Agoraleaks Agoraleaks
– بري يمون عَ فرنجية وسامي وجعجع أكتر.. ومسخرة حكي إنو عون بيقبض مصاري..
***
مقتطف من حديث الكاتب السياسي “جوزيف أبو فاضل” لقناة الـ”OTV” ضمن برنامج “يوم جديد”: (2 حزيران 2018)
الإستهداف هو ليس للمرسوم، الإستهداف هو لرئيس الجمهورية ميشال عون. وهذا المرسوم هو عادي، لأنه لم يبقى لرئيس الجمهورية بعد الطائف الاّ المرسوم العادي.
يبدو إنّو اللي عَم يطعنو ، مش عَم يطعنو بالمرسوم، عَم يطعنو بفخامة الرئيس.. هودي 200 إسم ما بيعملو توطين.
دَخلك سنة 1994، ما هبّت فِيُن روح المروءة لجماعة اليوم، يللي عَم يِحكو، وقت جَنسّوا 242 الف شخص. بوقتا صار يصفُّن القاضي بالمحكمة، انتا مين ولادك.. ويللا خِدوا جنسية لبنانية..
وكانت الدولة عَ إيامُن كلها مزرعة وكرخانة.. لكن كان يللي بعنجر، بس يحرّك إصبح إجرو ، كانو يسكرّوا تِمُّن، امّا اليوم لأنو في زلمة ببعبدا، صار بَدُّن يِعملو حالُن زِلم.. يا نديم الجميل المبدا ما بيتغيّر، بس جماعتنا ولعّو علم داعش، بس إحتلّوا عرسال، وقتلُو عسكريين من الجيش اللبناني، وخَطفُن لَ 40 عسكري.. هلق صار هامِك التوطين.. بلا إستهزاء بهيدا الشكل، وأنا ما بدافع عن مرسوم، بس ميشال عون بدّو يقبض مصاري من سوري أو فلسطيني…! شو هالمسخرة هيدي..
معليه.. حطّو ماي بالنبيذ، ويصلبّو إيدُن عَ وِجُّن، هيدي الفوضى غير مقبولة، ويوسف بيدس مش فلسطيني، صاحب إنترا..!!
بيت فتّال وأبو عضل أصلُن سوريي.. لأنو بوقت التأميم جابُن كلُّن الرئيس كميل شمعون..
يا حبيبي يا عيني، إنّو بعد الطائف، ما بقا في القصر الجمهوري ، لم يعد عندهم دوائر الملفات. كل شيء عند رئاسة الحكومة ووزارة الداخلية.
هاجمين بدُّن يِعملو إنتصارات وهمية.. مشكلة ميشال عون مع هودي الموارنة، وعَم إحكي عن المردة والكتائب القوات، إذا بدُّن شي، بروحو لعند الرئيس بري..
تسأله الإعلامية جوزفين ديب: ولكن القوات لم يصوتّوا للرئيس بري.. يردّ ابو فاضل:
بري هو الوصيّ، والقيّم.. وإذا ما صوتّولو.. (هيدي غلطتُ)، الرئيس نبيه بري يمون على سليمان فرنجية وسمير جعجع، وعلى سامي الجميل ، وعلى المستقلين أكثر ممّا يمون عليهم البطريرك الراعي.. لأنّو هوّي وياهُن في ارتباط.. وهنّي أيمتى إنزعجوا..؟
إنزعجوا لمّا صار في لقاء قمة بين فخامة الرئيس ميشال عون، ودولة رئيس مجلس النواب نبيه بري، ولمّا قال الأخير من القصر الجمهوري: اللقاء أكثر من ممتاز.. هون صارو يضربو أخماسُن بأسداسن. ونزل جعجع لبيت الوسط بالنهار ذاتو…
من هيك مسموح إطلاق الرصاص على ميشال عون. إنّو معليه، لو مش موجود جبران باسيل بالحياة السياسية، شو بيشتغلو..
مثل
هناك حالات إنسانية، تفرض تجنيس إمرأة، توفى زوجها الأجنبي، وهيّي تعيش هون مع أولادها.. حتى يِقدرو يعيشو ويأمنو حياتُن الطبيعية، بصير في تجنيس…
ونحنا بلبنان ما بدنا نصير مِتل اميركا واوروبا، نحنا اللبنانيين متقدمين أكتر بكتير، على القليلي ما منِسمح للمرأة تاخود مرأة، ورجال ياخود رجال بالكنيسة. ولكن:
أي إمرأة تتجوز من رجل أجنبي، وتخلّف منّو أبناء، وتسجلّن وتعطيُن جنسية، ويتغيّر وجه البلد بعشر سنين لاق.. خصوصةً من دول الجوار، كسورية وفلسطين، والأردن والعراق.
البعض عَم يِحكي إنّو لبنان ليس للبيع، ما إنتا نضفّت صباطو لرستم غزالي وعبد الحليم خدام حتى جنستّو 242 ألف شخص بعيدين عن لبنان، وهلق بدُّن يِعملو مسؤولين بالدولة، ويتوظفو.. هودي بدُّن يِحكونا بمرسوم في 200 شخص، وقانونياً الو حق فخامة الرئيس يِعمل مرسوم، لأنو هيدي الصلاحيات الوحيدي الباقية الو، متل قضية العفو الخاص، واستقبال السفراء، وأوراق إعتمادُن.
هلق بس يضعف الرئيس شوي، بِقولولو فِل. وبس يكون قوي بيوقفو ضدّو.. يعني ما فينا قِدام وليدات عَم يصرخو، نرضخ ونسلمُّن الدولة. بَركي هنّي بكرا إجو رؤساء جمهوريات…
رصد Agoraleaks.com
