بالصوت فرنجية يطالب بحقيبة أساسية وغير متمسك ويطالب باستدعاؤه لبعبدا لمناقشة اموره الشخصية (audio)

– فرنجية زعلان.. وما عمل شي ضدّ التهذيب – بالمرحلة السابقة كل اللبنانيي بحقلن يكونو مطروحين عَ رئاسة الجمهورية الاّ أنا.. !!!!!

النائب سليمان فرنجية بعد لقائه رئيس الحكومة سعد الحريري (الإستشارات)

– طالبنا بحكومة اساسية، ولكن إذا في احراج لسنا متمسكين، إذا عرض علينا شي منيح، منقبل. اذا ما عجبنا منا متمسكين بأي وزارة
– الانتخابات بعد 7 اشهر، منقدر نعمل انتخاباتنا عَ رواق.
– إذا في اجماع بهالمرحلة وطني ووفاق وطني، ومطلوب نكون ممثلين، نحنا بالتمثيل ما عم نركض تناخود وزارة “بريستيج” لوزير، عم ناخود وزارة فعلية، والا الله يوفق. بس نحنا دايماً بقلب السلطة، وبجو السلطة، وع أساس كيف بتمشي الأمور بكون موقفنا السياسي.
– لحد هلق ما صار في مصارحة بيننا وبين فخامة الرئيس، بس يصير في جلسة مصارحة، عَ كلّ الفترة يللي قطعت، بتصور الأمور بترجع طبيعية.
– اليوم يللي صار بالمرحلة، كل اللبنانيين يمكن بحقلن يكونو مطروحين عَ رئاسة الجمهورية الاّ أنا، اذا صار في جلسة مصارحة، واذا حبّ هوين مستعدين نعملا، والاّ نحن نحترم هذا الموقع. ولكن ما عملنا شي ضدّ الديمقراطية، أو ضدّ الدستور، أو ضدّ التهذيب.
– نحنا ممثلين عبر النواب حلفائنا، وعملنا واجباتنا.
– هو يستدعي، صار رئيس للجمهورية. إذا ما بحبّ مشكلتو هوي.
– نحنا مش مقاطعين، الموقف الوطني ملتزمين فيه بكل الظروف. وفي الأمورالشخصية، وهيدي ملك كل شخص. وكل واحد حرّ فيها