شارل جبور: المحور الإيراني قتل بشير الجميل وأبو فاضل: لا يُغيّر بقومٍ ، حتى يُغيروا بأنفسهم (Audio)

– لو ما جبران باسيل موجود القوات والكتائب، والمردة بغطاء من بري شو بيشتغلو..!
– وين صوت القوات من توظيف 70% اسلام و30% مسيحيي..؟؟

***

مقتطف من حديث الكاتب السياسي جوزيف أبو فاضل لقناة الـ”LBC” ضمن برنامج “نهاركم سعيد”: (الجزء 1 – 12 نيسان 2018)

سورية

ما يحصل حالياً هو فَورَة، لأن الإطاحة بسورية مستمرة، ومن حق سورية ان تدافع عن اراضيها، وعن شعبها..

مسرحيات الكيميائي، ما الإعتراف الذي اقرّه به رئيس الحكومة السابق القطري، انو نحنا تناتشنا بين بعضنا، حتى طار الصيد.. ليك هالمؤامرة الكبيرة على سورية، من السعودية وقطر وأميركا.

صَح أميركا تملك وتحكم، وقوية.. لكن إذا ما قسمّت أميركا سورية ما بِتكون عَم تخدم أسرائيل..

أنا بِطلع على سورية ، في مناطق استبيحت بالكامل من قبل داعش والنصرة.. منطقة معلولا فاتولها جبهة النصرة، دبّحوا المسيحيين، ما سمعنا مسيحي حِكي، وفي مطرانيَن موقوفين…. إنو أنا بس بدّي إحكي عنُّن أو التيار الوطني الحرّ أو رئيس الجمهورية العماد ميشال عون.. ليه؟؟

إستهداف سورية حالياً هو استهداف لإيران، وطبعاً سورية.. لكن الشروط التي تفرض على الدولة السورية، تريد اسرائيل وفق نتانياهو إخراج ايران من سورية، وقالت أنّه يجب الاّ يكون هناك قواعد إيرانية بسورية.

ما حدن حريص على شعبو أكتر من رئيسو.. سؤال، ليه الكيماوي بيِطلع بعد إنتصار، وما بيِطلعْ الاّ بالنساء والأطفال، في حَدَن عم يستخدم الكيماوي، وما بيستعمل كمامة؟؟ شو بدُّن بالكيماوي، ما الجماعة تاركين صوب ادلب..

سؤال: خطف مطرانين، ليه ما بتدخلو إنتو القوات.. ليه ما بيِطلع شي بيان؟؟

الأسد لم يسقط لأنّو مش أميركا حاطتو..! أميركا حاطا حسني مبارك، شالتو.. حاطا زين العابدين بن علي، هربتو.. بس مع الأسد مختلفة، إنتخبو شعبو وهناك نظام ودولة ماشيين معو.

هلق بتِقلّي قديش بِروح منّا الدولة، وقديه بيبقا منها، وقديه بروح جغرافياً.. أكيد في نفوذ أميركي وتركي.. ما نحنا بلبنان مرَقنا قبلُن بكذا نفوذ، وعرفنا شو كان عنّا نفوذ من “ابو الهول” و “أبو الوليد”.. ولو ما كان في ناس قبضايات متل ايلي حبيقة وغيرُو، ما كنا قدِرنا نوقف بوجُّن..

يعلّق مسؤول الدائرة الإعلامية في القوات اللبنانية شارل جبور: القوات اللبنانية..

يقول أبو فاضل: أمنياً كان مُتابع من ايلي حبيقة، الحكيم كان قاعِد بالقطارة..

يعلّق جبور: نحن لم نهضم النظام السوري، لأنه عدو للبنان، يردّ أبو فاضل: لو كان النظام السوري بدّو يغتال سمير جعجع، لمّا كان بالسجن ما بيقدر يقتلو..؟؟

يقول شارل جبور: أكيد بيقدر.. ولكن حطّو بالسجن 15 سنة.

يردّ أبو فاضل: حطّو الرئيس الياس الهراوي، والمسؤولين كلُّن الوطنجية، يللي إنتو متعاونين معهم.. وعاملين للقوات غطاء بكذا مطرح..

ليش الدكتور جعجع ما خرق كلّ المقاييس وقت كان عون مزروب بالسفارة أو بمرسيليا، ما طِلع قدّم التعزية لحافظ الأسد بالمرحوم باسل.. ما عِمل 3 إجتماعات مع غازي كنعان..

ما كنتو مختلفين مع السوري، نحنا اللي كنّا مختلفين مع السوري.. اللي قاتل السوري الوحيد هوّي ميشال عون. والقوات اللبنانية بس كنّا نحنا فيها…

بخصوص موضوع سورية، هناك مصالح لروسيا، ووجودها ليس كَرمى عيون الرئيس الأسد.. صحيح ان أميركا هي الأقوى، ولكن روسيا دولة عظمى.. ولدى اسرائيل مصالح معها.. واليوم وغداً كافة المسائل تُحلّ بين مدّ وجزر المفاوضات بين روسيا وأميركا..

نقاش

تمدّد إيران يعود لإرتهان الدول العربية لدى أسرائيل.. وتقول السعودية للفلسطينيين ، بِعملكم كلشي إفتحوا على إسرائيل، وما بيِعملولُن شي..

