زياد اسود لندى أندراوس: ما بدّي إحكي بس كل النهار “لَتلَتة” وما أدراكِ بصرَف حاصباني 80 مليار لشراء أدوية (Video)

– ذاب الثلج و بيّن المَرج.. 

***

مقتطف من حديث النائب زياد أسود لقناة الـ”LBC” ضمن برنامج “نهاركم سعيد”: (27 حزيران 2018)

عَم يِشتِغلو الشباب مش على قاعدة بناء مؤسسات الدولة وتحصينها وتطويرها، عَم يشتغلو على قاعدة كيف بدنا نِسرُق من بعضنا، ونضعِّف بعضنا، بانتظار ما سيأتينا.. المشكلة كلها إنتظارات..

يُسأل: ليه قِبِل رئس الجمهورية بحكومة تصريف الأعمال، إنّو يكون موقع نائب رئيس مجلس الوزراء من حصة القوات، وهلق لاق..!! يقول:

الرئيس عون بِوَقتا كان في معضلة، حَلها، عَطاهُن الموقع باسمو، بَس هيدا لا يعني صار مَجبور يعملا عَ طول.

يا بدنا نِطوي الصفحة ونهدِّم من الجدران العالية. يا بدنا نضلّ متل اليوم مثلاً بالعاقورة إنّو طبيعي يللي صار.. ؟؟ شتم برئيس الجمهورية وبالجيش..!!!

المعالجة تكون بِلمّ الجميع ورسم الحدود، وبيِتهي الموضوع..

يُسأل، عن شريحة من المواطنين، لمّا بِكون مغلوب عن أمرها ، وإنّو غيرا بيِعمُل يللي بدُّو ياه، بقوة السلاح، وفي مربعات أمنية.. والمسيحيين يتقاتلون… يقول:

إيه في مسؤولية عند المسيحيين، ما بتِقدر تكسّر الدِني، وكل النهار “لَتلَتِة” حَكي عَ التلفزيونات، وهيدا وزير فاسد، وهيدا.. 

ما بدّي إحكي عن وزارة الصحة، ملفات وزارة الصحة عندي.. وخصوم القوات اللي بيشهَدو للقوات إنّو جيدين هنّي جزء من فساد وزارة الصحة.. روحو شوفو ضمان الإجتماعي.. 

في حالة فساد بكلّ الوزارات، وفي أخطاء عَم تُرتَكَب.. 80 مليار ليرة لبنانية صُرفوا بوزارة الصحة، دون قرار مجلس الوزراء.. ما كان بدّي إحكي.. 

صرفوا عَ شراء أدوية.. وما أدراك سكّة شراء الأدوية بوزارة الصحة..

https://www.youtube.com/watch?v=Qe6LAMyxPgI&feature=youtu.be

رصد Agoraleaks.com