Agoraleaks Agoraleaks
– الإنتخاب أهم عملية وطنية سياسية 🇱🇧 👆🇱🇧️
***
كلمة رئيس الجمهورية العماد ميشال عون بعد الإنتخاب في حارة حريك بالإنتخابات النيابية عام 2018:
- نهاركم سعيد، اليوم عَم يمارسو اللبنانيين أهم عملية وطنية سياسية
اليوم بِنقّو اللبنانيي الأشخاص يللي بدّو يمثلو لمدة 4 سنوات، ومجلس النواب هوّي المؤسسة الأم، اللي بيتوزّع منها كل السلطات
- الإنتخاب كتير مهم للبنان وللناخبين. وما بيِسوا الواحد ما يمارس صلاحياتو، لأنّو هيدا واجب مقدّس منعتبرو
أغلب البلدان عندُن الإقتراع الإلزامي، نحنا عَم نعطي الحرية بالإقتراع، واللبنانيي ما لازم يِهِمل هيدا الحق، والاّ عم يتنازلو عن حق المحاسبة للنواب.. أد ما بتِشتركو كتار أد ما بتراقبو كتار، وأد ما بِتحاسبو كتار… وهيك تاني مرّة بتحاسبوهم سياسياً، وما بتِمنحولُن صوتكم..
- نتمنى الكم يكون الإنتخاب على حسب إرادتكم، دايماً في أشخاص بالنواب المرشحين، على الأقل بيِعجبكم.. نقّو اللايحة تبعو، حطّولو الصوت التفضيلي…
ليه الصوت التفضيلي؟؟
الصوت التفضيلي لأنّو باللايحة المقفلة بيعطيكم حق تِتركو الشخص اللي ما بدكم ياه، وتعطو إشارة للمرشّح اللي بدكُن ياه ، وهيك اللي بدّو ياه الشعب بيِطلع. لأنو بالنظام النسبي، في ناس بتِخسر.. خلّو اللي ما بِتحبو يخسر، وخلو الصوت التفضيلي للشخص اللي بدكم ياه، وهيدا خياركم الخاص..
لكل إنسان يستطيع إختيار الخط السياسي ، وهيدا للحزب اللي بدكم ياه، أو للخط السياسي اللي بدكم ياه، بس التفضيلي هوّي إختيار شخصي..
عشتم وعاش لبنان…
يُسأل الرئيس عون، لمن إقترع رئيس الجمهورية..؟ يقول:
ولو عَم تسألني هيدا السؤال ، صوتّت للعهد ، لمين بدّي صوّت.. صوتي للعهد..
https://www.youtube.com/watch?v=g5rUj1TLcgg&feature=youtu.be
