خاص – “الكلمة”: البنت وخَيها.. (قصة حقيقية Audio)

✝ الأحمال الثقيلة نِرفَعا بقلوبنا صوب الله… (مارينا شليطا)🙏

التقى شخص عَ طريق وِعرة بنت صغيري حاملة خيّا على ضهرا..

بِقلها الرجال: كيف حاملة حِمِل تقيل، اكبر من عًمرِك وأَتقَل منّك..؟؟

بتِطلّع فيه البنت، وبِتقول: هيدا منّو حِمِل.. !! هيدا خَيّي ، إذا أنا ما حِملتو مين بدّو يِحملو حتى يكفّي الطريق لمّا يِتعَب..!!

وبِخَبِّر الرجال، إنّو وِقِف مذهول قدام جواب هالطفلة العميق، وصار كل ما يِقطَع بصعوبة يِتذكّر هالجواب..؟؟

***

الدعوة النا اليوم بالصوم ، لمّا تكون الأمور بحياتنا حِمل تقيل، ما نشيلا عن كتافنا.. ولكن نِرفَعا بقلوبنا صوب الله، لأنو الحِمل بصير أخفّ..

الدعوة النا، أدوارنا العائلية والمجتمعية والمهنية، ما نعيشا عَ أساس حِمِل، ولكن نوضَع فِيل الكثير من الحب، والمسؤولية، ونقول متل البنت: هيدا عملي، وهيدا دَوري..

تعوا اليوم ما نِستقيل أو نتذمّر من أدوارنا، رغم تَعَبنا، ولكن نسعى نعيشا بكلّ حب..

https://www.youtube.com/watch?v=3LwUXxtlCPI