شاكر نون يُحرج بول أبي راشد.. ما بدّك تعمل شي وحَكي..!! (التفاصيل)

–  6 مؤتمرات وقانون وما شاف..؟

***

سأل مؤسس جمعية بلدتي المهندس شاكر نون، المحامي بول أبي راشد، الرافض كل خطط الحكومة البيئية، كاتباً له على صفحته الخاصة:

عزيزي بول خريطة الطريق واضحة وصديقنا العزيز د. قديح عضو في لجنة الإشراف ونحن ننتظر استمارات البلديات واقتراحات منشآت التدوير …. وما زلت ترمي شعارات شعبوية لا تؤخر او تقدم …. حرب المحارق تعني إنجاح لامركزية المعالجة …. كم استمارة تبنيتم حتى الان؟

بول أبي راشد: بفضل ما جاوب ، خللينا أصحاب ، مشكلتنا مش معك

شاكر نون: انا مضطر جاوب لأن مش مسموح نضيع الفرص وتضيع الناس … كم استمارة قدمتم ؟ هيدا المؤشر الوحيد والباقي حكي… فينا نضل اصحاب ونختلف بالرأي مش مصيبة … ٦ مؤتمرات واستمارات وقانون ما شفتن هودي؟ وصار جريمة اذا سألتك شو عملت؟ ما برضاك تكون بفريق المسبب للمحارق عبر تضييع فرصة تحقيق اللامركزية..

بول أبي راشد: يا حبيبي نحنا شاركنا بلقاء الجمعيات وعبرنا عن رفضنا باعطاء البلديات مهلة شهر فقط لملىء الاستمارة ، هالمهلة هي مؤشر عن سوء النية بالوصول لحلول خارج مركزية الحل تبع الحكومة المركزية يعني المحارق..

شاكر نون: يا حبيبي كللو بنظرك مؤامرة ونحنا رأينا انو يللي بعشرين سنة ما عندو مشروع ما رح تأخر وتقدم شهر وبعدين مهلة الشهر تمددت ل ٣٠ نيسان وفيها باي وقت البلدية تجدد معلوماتها… اكيد الدولة اذا بقي الوضع متل ما هو عم تعطيها عذر تروح عالحل يللي بتشوفو مناسب …. واذا سحبت منها ٥٠% من الكميات بتكون الغيت فرصة المحارق … هيدي الحقيقة …. الاستمارة بدها ١٠ دقايق شغل … هيدا عذر لنضل ما نعمل شي … بينما ١٣٠ استمارة جدية وصلت عالوزارة …. ليش هودي كفاهم الشهر؟

هذا وكان أبي راشد دعا مع إطلاق مشاريع السدود في لبنان، الى تدمير كافة السدود في لبنان والعالم…؟؟