جوزيف أبو فاضل: الناس مسيحياً ما شايفي الاّ التيار مع احترامي للكل.. الشارع ما يزال خلف العملاق عون، وشو هالثقة لدى باسيل.. (Audio)

– مشكلة المر مع الكتائب.. والدامور صارت بالحرب هيروشيما.. وأتمنى ان يصل جيمي جبّور
– الدولة الغميقة بيد الحريري وبري وجنبلاط.. المسيحي يسعى إقتحامها
– بري يدعم فرنجية والخازن وحرب وجان عبيد وراضي عن جميل وعَم يمرّق لجعجع.. 
– شو هالوطنجية هيدي، إذا مش مسيحي مدعوم..

***

مقتطف من حديث الكاتب السياسي والإعلامي جوزيف أبو فاضل لقناة الـ”OTV”: (آذار 27 – 2018)

التحالفات

في 6 أيار 2018، بيِنفخط الدَف وبيتفرقو العشاق، بتِطلع النتيجة، وكل واحد بروح بطريقو.. في خيارات سياسية، وفي خيارات إنتخابية ظرفية، متل ما حاصل بين التيار والأخوان المسلمين بصيدا

في جزين التحالف الشيعي ، هوّي اللي ما بدّو يتحالف مع التيار.. ترشيح السيد ابراهيم عازار هنّي اللي قرروه. نظراً للخلاف الحاصل من الرئيس بري والتيار الوطني الحر..

ليس التيار الوطني الحر، ما إختار ذلك..

أين ما يوجد أكثرية سنيّة هناك ضغط سعودي لعدم التعاون مع التيار وتعويمه، ولكن ضمن الأكثرية المسيحية، يتعاون المستقبل مع التيار.. لذلك كل فريق سياسي يتصرّف وفق مقتضيات الظروف الأتنخابية. والمردة يتحالف مع النائب بطرس حرب، والحزب السوري القومي الإجتماعي مع بطرس حرب..

التحالف الشيعي ألّف لوائحه، وقال: دبرّوا حالكم.. ما حدا يُلام من الفريق الآخر.. إنو التحالف الشيعي مش إنو عزلو حالُن عن الحياة السياسية، بس هنّي عِملو هيك…

بعلبك الهرمل

في دائرة بعلبك الهرمل: 6 شيعة، 2 سنة، 1 ماروني ، 1 كاتوليكي.. إذا بدّو يعطي أصوات تفضيلية حزب الله لإعطائهم للماروني، او للكاتوليك، او للسنة، سيخسر شيعة..

إذا إمتلكت القوات اللبنانية والمستقبل والنائب يحيا شمص حاصلين إنتخابيَين، من جهة والتيار الوطني الحر بالتعاون مع فايز شكر من جهة ثانية تأمين 3 حاصل إنتخابي.. عندها ستُخرق لائحة الثنائي الشيعي بثلاث نواب.

هلق من هم الشخصيات.. التيار الوطني الحرّ ببعلبك الهرمل لم يدخل بلوائح ضّد حزب الله..

في الحنوب لا أتوقع خرقاً لنواب الشيعة…

عن المقعد الكاتوليكي في الزهراني، إذا إستطاعو تأمين الحاصل الإنتخابي..

الجبل

سمعت نائب رئيس القوات جورج عدوان يقول، أنّ المصالحة بالجبل تمّت، ولن تقوى عليها أبواب الجحيم.. بالنسبة الي الجبل، تعنينا المصالحة، وعودة المسيحيين الى الجبل.. لأنه لا يمكن تهجير هذا الكمّ الهائل..

يعني كل 100 سنة بصير في تهجير، بالحرب 1914 مع العثمانيين تهجروا المسيحيين والموارنة بمئات الآلاف وقتلو حوالي 250 الف بالمجاعة، وقبلها 1840، وسنة 1860.. وسنة 1976.. صحيح صارت مصالحة، ولكنها غير كاملة، والجبل هو صمام أمان للجميع، ولكن المسيحي لا يستطيع أن يتفرّج على بيته من الدامور، بدّو يروح يعيش بضيعتو..

يعني إذا لا سمح الله، تيمور فَكش إصبع اجرو، ما المسيحي بدّو ينام ببيتو مرتاح.. والوزير جنبلاط بيعرف منتمنالو كل التوفيق، بس انو الحماية تكون بالعودة السياسية، والعودة الحرة، والقرار، وممارسة العمل البلدي..

العودة لم تكتمل، في ناس تخشى، ونحن كمسيحيين نريد مساعدتهم من أجل العودة، الدامور ما صارت بالحرب متل هيروشيما.. ما بقي فيا بيت حجر على حجر.. انتهينا من هيديك المرحلة، بس إستعانو بالأخوة الفلسطينيين، وبالأخوة السوريين، وبجيش اليرموك، وبكل العالم لتدمير المسيحيين، بلحظة وبليلة ما فيها ضو قمر…

ما فيّي كمسيحي إنكر تاريخي، ما أنا عِشتُن بالحرب.. هلق حالياً الناس عم تعيش مع بعض بس مش متل قبل آذار 1977 وذكرى إغتيال كمال جنبلاط..

القانون الإنتخابي

هيدا القانون، ما بيِسوا “قشرة بصلة”، لأنو

1) طيرّوا البطاقة المُمَغنطة. يعني تسهيل الإنتخاب للناس حيت يسكنون، طيرها الوزير المشنوق.. لأن البطاقة المُمَغنطة تحمي المقترع من كل الطوائف، وخاصة المسيحيين. (وكان معُن 11 شهر.. بس ما بدّن)

2) الميغا سنتر، كمان طيرّوه..

