زياد اسود: طويلة كتير تجي تخبرنا.. إنك مدعوم وجايي تفرض حالك علينا باسم حدا.. (Audio)

– وعن أموال صندوق الجنوب.. ووزير المالية الضنين

***

مقتطف من حديث النائب زياد أسود يتناقل على وسائل التواصل الإجتماعي، في كلمة جمعته مع مناصري التيار الوطني الحر: 

بالمواقف الحساسة

• شو موقفك من المقاومة، يللي نحنا معا..
• شو موقفك من اسرائيل ونحنا ضدا..
• شو موقفك من السوري يللي نحنا قاومناه، وانت كنت عم تِتفرّج علينا..
• شو موقفك من سرقة البلد، ومن المطار والمرفأ..
• شو موقفك من الضمان والبيئة والكسارات، والمرامل..
• شو موقفك من هجرة الشباب، والبطالة..

جايي تخبرنا شو.. (إبراهيم عازار) إنّو أنا مدعوم من حدا، وجايي إفرض حالي عليكم، باسم حدا..

طويلة كتير..

كلامي مش تقليدي.. ما بَدّي البس كفوف، بـ24 الشهر تُعلن أسماء المرشحين، وان شاء الله بهالأسبوع تبيّن اللايحة..

اللي عندو ركاب يهدّي.. اللي مفكّر إنو  بكميونين زفت، وشوية كذب وضحك، واغراءات، في يسرقلنا قرارنا الحر، غلطان..

اللي مفكر في يركّع ناسنا ويهينُن غلطان.. واللي ما بيًعرفنا يسأل عنّا، وفي يبلش بحبوسة المحكمة العسكرية ووزارة الدفاع، وفي يسأل الأخوان السوريين، ويسأل غيرو..

نحنا ما حَدَن بِفَزعنا، خدمتنا بتوصَل الكم، وإذا تعرقلت منقلكم ليه؟ ومنقلكم مين عرقلها.. وإذا في ناس بطونها منفوخة رح نسميها بالإسم..

وكان أسود سأل وزير المال علي حسن خليل، على صفحته الخاصة (Ziad Assouad)

بلكي وزير المال الضنين على المال يخبرنا لماذا املاك الدولة في سراي جزين مشغولة دون بدلات ايجارة و لمصلحة اي موالي للمال السايب…

و

عندما تتحول اموال صندوق الجنوب الى مال شخصي يصرف بارادة الهية انتخابية استنسابية و تحرم مناطق منه لاسباب كيدية سياسية .ندرك ان المال سايب…