الكسندر نعمة عن إنتخابات كسروان: 0,1 % ما منغيّر.. ربوط زِندك وخَفِّف هيجان وبلا ما تهين كرامات الناس (Audio+Video)

– منتهية الخبرية.. يا مرشّح التيار، يا الجنرال شامل روكز..

***

مقتطف من حديث الإعلامي والناشط في التيار الوطني الحر الكسندر نعمة، حول الإنتخابات النيابية، دائرة كسروان جبيل: (1 آذار 2018)

حريتي بالتعبير بتوقف عند حدود كرامة غيري.. إنو أنا ما الي حق انطلاقاً من موقف عندي ياه، هِين كرامات الناس..

1

يللي مزعوج إنو نزلّت صورتي مع معالي الوزير جبران باسيل على “Social Media”، في يشيلني عن “فايسبوك”، وأنا بصراحة بكون كتير مَمنون..

بس إنّو يحطّ تعليق على الصورة، فيها قلّة أخلاق – لاق بدّو يسمحلي فيها – خاصة من الأشخاص اللي إلي شي 12 سنة ما سامع حِسُّن لا بتلفون، ولا بتعليق على “وسائل التواصل”، وفجأة بيوعا فِيُن الحسّ الوطني، والضمير والأخلاق، وببلشو إتهامات طالع نازل..

شي حزب سبعة كَحَتَكْ ، وما استقبلك.. ورجعت عَ التيار.. حبيبي مزبوط عندي تساؤلات على العمل الإداري داخل الحزب، وبالنسبة الي شي كتير طبيعي، لأنو نحنا منّا صورة طبق الأصل عن بعض.. ممكن اختلف أنا وأي شخص أو أي مسؤول بالحزب، بس أنا مش متلك ومِتل غيرك، نهار الحزب ما بيعطيني “موقع” بفلّ وبروح عند حزب تاني..

هودي انتا ومعلمينك بيعملوهم.. وعملوهم.. نحنا أصحاب مبادئ وثوابت، ومش كل يوم منغيّر بدلتنا.. نحنا بطاقة الحزب وانتمائنا للتيار الوطني الحر، هيدي ثابتة من الثوابت ما منغيرها..

2

بما يختص بإنتخابات قضاء كسروان الفتوح وجبيل، وتحديداً قضاء كسروان الفتوح.. هيدي اللايحة بالنسبة الي وبكل تواضع:

• لائحة العهد
• لايحة فخامة رئيس الجمهورية

نحنا مُلزمين بنضالنا وبتاريخنا وبكرامتنا وبشرفنا، وبكل التضحيات اللي عملناها، نكون ماشيين مع هيدي اللايحة، ومن دون ما نفكّر ولا صفر فاصلة واحد بالمية (0.1 %) لأنو هيدي خلاة مسيرة طويلة من النضال، كلنا شاركنا فيه..

هلق..

إذا في عندكم إسم باللائحة ما عاجبكم.. مافي مشكل، عندك إمكانية لصوت تفضيلي… ما تحطو صوت تفضيلي..

أولاً: انتخاب اللائحة انتخاب لعهد العماد ميشال عون..
ثانياً: الصوت التفضيلي هوي خيار فردي، يختاره كل شخص… وبتقدر تحطّ الصوت التفضيلي اللي بدّك ياه..

أما إذا الخمسة اللي على اللايحة ما عاجبينك، غير إنو المشكلة بتكون فيك انتا، بتقدر ما تحطّ صوت تفضيلي.. بس انو تطلع على “Social Media” وتهين كرامات الناس، وتستعمل تعابير فيا قلّة أخلاق لا يوصف.. لاق بدّ: تسمحلنا فيا، وتربط زندك شوي، تخفف من الهيجان تبعك، وتسكتْ..

ومش إذا حدن، ساقبو الحظ، وبالنسبة الي الجميع اللي عم يتنافسو داخل التيار عندن كل المؤهلات يكونو على اللائحة.. بالأخير التيار الوطني الحرّ بدّو يختار شخص.. مين ما يكون الإسم اللي بدّو يختارو بالنسبة النا لايحة العهد، إذا قنعني بعطيه صوتي التفضيلي، كوني ملتزم بالتيار، وإذا ما قنعني وأنا ملتزم بالتيار، بعطي صوتي للجنرال شامل روكز.. منتهية الخبرية، ما بدها هالقد نقاش، وقلة أخلاق..

وإذا حدن من الشباب ما حالفو الحظ بهيدي الإنتخابات، الإيام جايي، بيقدر يرجع ينشّط حالو، وبيتواصل أكتر مع القاعدة، ومع الضيع، ومع الناس، وبشارك اكتر بنشاطات، وبيعمل لقاءات سياسية أكتر، وبعد 4 سنين، يمكن يكون هوي على اللايحة.. ما خلصت الدِنيْ…

https://www.youtube.com/watch?v=TQxEjzHAhcU&feature=youtu.be