انا كمسيحي ما عندي نايب بكل منطقة الجنوب، بس 2000 ماروني بطرابلس عندُن نائب.. و20 الف مسيحي بمنطقة القليعة و رميش ما بيِسوا يكون عندُن نائب..!!

انا بلشت اشعر، نحنا كمسيحيين مش لازم نتعامل هيك..؟ هلق نحنا مش بعهد فخامة الرئيس عون القوي، السنة يُعيّن السني، والشيعي يُعيّن الشيعي، والدرزي يُعيّن الدرزي، والمسيحيين كلُّن بحطّو إيدُن.. بياخدو 400 موظف فيبَيناتُن 100 مسيحي..!!

الدولة الغميقة باجهزتها الأمنية والقضائية لا تزال عند بيت الحريري والرئيس بري، ووليد جنبلاط، والمسيحيين هلق عم يحاولو يفوتو..

بري في طرابلس

جان عبيد شخصية محترمة ولبق، ومقرّب من الجميع، والرئيس بري كان يتمناه ان يكونرئيساً للجمهورية، لذلك بسدة النيابة، يؤمن له استمرارية سياسية، يمكن ان يتحرّك من خلالها.. لأنو فيصل كرامي ليس مع التيار الوطني الحر، والرئيس ميقاتي هو ضدّ التيار الوطني الحر.. والرئيس الحريري يرشّح جورج بكاسيني على المقعد الماروني في طرابلس..

عكار

في معركة، على مقعد ماروني والأرثوذكسي.. والنائب هادي حبيش أساساً تابع لفرع المعلومات.. انا أتمنى ان يصل جيمي جبّور، لأنو من جماعتنا..

زغرتا

الصوت التفضيلي من تيار المستقبل للنائب ميشال معوض.. الحريري أقرب الى التيار الوطني الحر من الوزير فرنجية..

كسروان – جبيل

الناس مسيحياً ما شايفي الاّ التيار الوطني الحرّ، مع احترامي للكل.. الشارع ما يزال خلف العملاق اللي اسمو ميشال عون، في كسروان وين ما في مسيحيي.. هيدي واضحة

قديه في ثقة بالنفس للصعيد التكتيكي، حتى آخر يوم، بيعمل إحتفال الوزير جبران باسيل، ويُعلن هكذا لوائح، وهكذا مرشحين، وعلى طريقة الحزب الديمقراطي والحزب الجمهوري، والأحزاب الكبرى.. في تكتيك سياسي مميّز عند هالرجل، (كان بحبو أو لاق) جبران باسيل نشيط جداً وعارِف شو بدّو..

بكسروان وكل المناطق، الجميع يتقاتل، حتى ياخود حاصل.. بخلاف مع التيار يللي بيِحكي بكذا حاصل إنتخابي.. وهيدا الشي بكل المناطق المسحيية.. وإنتشار التيار على مساحة لبنان تُزعج الفريق الآخر، يللي عم يحاولو يطوقو العهد..

المرّ

المشكل إنّو إبنو عِمِل إنتخابات بلدية من سنة، نزلو كسر عضم مع التيار، وهنّي تحالفو مع الكتائب والأحرار، وصار كل واحد بسلّم مع قومي صارو يقولو كتلة قومية..

وصلنا لمرحلة مشكلة المر مع الكتائب مع التيار الوطني الحر عِمل خلاف.. لذلك التيار ألّف لايحة وحدو، وممكن كتير لائحته يِربح 6 نواب..

صيدا جزين

إذا جاءت الأصوات التفضيلية من الشيعة صُبّت لإبراهيم عازار، بطلعو، حَ حساب مين.. ما بعرف..!! كلُّن أصحابنا، إن كان النائب زياد اسود أو أمل أبو زيد..

ما بعرف إذا يُمكن الخرق بالمقعد الكاتوليكي..

جعجع

يقول إنو في عزل للقوات، مين عم يِعزلك؟؟ ما تحالفت مع التيار الوطني الحر، ومع الكتائب، ومع المستقبل، والكتائب، والرئيس بري عم يمَرِقلك.. وساكت..

سامي الجميل، كمان الرئيس بري راضي عليك..

فريد هيكل الخازن، مع حفظ الألقاب، الرئيس بري يدّو ياه..

سليمان فرنجية، داعمك الرئيس بري..

بطرس حرب، داعمو الرئيس بري..

في عملية لتطويق التيار الوطني الحرّ.. لأنو عم ياخود مكانتو، ولكن التيار منّا عملية أكلو سهلة… وبرأيي مع صدور النتيجة، برأيي نواب التيار (غيرالتكتّل) رح يكونو فوق 20 نائب..

وما ننسى قضية سورية.. كل غوطة وإنتو بخير… والتيار يعني بكرا بيتنفّس، وبياخود الصعداء.. التيار حليف لسورية.. ومين عم يطالب لحلحلة النازحين السوريين غير التيار..

ما سمعنا حكي حدا من المردة والكتائب، والقوات..

مين عندو خطاب مسيحي الحقيقي.. العماد ميشال عون.. 

يسأل: لكنه يملك الخطاب الوطني.. يردّ أبو فاضل: شو هالوطنجية هيدي، إذا مش مسيحي مدعوم.. عم إحكي المنطق..

رصد Agoraleaks.com