Agoraleaks Agoraleaks
✝ نظرتنا قادرة تغيّر مجرى كل حياتنا… (مارينا شليطا) 🙏
3 شباب راحو رحلة إستكشافية ،وهنّي بقمة الحماس تَبَعُن، شافو سور…
بِقرّر كل واحد بَيْنو وبين ذاتو، يتسلّق هالسور، حتى يعرف شوفي وراه…
بعد شْوَي، بعبّر واحد على صوت عالي، وبقول: تعوا سوا نكتشف شو في ورا هالسور..؟
قلّو التاني: شو بدّك بهالشغلة، لو كان فيشي مهم، ما كان هالمطرح فاضي..
أمّا التالت بقلُّن: تعوا نشوف وبلا ما نضيّع وقت، وركض وتسلّق السور بسرعة كبيري.. ووقت وصل بيطلّع أول شخص، وبِقلُن: ما فيشي بيحرز تشوفو..!! وبلا هالطلعة..!!
أما التاني: طلع ونزل عَ السريع، وأكيد كان واضح على وِجّو خيبة الأمل، خاصة إنّو حسّ مجهودو راح ضيعان.. وقَلُّن: هالأرض فاضية، ما فِيا شي..!
أمّا التالت، طلِع وأخد كل وقتو، حتى بَلَشو أصحابو يِزهأوا، وقالولو: نزال بَقا، فينا نفهم شو شايف كل هالوقت، حتى عَ بالَك ما تِنزَلْ..؟
جاوَبُن: كنت عم إتأمل بالزهور المنتشرة بكل مَطرَح، وعم إتأمّل بجمال الطبيعة..!!
وأكيد أصحابو، صاروا يِتْمَسخرو عليه كلّ الطريق، بس ولا واحد منُّن عِرِف إنو اللي شافو، عَكس بطريقة غير مباشرة نظرتو للحياة، وشخصيتو الخاصة..
* ♰ *
نحنا قديه نظرتنا للأمور بتأثّر سلباً أو إيجاباً على مجريات كلّ حياتنا… شو مهم اليوم نظرتنا تكون إيجابية..
في اشخاص بِبَلشو نهارُن، بفكرة تشاؤمية، إنو كلّ الإيام بتِشبَه بعضا..
وفي أشخاص بْيِبدو نهارُن بفكرة، إنو كل الأشخاص بتشبه بعضا، وكيف ما معقول ما تِتشابَه، طالما نظرتنا هيّي نفسا ، وما بْتِتغيّر من يوم لتاني، ومن شخص للتاني…
تعوا اليوم نعرف إنّو نظرتنا قادرة تغيّر كل حياتنا.. تعوا نغيّرا لنقدر نغيّر مجريات كل حياتنا…
