Agoraleaks Agoraleaks
✝ الأثاث أم الأساس… (مارينا شليطا) 🙏
سايِح بِزُور ناسِك وبيتفاجأ، إنو هالناسك ما عندو، الاّ شِوية غراض، وبعض الكتب..
قلّو الزاير: هودي كل غراضَك..!! وين الأثاث ؟؟ وين الغراض التانية..!!
جاوَبو الناسك: وانتا وَين غراضَك الشخصية..!!
قلّو السايِح: ما معي شي.. أنا عابر سبيل، وحامِل بس الإشيا اللي بِعتبرها مهمة..
هون، بيتطلّع في الناسك، وبقلّو: أنا مِتلك عابِر سبيل، وما بِهتمّ بالأثاث، عندي الأساس..
***
تعوا اليوم نتذكّر ، انّو نحنا بدورنا عابرين سبيل، وانو لازم نهتّم بالأساس، وما لازم نخلّي شي يِستعبدنا، ويخلينا مْكَمشين فيه، لأنّو بالنهاية رَحْ نعبر..
وشو حلو نعبُر بإيدتين مفتوحة، وفاضية من كلشي، الاّ من عمل الخير…
