ميشال ضاهر: التيار موجود بكل بعلبك الهرمل، بكل ضيعة وحَيْ ، ومكَفايين وما فيشي بوقفّنا.. (Audio)

– نحنا مش ضدّ حَدَن، و ولا حَدَن ضدنا…

***

كلمة المرشّح عن التيار الوطني الحرّ للمقعد الكاتوليكي ميشال ضاهر، في دائرة بعلبك – الهرمل: (1 نيسان 2018)

معالي الوزير جبران باسيل، رئيس التيار القوي، نحنا معك، ونحنا حدّك.. كلنا حدّك، ومكفاييّن ما فيشي يوَقِفنا..

التيار الوطني الحر، متل وجودنا هون، هوّي موجود بكل بعلبك الهرمل، بكل ضيعة. بكل حَيْ ، ونحنا مكفايين ومافيشي بوقفّنا..

نحنا ببعلبك الهرمل، رح نوقف حدّ الناس، بمعاناتها، وبحاجاتا… نحنا رَح نعمل إنجازات.. منطقتنا محرومة، ونحنا منَعرِف حرمانا.. نحنا عايشين فِيا، ورح نِعمل إنجازات بعهد فخامة الرئيس العماد ميشال عون.

نحنا ببعلبك الهرمل عنّا معاناة قوية، وبحملتنا الإنتخابية عَم نوعِد الناس، بدنا نوقف حَدها بالشَخصي، بمعانتها، هيدي المنطقة محرومة، ونحنا مش ضدّ حدن، نحنا ولا فريق ضدنا، ولا نحنا ضدّ حدَن..

نحنا مع كل واحد لبناني شريف.. نحنا التيار الوطني الحرّ ، تيار العهد ، تيار فخامة الرئيس ، نحلم ببناء الدولة الحديثة، ورح نبنيها..

بدنا نبني مؤسسات، قايمة على الكفاءة، والشفافية.. وبدنا نجتثّ الفساد من جذورو.. ونحنا مستقبل لبنان، ورح نِعمل مستقبل لبنان لشباب لبنان..

لرفاقي باللايحة المستقلة، انتو بتِشبهونا، بتِشبهو التيار الوطني الحرّ .. إنتو من طينة هالأرض، وملتقانا بِ 6 أيار ومكملّين ومافيشي بِوقفنا…

رصد Agoraleaks.com