فادي عبود: الكل أمام فحص مواجهة الفساد من قوات لحزب الله (Audio)

– بلدنا ينصب الأفخاخ للمستثمر وأنا ما بشيل البارودة من كتِف لكتِف
– نحن بحاجة لوزراء أخصائيين مجربين، مش لوزراء أخصائيين ورا المكاتب

***

مقتطف من حديث الوزير السابق فادي عبود لقناة “الجديد” ضمن برنامج “الحدث”: (5 حزيران 2018)

مشكلتنا مش بالـ”Macro”، الكل متفقين إنّو ما بدنا إقتصاد ريعي بدنا إقتصاد إنتاجي… بدنا ندخل بالتفاصيل، والشيطان بالتفاصيل.

تفاصيل

• بالمرفأ بيشتغلو 5 – 6 ساعات بالنهار، حدا بصدقّنا من اللي عَم يساعدونا دولياً، إنّو منشتغل 30 ساعة بالمرفأ.. طيّب إذا إستمر الوضع على حاله، بِكون مش جديين بالإصلاح.

في أسئلة يجب أن تُطرح.. ليه يتمّ تسجيل العقار بطريقة معينة، وليه في لجان تخمين.. مثلاً رخص البناء إذا بدذك تقطعي شجرة… بِعِلّ قلبك وبتبطلّي بدّك تعمّري من ورا تاخدي رخصة قطعة شجرة.. واللي بيِجي بدّو يكشف على قطع الشجرة خدي الدوامة..

• نحنا بلد مش صديق للمستثمر، المستثمر منِنصب الو فخ، متل فخوخ اللي بتنِحطّ للفئران حتى يِعلق.. ومن هيك مش عَم نشوف إستثمارات جديدي، ومات القطاع العقاري، والقطاع الصناعي في ضغط كبير عليه. وكلفة الإنتاج بدول الجوار أقلّ بكثير من لبنان.

يُسأل عمّا إذا من الأسماء المطروحة في تشكيل الحكومة، يقول:

انا ضمن فريق تكتّل التغيير والإصلاح، إذا بيِعتبر التكتّل انو هوّي بحاجة لخبراتي، انا بالتصرّف. وإذا هلق بيعتبر إنو ما في حاجة للخبرات اللي عندي ياها، كمان اقبل.. بالنهاية أنا ما بشيل البارودة من كتف لكتف. ومش أنا بِحرَد إذا لم أختير. أنا على إستعداد لخدمة بلدي، إذا لخدماتي لها معنى.

الدين العام

أرقام الدين العام مش كتير صحيحة. لأنها لا تشمل أرقام المستشفيات والضمان الإجتماعي، والدولة ما عم تقول إنها آكلة على الضمان الإجتماعي مليار ونص $

حلول

هُوجمت من بعض صحفيين إقتصاديين، عندما طالبت بتخفيف العطل الرسمية. عنّا سهولة بالتعطيل لا تُصدّق. إستيراد لبنان حوالي 20 مليار $ الى لبنان. لنقسمهم على 250 يوم عمل. قديه بيطلع النهار..؟؟ كم مليون $.. وكل نهار قاعدة هالبضاعة على المرفأ نِعمل حساب..؟ هيدي خسائر غير مباشرة.

كل يوم عطلة تقفل فيه المصارف.. يعني بطّل إقدر استورد وصدّر… كل يوم عطلة رسمي، بطّل قادر إعمل معاملاتي بالدولة.. صار عنّا عطل رسمية تفوق الـ25 يوم..

لما يكون الشيطان ساكن بالتفاصيل، والوزراء ما الهم جلادة بدخلو التفاصيل، ما رح يصير في تغيير حقيقي.. الحل برأيي يكون:

• باعادة الهندسة لكل إجراء معتمد بالقطاعين العام والخاص،
• تشكيل الحكومة الإلكترونية،
• حق الوصول الى المعلومات..
• الدخول في تفاصيل القوانين والإدارة..

لأنو الشيطان قاعد بالإدارة في معشر الكتبة والفريسيين… وهؤلاء محميين سياسياً، وفي حماية أوتوماتيكية ضمن الإدارات..

هل يا ترى بس لبنان عندو “زبالة” حتى ما يِتلاقى حلول… ليه عَم يسكرّوا الأبواب على القطاع الخاص..

دعوة

أقول للزعماء، أرجوكم.. الحرب الطبقية والتبشير بالحرب الطبقية، وأحكام مسبقة إنو كل رجل أعمال حرامي. وكل موظف آدمي.. رجل الأعمال يعني بيدفع للضمان كل آخر شهر.. وبيعرف من أين نؤكل الكتف. وبيعرف العذاب والقهر والإذلال يللي بِصير بمرفأ بيروت…

بيعرف إذا طَلَب عويناتو ، نساها بأوتيل، وجابها بالـ”DHL” السريع، بتوصل على المطار، بيجي تخليص بِ 100$.. بدّك ناس تكون فهمانة والاّ ولا مُمكن نوصَل لإصلاح.

عصابة البريد السريع بلبنان، شايلين لبنان من ebay ̤والـamazon.. من الضيعة اللي تجمع الدول.. شركة البريد السريع حتى تحطّ طابع، بتعطي الدولة 10 آلاف ليرة، بتاخود منّك 60 ألف ليرة..

الكونتينر على المرفأ ما لازم يقعد نهار، والرقابة ما بِتصير على المرفأ.. حتى روح لهونيك متِل الكلب راكع وقلّك خود هيدي 500 $ شلّي الكنتينر.. لاحقني بالرقابة، إدخل لعندي عَ المعمل، فوت على المحلات..

نحن بحاجة لورراء أخصائيين وكفوئين، ومجربّين.. مش إختصايين من ورا المكتب

الفساد

في عنّا فخامة الرئيس إسمو ميشال عون، والعالم كلها ناطرة هالنهار… النسوان عَم تصلّي، لأنو مؤمنين إذا ما صار في إصلاح اليوم على الدنيا السلام.. لكن مرّ من هيدا العهد سنتان يا جماعة.

هلق ما في تكتّل سياسي الاّ ما بِقول إنو هوّي مع مواجهة الفساد.. هلق إجا الفحص، مش بس العهد.. حزب القوات اللبنانية يقول إنّو ضدّ الفساد، والكتائب وكذلك المستقبل.. حتى حزب الله، ومش بلسان حدا منهم، بلسان السيّد، هوّي شخصياً يشرف على الإطار التنظيمي لمواجهة الفساد.. وفي حدا بشكّك بأخلاقيات النائب فضل الله ، وهوي صديقي وبِسمعو.. بس النائب فضل الله بحاجة لفريق يكون بيعرف من وين تؤكل الكتف..

رصد Agoraleaks.com