سكارليت حداد لديما صادق: حرّة تلبسي “شورت” بس بدّك تحترمي كل واحد شو عَ بالو يلبس.. (Audio)

– الحكي ما عليه جمرك.. بس معليه صارت كل العالم فظيعة الاّ الوزير باسيل رمز الفساد…

***

مقتطف من حديث الإعلامية سكارليت حداد لقناة الـ”LBC”: (آذار 5 – 2018)

عن موضوع اتهام حزب الله بالتبعية لإيران، تقول:

حضرتك من الجنوب، بتعرفي أهمية المقاومة بالمراحل السابقة.. أنا عندي حل كتير بسيط، لكل يللي بدّو يحارب حزب الله، ومنطق الدولة والدويلة، والحكي.. في حل بسيط، بدّك تنهي حزب الله بلبنان، خفّف شرّ اسرائيل عن لبنان..

• عناصر حزب الله لبنانيي.. وحزب الله حزب لبناني، ولكن مدعوم من ايران..

تسألها الإعلامية ديما: حضرتك كلبنانية، متمسكة بالثقافة اللبنانية، وبالهوية اللبنانية، إذا منشوف بنظرة سريعة مجتمع حزب الله، ما منلاقي حتى اللباس النسائي، كلمة آتية من أصول فارسية، وهو “شادور”.. ولم يكن عادة لبنانية.. وبرزت بعد الثورة الإيرانية، والعادات الاجتماعية تشبه العادات الإيرانية..؟ تردّ سكارليت حداد:

انا عم اتحدث عن سبب الإزدواجية في المعايير، ايران عم تدخّل ، والسعودية عم تدخّل.. نكون منصفين.. ما نقول نحنا سياديين، ومنشوف شو عم تعمل السعودية عادي، ويللي عم تعملو ايران مش عادي..

ديما: ما بيلفتك ظواهرها الإجتماعية، هيدي الثقافة منها من لبنان؟؟ تردّ:

سيدة ديما، إذا بتسمحيلي، اخدتي متل عن الثياب، طيّب الثياب اللي منلبسو نحنا لبناني، أو غربي.. بدّك تحترمي كل واحد شو عَ بالو..

عَ بالك تطلعي بالـ”شورت” عَ الطريق بتقدري، وشخص تاني عَ بالها تطلع بالشادور حرّة.. كل الثياب مستورد وشغل برا..

ديما: هل يوجد استيراد للعباية السعودية؟ تقول سكارليت حداد:

يمكن، ما بعرف. لا أدعّي بكل شارع شو لبسُن.. بس بحترم كل شخص شو عَ بالو يلبس..

الفساد

تسأل ديما صادق: من الرموز المتهمة بالفساد، مثلاً عن الوزير جبران باسيل، (انا لا أتهمه) ولكن في حملات تتهمه، بهذا الموضوع، وغيرو من الشخصيات من التيار الوطني الحر.. تقول حداد:

بلبنان في حكي كتير ، والحكي معليه جمرك.. كل واحد بيقدر يحكي شو بدّو.. ومع الأسف اليوم بيطلع عميل شخص، وتاني نهار بيطلع بطل.. يعني مش مفهوم شي من شي..

انا رأيي الشخصي، بشك وما بصدّق أبداً انو الوزير باسيل رمز الفساد.. بعدان معليه، صار كل العالم فظيعة الاّ الوزير باسيل رمز الفساد.. فيشي منطق الواحد ما بيقدر يتقبلو..

الفساد بلبنان معشعش بكل المطارح، وليه كان كل هالخوف من الرئيس ميشال عون، ومن تيارو، لأنو بدّو يحارب الفساد، والفاسدين عم يحاربو تيحافظو على امتيازاتُن…

رصد Agoraleaks.com