كنعان ما بِقبَل حدَن يِستَحمِرني وللشيخ: #نبض_الكذب قصير والحقيقة أقوى بكتير.. (Video)

– شو هالهبل..

***

مقتطف من حديث أمين سرّ عام تكتّل التغيير والإصلاح النائب ابراهيم كنعان: (18 نيسان 2018)

بكل دول العالم، إذا اشتريت شقة بِيَعطوا إقامة أو لاق..؟

بيعطو إقامة.. هيدي المادة 49 عَم يعطو إقامة.

قام الشيخ، انو هيدي إقامة دايمة، قِمنا طلّعنا النص: وقلنالو يا شيخنا، حضرتك مش فاضي.. ما كنت عم تِحضر إجتماعات.. هيّي دائمة، وتعدلّت مؤقتة.. بِقول: أنا زورتّا… يعني أنا من بعد ما قرّر مجلس النواب إنّو دايمة، رِحت عَ البيت معي السجلات وغِيرتّا ورديّتا.. كأنو الـ128 نايب هودي عايشين كوما.. شو هالهبل..

حبيبي.. المادة بتشتري شقة، بتاخود إقامة. ما بتاخود جنسية، ولا بيعطوك حق تملّك.

رَح ضلّ إشرحا، ورح ضلّ قولا، لأنّو أنا بِقبل حدَن يِستَحمِرني، ولا بِقبَل حدا يِستَغشمني.. 

المادة ما بتعطي حق تملك للفلسطيني، ليه؟؟

لأنو أول سطر بِقول: مع مراعاة أحكام قانون تملّك الأجانب.. وقانون تملّك الأجانب اللي هوّي سقف المادة، ما بيَعطي الفلسطيني حق التملّك..

بفزّ بِقول لأنو فِطِن: وطيّب السوري، بقلّو: حبيبي، هيدي المادة فِيا وبلاها، السوي ما بتِحميك منّو ، لأنو السوري منّو مشمول بقانون تملّك الأجانب، وبالتالي بيقدر يشتري وقت اللّي بَدّو.. هلق اليوم السوري بلا وجود هالمادة، بتقدر تاخدلو إقامة..

إذا بدّك تمنع المليون ونص السوري ياخدو إقامات، وأنا قبلك بدي، بتنزل على مجلس النواب بتعدل قانون تملّك الأجانب.. هيدي ما عِجبتو.. ليه؟؟

لأنو لسوء حظو ، أنا مقدّم قانون سنة 2011، لتعديل قانون تملّك الأجانب، وللحدّ من تملك الأجانب، ومش بس من السوري، ومن غير السوري، لأنو لبنان ما بقا يِحمُل بيبع أرضو للغير.. ولا يَعطي تذاكر ، متل ما كانو يِعملو بالحرب، وما بدنا نشهّر لأنو نحنا ولاد بيوت، ومنحترم الناس..

هيدي هيّي.. بس هلق رئيس الجمهورية أد ما حِكو بالإعلام، عِمِل رسالة، وصدّق الموازنة، وعِمل رسالة للمجلس النيابي، وبكرا عندي موعد معو، حتى يِنعِمل قراءة جديدي، بَركي في فاصلة تُريّح الجو المخلوق..

لكن الموازنة أقرّت وراحِت على الجريدة الرسمية، ومبروك للبنان بموازنة 2018، وعَقبال 2019.. والكذبة ما بِتعمّر لأنو نض الكذب قصير، والحقيقة أقوى بكتير..

https://www.youtube.com/watch?v=j3dpaJPAAeI&feature=youtu.be