باسيل من كسروان: ما تردّو عَ الشعارات الصغيرة ناسنا أكبر.. يللي قدّم كل حياتو خدمة لبنان وجيشو قوة لكسروان وللبنان (Audio)

– لبنان مش حفنة دولارات، وبَحصات، لبنان طاقات بِقدمها التيار للبنان..

***

مقتطف من حديث رئيس التيار الوطني الحر جبران باسيل من جولته في كسروان – الفتوح (حراجل): (18 آذار 2018)

كل واحد منّا شو ما كانت عيلتو، وضَيعتو، ومنطقتو هوّي بمثّل كسروان، وفِكر كسروان، والمشروع الأكبر يللي حاملو التيار الوطني الحر، هوّي لكل لبنان..

لمّا منفكّر باللبنانيي يللي بأبعد جزيرة بالعالم، ما منقدر نِحمُل بعضنا بقلب كسروان..

نحنا لا نقسّم ، نوحّد.. نحنا نَمدّ جسوراً.. ونوسّع.. هيدا الفكر اللبناني..

قيمة مشروعنا المشرقي إنّو منشّع أكثر بكتير من لبنان، وإنو نجاحنا وطاقتنا أكبر من لبنان.. كل واحد منّا بفكرو، لمّا بيشتغل نايب من تكتّل التغيير والإصلاح، وهوّي من جزين، وبصوّت معنا، لطريق بكسروان، هوّي أكتر من حدا بكسروان وما بيشتغل لكسروان…

سألوهم شو عملو لكسروان، قبل ما جينا نحنا سنة 2005..؟؟ أيّا مشاريع عملوها لكسروان..!! واليوم سألوهم عن مشاريعهم للمستقل؟؟

نحنا منحكي، عن:

• خط غاز
• معمل غاز
• معمل كهربا
• سدود

عن شو هنّي بيحكو.. عن أي فكر بيحكو.. بَدُّن يردوّنا لورا، ونحنا بدنا نروح لقدام… نحنا ما في عنّا بفكرنا الاّ ناس كبار بفكرُن ومشاريعُن.. وهيك منقدر منقر نِطلع بفكرنا الوطني نقدّم مشروع وطني لكل لبنان…

كلنا سوا منشتغل للبنان الكبير، ولمشروعنا الكبير.. وبطلُب منكم ما تردّو ، ولا تفوتو بصغائر الأمور… قيمتنا إنّو منفكّر كبير.. ما تردّو على شعارات صغيرة، لأنو ناسنا أكبر..

يللي قدّم كل حياتو خدمة لبنان، ولجيش لبنان، ولقوة لبنان.. عَطا كسروان أكتر بكتير من يللي أخد قرار كسروان لخارج كسروان، ولخارج حدود لبنان.. هيك بدكُن تفكرو… وهيك كلنا سوا بدنا نقول، إنو نحنا بمشروعنا منعطي كسروان، ومنعطي كل لبنان…

كسروان الها علينا، بكل زاروب وضيعة من ضيعها، حتى نعطيها حقوقها وحقوق ناسها.. مش حتى نمنّنهم بخدمات من جِيَبكم وحسابكم.. الخدمات اللي بتِنعمَل من خزينة الدولة، هيدي إنتو عم تدفعو حقها.. هيدي مش خدمة..

الخدمة اللي بتكون عامة وكبيري، ويللي بتوصلكم الضو، والماي، وبالنبع الإستراتيجي تبع البلد وبنفط لبنان.. ومغتربين لبنان.. هيدي الدولة يللي بتكون عم تنبنى بتكون عم تربطكم على خطها، ومش عم تربطكم بخطوط المزارع والمشاريع الصغيري..

هيدا العيش الواحد بلبنان، هوّي يللي بيعمل دولة وحدي بلبنان، بقوانينها، وكسروان هيّي أكبر من إنّو تتحوّل لمشاريع صغيري..

كسروان مع مؤسسات كبيري ، الجيش ، رئاسة الجمهورية ، مجلس النواب ، الحكومة.. هيك منبيّض وجها لكسروان، بالرَوحة لهيك مؤسسات..

وعدنا الكم، انو تشوفو أطيب شباب كسروان بمؤسسات الدولة، وباداراتها، وبمجلسها النيابي، وبحكومتها.. هيدا لبنان يللّي بدنا ياه.. لبنان مش حفنة دولارات، ولا حفنة بَحصات، لبنان حفنة طاقات انتو بتمثلوها، والتيار الوطني الحر بقدمها لوطنو ولمواطنيه.. 

عشتم وعاشت كسروان، وعاش لبنان.

رصد Agoraleaks.com