يقول جبور: ما في علاقة بين السعودية واسرائيل..
يردّ أبو فاضل: متل ما بدّك.. بالزمانات كنّا نقول ساعة في علاقة مع اسرائيل وساعة لاق..
جبور: عِملنا العلاقة كرمال القضية اللبنانية
أبو فاضل: كرمال هيك قُتل..
جبور: لاق قتلو النظام السوري والمحور الإيراني..
أبو فاضل: هلق كمان الإيراني قتل بشير الجميل، أفضل ما يحكي الواحد.. كان في 3 فرق عم تشتغل لإستهداف الشيخ بشير:

• الجبهة الشعبية
• أمن الـ17
• الحزب السوري القومي الإجتماعي

ومن توفّق قتلو.. والله يرحمو.. بس الرئيس الجميل بقي عندو حبيب الشرتوني 6 سنين، وما حاكَمو..

جبور: ما بدنا نفوت بهيدا الملف
أبو فاضل: معليه، بركي كان بدّو يجدّد، او يمدّد..

يضيف أبو فاضل: خيّي إنت شو الك ببشار الأسد، الأسد بسورية. كان بدّك سفارة، فَتحلك سفارة بلبنان. شو بدّك منّو.. في حزب كبير اسمو حزب الله يرتبط عضوياً بايران، كما يرتبط فريق الرئيس الحريري عضوياً بالسعودية.

نحنا المسيحيي بالبلد، مش مرتبطين بحدا.. بس ما حدا عَم يِفهم علينا.. عنّا مسيحيي بسورية بِراجعونا.. منقلُّن: لاق قعدو بوجّ صواريخ ترامب، واقبلو بالخطف تبع داعش، والنصرة.. لاق ما فينا نِقعد نتفرّج.. في سنة وشيعة وعلويين ومسيحيي..

والمسيحيين يللي هنّي ضعاف، عم تدمّر بيوتُن.. 27 ضيعة مسيحية بالحسكة، مُسِحَت من داعش والنصرة، والأكراد عم يِتفرجّو… ونحنا هون منتناتش عَ مركز نيابي..

شارل جبور: النظام السوري من يتحّمل المسؤولية
جوزيف أبو فاضل: نفس الأسطوانة، لا يغيّر بقومٍ ، حتى يُغيروا بأنفسهم

شارل جبور يتحدث عن وصاية عربية، يرد أبو فاضل:

وصاية عربية..!! الجامعة العربية لا تُقدّم ولا تؤخّر.. أنا رِحت مرتين مع الرئيس لحود، وكان في خلاف بين السنيورة والرئيس لحود، المقررات كانت مكتوبة قبل.. اختلفوا على حق العودة بس. وصريخ وعَييط.. كلشي مكتوب..

أنا بِحكي اللي معي، واللي ضدّي، هيدا الشغل اللي عم يشتغلو المسيحية ما بوصّل لمطرح.. الله يوجّه الخير لسمير جعجع أو البطريرك صفير، (ما بريد لحدا يِتأذّى) هنّي سعيو ورا الطائف.. على القليلة بدنا رئيس جمهورية يكون عند وصلاحيات وزير، ما بيِقدر يوقّف مرسوم..

وين صوت القوات

بأي حق بتتنازلو عن صلاحيات رئاسة الجمهورية.. هلق عندك بموضوع التوظيف بالدولة، 70% إسلام، و30% مسيحيين.. وين صوت القوات؟؟

بلا تحليل فلسفي للقوات الإستراتيجي المسيحي حول الطائف. عَم تِعملني إنعزالي.. الرئيس ميقاتي قديه مختلف مع الحريري، هل يقبل بمهاجمة موقع رئاسة الحكومة.. والمفتي فوراً.. امّا إنتو والبطرك صفير تتنازلو عن صلاحيات المسيحيين، مين كلفكم…؟؟؟

تنازلتو عن كل الصلاحيات حتى تخلصو من الكابوس اللي اسمو ميشال عون.. هلق وصلنا لمطرح 70% مسلمين موظفين و30% مسيحيين.. ومع هيدا كلّو إذا بدّك تفوّت مسيحيين حتى تِعمل توازن، بيزعلو المسؤولين وبصيرو يقولو عَم تحكي طائفياً..

هنّي أي إنجاز عَملو.. الهجوم على رئيس الجمهورية هجوم مبرّر؟؟ خلّي رئيس الحكومة يطرح أي إقتراح، في أي سنّي من برا بهاجم رئيس الحكومة؟؟ عم تهاجمو رئيس الجمهورية وفخامة الرئيس، والوزير جبران باسيل كل يوم.. لو ما جبران باسيل موجود بالحياة السياسية ، طيّب:

• القوات
• الكتائب
• المردة

وبرّي عامل غطاء ، وجنبلاط كمان.. لَو من الوزير باسيل، التلفزيونات شو بتِشتغل.. إذا الوزير باسيل عامِلكم مشكلة كرئيس تيار وطني حرّ، يعني فعلاً إنو هوّي قوي وأنتو ضعاف..

رصد Agoraleaks.com