جبران باسيل: نحنا ما في حدا يغصبنا ، نحنا مِنقدِّم إذا حبيّنا.. (Video)

– تكتّل لبنان القوي يمثّل 55% مسيحياً يعني = قوات 31% + كتائب 7% + مردة 6% + مجتمع مدني

***

مقتطف من حديث رئيس التيار الوطني الحرّ جبران باسيل إثر إجتماع “تكتّل لبنان القوي” في سن الفيل: (27 حزيران 2018)

نحنا كتكتّل القاعدة ما بتِتغيَّر. واحدة وحيدة لا تتغَيَّر ..

نحنا طالعين من إنتخابات نيابية، توزيع الحقوق على الفئات اللي ستتمثّل بالحكومة، واضحة… يللي بيخرج عن هيدي القواعد ويطالب بشب مش حقّو فيه.. هوّي يللي بِكون عَم يسبِّبْ بالتأخير..

إذا في حدا بِحبّ حدا يِتناوَل هوّي طوعاً لصالح فريق تاني ، هيدا حقّو.. بس ما في حدا يِعمل هيدا الشي بِفعل جَبري.. وعَ القليلي نحنا ما في حدا يغصبنا ، نحنا فينا نقدِّم.. فينا نتساهَل أو نَعطي.. بس ما في حدا يشلّحنا..

الناس اللي عَطيونا ياه، متمسكين فيه.. وللتذكير مش بس عدد التكتّل 29 نائب ، كمان يللي عَم يِحكو عن الأصوات الشعبية ، روحو راجعو الصوات الشعبية، بتَعرفو إنّو :

• التيار الوطني وحلفائه (تكتّل لبنان القوي) عندو 55% من الأصوات الشعبية
• القوات اللبنانية 31 %
• الكتائب 7 %
• المردة 6 %

https://www.youtube.com/watch?v=bV8qLYEgTdQ&feature=youtu.be

Agoraleaks.com