كاتوليك وأرثوذكس وموارنة إتحدوا بضهور الشوير عين السنديانة.. حان وقت وحدة الكنائس (التفاصيل – Audio)

– تجربة إنطلقت من لبنان هل تُعمّم في العالم كلّه… (ريما حمدان)

***

على وقع أجراس الكنائس الثلاث: المارونية ، الكاثوليكية ، والأرثوذكسية موحدّة.. إحتفلت ضهور الشوير – عين السنديانة للسنة العاشرة على التوالي بعبيد الشعانين.

بعد القداديس إنطلقت المسيرات الثلاث من الكنائس، لتلتقي في الساحة الرئيسية..

قال المسيح: كونوا واحد..

يقول الوزير السابق الياس بو صعب: لمّا قررنا بضهور الشوير نوحّد العيد، كانت شوَي الأمور منّا سهلة، وكتير مؤسف نشوف عَم نجَنِّز المسيح مرتين، والقيامة مرتين.. بينما عيد الميلاد موحّد.. هيدي رسالة من ضهور الشوير لكل رؤساء الكنائس ، انو حان الوقت لتوحيد الأعياد، وهالشي منّو صعب..

يقول فريد الصباغ (لجنة توحيد عيد الفصح المجيد): إختيار الحديث، ففكرّنا بما إنّو عيد الميلاد عَم يكون وفق التقويم الغربي بكل لبنان. قلنا في يكون ضمن التقويم الشرقي عيد الفصح والقيامة.

أهمية هالحدث، غنو نحنا موحدين بكل المناسبات، عَ الشعنينة، عم تكون مشتركة، كما رتبة الجناز واحدة لكل الطوائف بكنيسة واحدة، وكل سِنة منِبرُم من كنيسة لكنيسة..

تقول رئيسة دائرة الإعلام في بلدية ضهور الشوير عين السنديانة: مين نحنا لنِصلب المسيح مرتين، ونقومو مرتين.. عَنجد هيدا الشي كتير غلط.. لازم المهنة والمسؤولين الكبار بالطوائف، يعيدوا التفكير بالموضوع.. مسيحنا واحد.

ومتلما توحّد العيد بضهور الشوير، يتوحّد بكل العالم، وبين كل الناس… ونأمل كل بلنان أن يتبع هذا النموذج الجديد..

من أمام كنيسة المخلص للروم الكاتوليك، الكهنة مجتمعين، وبمشاركة الكنيسة الإنجيلية قرأوا إنجيل العيد، يقول كاهن رعية شوير للروم الكاتوليك، الأب يونس عوده: عمِلنا خطوة كروم كاتوليك، وحّدنا العيد ومشينا بالتقويم الشرقي، وهيدا الشي صار تحت طلب الرعية. واخدنا بركة من سيادة المطران.

كتير أساسي تتعوّد على الفكرة، بنوع خاص بمنطقة الشوير، يللي هيي منطقة مختلطة من روم ارثوكس وكاتوليك وموارنة.

رسالة لتوحيد الطوائف بتوحيد الأعياد، تجربة يأمل أهالي ضهور الشوير أن تنطلق من لبنان لتُعمّم في العالم كلّه.

المصدر: OTV

رصد Agoraleaks.com