وديع عقل يحرج خَينا ملحم رياشي: فساد ودفع 10 ملايين $ وتِفنيصة عَ الشعب (Audio+Video)

– رائحة صفقات وفساد تطال وزير القوات… بِكفّي بقا “بروباغاندا” 

***

مقتطف من الإتصال الهاتفي لمستشار وزير مكافحة الفساد المحامي وديع عقل لقناة الـ”OTV” ، وموضوعها صفقة “المونديال” والوزير ملحم رياشي: (20 حزيران 2018)

وزير الإعلام ملحم رياشي، المكُلّف متابعة نقل المونيدال، يقول: المونديال رَح يكون ببلاش ، بيستعمل كلمة مجاناً.. ما إستعمل كلمة تانية “الدولة تدفع” أو فلان يدفع…

قال مجاناً كرة القدم على تلفزيون لبنان. المَشكَل وَقع هون: من هون بلشنا.

أنا معلوماتي، واكيد منها، والوزير يعرفها. ووزير الإتصالات بيعرفها أيضاً.. اليوم تمّ تمويل ودفع المبالغ المستحقة لشركة “سما” التي تملك الحق الحصري لبث المونديال بلبنان من شركتي “alfa” و “touch” وتقاسموا المبالغ. وكل شركة دفعت 5 ملايين $.

وبدأ التفاوض عَ أساس مليونين $ ،وبعدها طِلِعت لَ 10 ملايين $ ، مروراً بِ 5 و 8 ملايين $.. 

توجهّت بالمباشر للوزير رياشي راعي الموضوع. وسألته:

بدنا نعرف المبلغ..؟؟ ومين عم يِدفع المبلغ..!! عنّا معلومات، وما عنّا شي وَرقي.. ولكن أيضاً من باب المعلومات الأكيدة، تمّ بيع دعايات والمبلغ تخطّى 11 مليون $.. وأكثر من شركة استفادت من الموضوع…

لمّا يقول الوزير كلمة “بلاش” معناتا مش مفروض حدَن يدفع..!! لمّا تُصبح وزارة الإتصالات عَم تدير شركتي “الفا” و”تاتش” عَم تدفع، معنى ذلك أصبح المكلّف اللبناني هوّي اللي عَم يدفع.. بطلّنا باطار “بلاش”.. وإذا منِعمُل عملية حسابية يظهر انو كلّ منزل لبناني دفع من فاتورة السيللولير 30 أو 40$ إشتراك تلفزيون، وهيدا سعر جملة لأنو بالمفرّق هيّي 100$.

ما حدنَ يفنّص عَ اللبنانيي، ويقول: هيدي عملية بلاش.. اللبنانيي من عرق جبينو دفع حق “المونديال” وعَم يِحضروا من عرق جبينو، وما حَدَن يربّحهم جميلة.

يُسأل: عَم تِحكي عن صفقة بشكل مباشر. عن فساد، هل من تورّط لأناس، ووزراء..!! يقول وديع عقل:

هيدا الموضوع بدّو يتوضّح.. من 4 سنين تلفزيون لبنان لمّا حطّو عليه شروط، وصارو بدّن يدفعوه مصاري، المدير العام نقل البث لكلّ اللبنانيين، وقرصنها.. وقلُّن: يللي مش عاجبو يروح للقضاء، ويفرض عليّ القضاء غرامة..

وبث المونديال للبنانيين، وسكت الجميع بحينه، لأنه طلبوا منه أموال ضخمة من حساب الخزينة اللبنانية.

بِكفّي بقا “بروباغاندا” ، بدها توقف عملية “البروباغاندا”.. وبدنا نقول الإشيا متل ما هيّي. وزير الإعلام يعطي 1000 عافية كان باسبانيا مع وزير الإتصالات، وكذا شخص، إن شاء تكون زيارتهم مثمرة.. رجعو مبارح بالليل عَ بيروت، نتمنى انو يخبرونا حقيقة الأموال المدفوعة للمونديال.

رصد Agoraleaks.com

https://www.youtube.com/watch?v=FUlBa_SgmhI&feature=youtu.be