الزحالنة لميريم سكاف: سكرّت بيتك بايدك، مش ضروري تكون رئيس لائحة والناس قالت كلمتها.. (Video)

– مشرحة الرأي العام الزحليّ..  (جورج عبود)

***

اسبوعان بالتمام والكمال مرّا على اجراء الانتخابات النيابية، الاّ ان تداعيات النتائج، مازالت ترخي بظلالها على التصريحات السياسية، لاسيما عند الخاسرين الذين لم تتحول تمنياتهم الى واقع…

رئيسة الكتلة الشعبية ميريام سكاف التي ترشحت عن المقعد الكاثوليكي في زحلة ولم يحالفها الحظ، صوبّت سهامها على رئيس التيار الوطني الحر جبران باسيل، تقول:

• مِنحبّ نوجّه تهنئة لرئيس التيار القوي الوزير جبران باسيل،إنّو حقّق هدفو وسكّر بيتان كبار، ونحنا مِنُّن. وعدنا بعد 4 سنين، انو يكفّي على البقية..
• معاليك، هيدا الإقطاع الجديد، نحنا نهنئك..

الى زحلة توجهت كاميرا الـ”OTV” حيث لا زالت المدينة تلبس حلتها الانتخابية من صور المرشحين، اضيف اليها بعض اللافتات المهنئة للرابحين، فسألنا الزحالنة عن رأيهم بتصريحات سكاف حول محاولة الغائها سياسياً..

ومّما قاله الزحالنة:

• هيي سكرّت بيتا بايدها.. ما كان حدا بيجبرها تِنزل بالإنتخابات، كان بتقدر تِنزل مع حدا، وشوي تلين. مش ضروري تكون رئيس لائحة بزحلة.
• ما بتهمّ الشخص للي خارج زحلة
• لعبوها لعبة كبيري، عليها…
• نشالله يشتغلو مع بعض كِرمال البلد، وكِرمال زحلة. ولازم يعملو حركة للمدينة.
• مش قضية سكرّ لا بيتا، لو اشتغلت على الهدا كانت طِلعِت..
• ما حدا بسكّر لحدا، وكل واحد بيعرف قوتو…
• يمكن تحالفاتا ما طلعت على قدّ ما هيّ بتتمنّى…
• هوّي الشعب هيك بدّو، هيي ما حالفت مع جدا. لو متحالفة مع حدا بتِطلع..

ابناء زحلة قالوا كلمتهم بصناديق الاقتراع، بالرغم من محاولة بعض الاطراف جعل النهار الانتخابي صاخباً من خلال افتعال الاشكالات، وجلّ ما يريده الزحالنة في المحصلة هو العمل لصالح المدينة لتبقى دار السلام..

رصد Agoraleaks.com

https://www.youtube.com/watch?v=xxH-E7oN9H8&feature=youtu.be