورية بتاريخها وبمن تمثّل هي الضمانة لكل مكونات المجتمع اللبناني، ومما قاله:

– نوعية وحجم فخامة الرئيس صار التلت الضامن لزوم لما يلزم.

– سابقا التلت الضامن كان فريقنا يطالب فيه، لأنو الرئيس وسطي وميّال أكتر صوب الأكثرية في الحكومة. كان التلت الضامن قلو قيمة.

– قيمة التلت المعطّل خفتت بوجود قامة الرئيس، وشخص الرئيس، وعظمة الرئيس هون بحضورو. والرئيس حامي حالو بشخصو وبتكتّل العهد يللي هوي كبير جداً، وتكتل العهد ما عم يتعدى ع حدا إذا عم يتمثل بكبر تمثيلو.

– نحنا في حالة جديدي، اسما انتخاب رئيس للجمهورية بعد شغور سنتان ونص. وانتخاب رئيس للجمهورية بناء لطلب ملحّ عند الفريق المسيحي منذ الطائف وحتى اليوم. المسيحيي عاملين نوع من الإنتصار.

– انا ارفض العثرات التي في غير محلها.
– الرئيس قادر يرتب كلّ الأمور، لأنو شخصيتو مميزة، وقادر.

– الشخصية القوية، يعني قوي بشعبو، وبكتلتو النيابية، وبفكرو وبعقلو ورؤيتو وبمسيرتو منذ قيادة الجيش لحتى اليوم.

– العماد عون لا يستطيع حتى الدّ الأعداء والخصوم ما بيستطيعو يقولو عنّو منّو قوي.