ميسا عقيقي تتذكّر.. كان عمري 4 سنين لما زرت بيت الشعب

كبرت صرت حب اتعرف عالجنرال اكتر لأعرف سبب حب اهلي الو، اسرق مقالات و اخبار عن الجنرال من مواقع عالانترنت و من رفقاتي و خبيهن لا ما حدا يعرف يفيون، لحد ما انا حبيتو بقناعتي حبيتو لانو بيحكي عنا عن مشاكلنا

كتبت (Mayssa Akiki) على صفحتها الخاصة بمناسبة تظاهرة صعود الشعب الى بيته القصر الجمهوري

كان عمري ٤ سنين لما زرت بيت الشعب اول مرة
بوقتا كانو اهلي حاملين ،
ياما تمنيت لو كنت بوقتا اكبر بالعمر لكون من بين هالشعب يلي ما ترك ساحات بعبدا دقيقة
كبرت و ربيت على اخبار اهلي عن الجنرال العظيم عن ظاهرة ما ممكن تكرر ،عن امل راح…
حبيتو من غصة بقلب بيي كل ما انحكا عن الجنرال و دمعة بعين امي كل ما تذكرت ١٣ تشرين،
حبيتو على الخبرية ،
كبرت صرت حب اتعرف عالجنرال اكتر لأعرف سبب حب اهلي الوا، اسرق مقالات و اخبار عن الجنرال و كلام للجنرال سرقة من مواقع عالانترنت و من رفقاتي و خبيهن لا ما حدا يعرف يفيون، لحد ما انا حبيتو بقناعتي حبيت وطنيتو حبيتو لانو بيحكي عنا عن مشاكلنا عن هواجسنا حبيتو لانو بفكر متلنا حبيتو لانو هو الشخص الوحيد يلي قادر يرجعلنا حريتنا و استقلالنا و سيادنتا، لانو هوي الوحيد يلي قادر يعملنا بلد نقدر نعيش في و نبني مسقبل من دون ما نفكر بفيزا،
رجعلنا الأمل ب ٧ ايار ٢٠٠٥ بعودة الجنرال علبنان على ارض الوطن رتحنا و اتطمنا انو كل شي رح يصير منيح.
من وقتا صرت شارك بكل نشاط او تحرك يدعينا علي الجنرال، لنوصل على تحرير يلدنا استرجاع خقوقنا و بناء الجمهورية،
كنت ضل احلم و اتمنى يجي يوم ما انزل في على اعتصام و مظاهر لطاب بحقوق مسلوبة واطلع على بيت الشعب باحتفال فرح او شكر
اخيرا حلم ربيت علي تحقق و بكرا لح عيش لحظة وطنية عاشوها اهلي قبلي و قلون بشكركم عهالخيار الوطني يلي ربيتونا عليه ونجدد تأيدنا و وفائنا لجنرال عظيم ضحى بكل شي كرمال وطنو وكرمال شعب وطنو، و منقلو هي اول مرة من حس بإنو الرئيس بيعنينا، و منتمنى يضل متل مع عرفنا و نحنا كلنا ثقة بالهشي
افتخر بك رئيسي…
#افتخر_بك_الرئيسي
#الرئيس_القوي
#بي_الكل