حنان خنافر: مش مضطرين نقدم فحص دم بالوطنية لحدا..

– عن النهج العوني.. أنطوان عطالله… ومقطع فيديو للرئيس عن إستغلال الشهداء (Video)

***

(1)

علقّت المهندسة حنان خنافر على التحريض الذي يتعرّض له حزب التيار الوطني الحر، ورئيسه جبران باسيل، كاتبة على صفحتها (Hanan Khanafer) 

الحملة على التيار الوطني الحر، لكل الحريصين والغيارى على التيار ولكل المنتقدين والحاقدين عليه، شريط نسمعه كل يوم يتضمن:

• التيار مع ميشال عون غير التيار مع جبران
• لازم يكون شامل محل جبران
• التيار عم يخسر مناصرين
• التيار عامل مشكل مع كل العالم

وووووووو…

جوابنا واحد: 

نحنا تيار فخامة الرئيس ومكفيين مع الوزير باسيل وما في شي بوقفنا، خلي كل واحد يهتم بشؤون حزبه ويحل عنا
نفس الاتهامات التي كانت توجه الى العماد عون من 1988 ولغاية الامس:

خائن وعميل وحرامي وطائفي

هي ذاتها توجه الى الوزير باسيل: مع التطبيع وفاسد وعنصري..

لكل الذين يتغنوا بنغمة السلم الاهلي والوحدة الوطنية وبيعطوا دروس بالوطنية، فينا نعرف ليش هايجين على التيار لأنو الوحيد الي قدر يحكي مع كل الاطراف ويعمل تحالفات واسعة.

كلمة واحدة وهي نحنا مش مضطرين نقدم فحص دم بالوطنية لحدا. هيدا تيارنا وهيدا رئيسنا ، مكفيين وما في شي بوقفنا…

(2)

من جهتها، أعطت صفحة (Aoun Generation) مثالاً عن النهج العوني، كاتبة، عن أنطوان عطالله:

إنه مِثالُ الحزبيّ الملتزم الذي يبدّي مصلحة حزبه العليا على مصلحته الخاصة إذ إنه قَبِل الإنسحاب من المعركة الإنتخابية دون ضوضاء عندما إقتضت مصلحة حزب التيار الوطني الحر ذلك علماً أنه كان قد حلّ أولاً في الإنتخابات الداخلية التي قام بها التيار ، فألف تحيّة حبّ وتقدير للمحامي أنطوان عطالله على شهامته ورقيّ أخلاقه .

(3)

عماد الوطن

مقتطف من حديث الرئيس ميشال عون (نيسان 2016)

بَعدان كِل واحَد، بيِسحب جثة من البراد، وبيِقعُد يتاجر فِيا.. هودي هنّي شهدائنا..!!

هيدا مصيرُن..!!

ممنوع الحَكي بالشهيد، بالمعركة الإنتخابية، مش خوفاً من نتائج.. لأنو منِنجِبر نِسحَب سجل حياتو.. وِنْفَرجيُن ياه.. 

ما حَدَن بتاجر بالمقدسات، ممنوع.. الشهادة من مقدسات الوطن، بس يستشهد واحد، ويَعطي حياتو ، خلص بيِخرج عن إطار المجتمع لا سلباً ولا إيجاباً، ويصبح في ذمّة الله والتاريخ.. الله بِحاكمو على اعمالو، والتاريخ فيما بعد على أعمالو.. ولكن هالكل يوم منِسحبو ومنحطّو عَ الطاولة وبالخطاب السياسي.. هيدا تدهور في احترام القيم والمقدسات.. 

“أنا آخد على حالي عهد لكل ‫الشهداء يلي سقطوا إنو إبني وطن يعيشوا ولادن فيه بكرامة”…‬
#صوتي لعهد الكرامة
#صوتي للعهد

https://www.youtube.com/watch?v=S7g7pf7zMVU&feature=youtu.be