Agoraleaks Agoraleaks
♱ إنتو ما تعملو هيك بحياتكم… (مارينا شليطا 8 آذار 2018)
كانت رابعة العدوية ، عم تفتّش قدام خيمِتا ، على شي مضيعتو …
سألوها الجيران: عشو عم تفتشي..!!
جاوَبتُن عَ قطعة نقدية..
بعد وقت طويل من التفتيش ، قالولا جيرانا: متأكدي إنك مْضَيعتيها بهالمطرح… !!
جاوَبِتُن: لاق، أنا ضيّعتا بقلب الخَيمة، بس قلت بفتّش عليا برّا كمان… !!
صارو يضحكوا عليا.. قالتلُن: ليه عم تضحكو..!!
إنتو ما بتعملو هيك بحياتكم، ما بتفتشو بالخارج عن إشيا ضِيَعتوها بالداخل… !!
***
شو مهم نسأل حالنا: قديه أوقات كتير منفتّش خارج الله وخارج حياتنا، على أجوبة مضَيعينا بالداخلْ…
بمسيرة هالصوم، قديه مهم نعرف، وين، وكيف، وعشو عم نفتّش؟؟؟
بمسيرة هالصوم، قديه مهم ما نْفَتّش بالخارج على أمور ما منلاقي جواب الها، الاّ بداخلنا، وبعمق أعماقنا…
شو مهم اليوم وبعالم بسمّوه إفتراضي، نرجع للحقيقة، ولمنبع كلشي بهالدنيْ.. ليَللي هُوّي البداية والنهاية، والفرح، والسلام والحب، والمعنى الحقيقي، لَيصير لحياتنا معنى، وما يكون تفتيشنا بلا معنى…
