خاص – “الكلمة”: الحضور ليس بحاجة للكلام.. (Audio)

✝ شو مهم مرورنا بحياة الآخرين… (مارينا شليطا) 🙏

بيطلب القديس فرنسيس، من احد الرهبان، يرافقو بمسيرة للبشارة..

بينبسط هالراهب، وبرافق القديس بمشوار بقلب المدينة، وبيرجعو بعدا عَ الدير..

بيسأل الراهب مار فرنسيس: شو عملنا…!!! قلتلي رايحين نبشّر، بس ما بشرّنا، حتى إنو ما حكينا ولا كلمة..!!!

بجاوبو: بكفّي لمّا نمشي بين الناس ، يشوفو فينا صورة المسيح، ويقولو: هودولي هنّي أتباع يسوع.. شو بدّك أقوى من هيك بشارة..!!

* ♰ *

فعلاً ما في أقوى هيك بشارة، لمّا يطلعو فينا، على أساس انّو تلاميذ يسوع، حتى لو ما حكينا ولا كلمة..

كان غاندي يردّد دايماً ويقول: إذا بدُّن المسحييي نآمن بمخلصهم، ليه ما بتظهر علامات الخلاص بحياتن؟؟

شو مهم مرورنا بحياة الآخرين، ما يكون مرور الكرام.. ولكن نقدر نكون علامات خلاصية لأقرب المقربين النا..

شو مهم اليوم مقصدنا يكون، مع يسوع تنقدر نحكي عنّو وقت اللازم، ونقدر نحملو ونشهد الو، لأنو صار لازم حديثنا وأعمالنا تكون دليل لحضورو بحياتنا..