فادي عبود: ننسى مؤتمر “سيدر” اللي هوّي كتير منيح، إذا ما منوضع حدّ للفساد، رايحين للهاوية (Audio)

– أوعا حدن يفكّر إنّو الإقامة يعني الحق بالجنسية…

***

مقتطف من حديث الوزير السابق فادي عبود لقناة “الجديد”: (10 نيسان 2018)

مؤتمر “سيدر” كتير منيح.. وكل قرش منِقدر ناخدو منيح إن كان هبة أو كان طويل الأمد بفوائد 1% عظيم جداً..

الأهم إنو نعطي الرسالة لكلّ عَطيونا، ولكلّ العالم إنّو نحنا جديين، بمكافحة الفساد.. وننسى مؤتمر “سيدر” إذا ما منوضع حدّ للفساد، نحنا رايحين ماشيين على الهاوية، والاّ رح ينهار الاقتصاد الوطني..

أنا مني كاهن ولا شيخ دين، عم إحكي كرجل اعمال، اليوم إذا شركتي بتسوا ليرة، وقت في بلد في محاسبة، بتصير تسوا 10 ليرات. موضوع الفساد عَم يِهدم الاقتصاد الوطني، وشبابنا.. وصار كل شخص بدّو يفتش عن القرش السريع.

هيدا البلد ما بقا يِحمل حجم الفساد، والهدر بمستوى الفساد يمكن وأكتر..

***

تملّك الشقق السكنية موجودة بعدة بلدان، باليونان والبرتغال، وعدة دول.. أوعا حدن يفكّر إنّو هيدي الإقامة أصبح الو حق بالجنسية، او يصوّت.. ما الها علاقة بالتوطين..

هودي المليون ونص سوري، شو الإقتراحات..؟؟ أحدى محطات التلفزة تشير الى أنّ الجميع يريد عودتهم؟؟ لكن من يعمل إعادتهم..