Agoraleaks Agoraleaks
عضو تكتّل التغيير والإصلاح النائب نبيل نقولا في 25 سؤال مع الإعلامية رندلى جبور:
1) ليه بعدك مكمّل بالعمل السياسي
لأنو مشروع اللي كنت إحلمْ فيه، بدّي كملو…
2) هوّي شو؟
هوّي التغيير والإصلاح…
3) ما إشتقت لمهنتك الأساسية طب الأسنان؟
أكيد مهنة عملت فيها مدة 24 سنة، أكيد بشتقلها..
4) عَ شو بعد بتطمح؟
خلّص كنت اللي اطمح الو…
5) شو أحلى شي بالحياة النيابية؟
إقدر إعملي اللي ما منقدر نعملو بالحياة الخاصة
6) وأصعب شي؟
الفشل
7) قدرت تعمل شي للمجتمع وللوطن؟
حاولت، وبعدني عم حاول، والمهم الإنسان يرضي ضميرو
8) بتندمْ عَ شي معيّن؟
لاق
9) أجمل حدث واكبتو بحياتك؟
إنتخاب فخامة الرئيس ميشال عون رئيساً للجمهورية
10) أسوأ حدث؟
وقت تهجرّت من لبنان وتركت بلدي، وأحلامي..
11) إذا وقفت حياتك السياسية لسبب من الأسباب، شو البديل؟
بكمّل بحياتي الاجتماعية على الأكيد
12) شو أهم إنجازاتك؟
قانون حماية المرأة، والعنف الأسري، والأحداث. ونحن على طريق الحماية الإجتماعية
13) شو هوايتك بعيداً عن السياسة؟
الموسيقى، والزراعة..
14) مين مثلك الأعلى؟
الأم تريزيا
15) هل فيشي بخوّف نبيل نقولا؟
اعمل شي ما يرضي ضميري..
16) كيف تنظر الى المرأة؟
المرأة هي الأم والأخت، والزوجة والإبنة
17) كيف علاقتك بعيلتك؟
جيدة جداً
18) هل أنت مؤمن؟
أنا مؤمن جداً
19) شو الملفات اللي حابب بعد تحملها؟
الحماية الاجتماعية وضمانة الشيخوخة – المدرسة المجانية – الطبابة للكل مجاناً
20) شو لونك المفضل
ما في لون مفضّل ، حسب وين يوضع.. اللون جماله وين بكون..
21) الطعام المفضّل..
المجدرة
22) وين تقضي يوم العطلة
ما عندي يوم عطلة..
23) شو شعارك للمرحلة المقبلة؟
شعار العماد عون الإصلاح والتغيير
24) شو بتقلو للعماد عون؟
الله يطوّل بعمرك، حتى تقدر كل أحلام كل اللبنانيي لأنو كل آمالهم حاطينا فيك
25) رسالتك للمتنيين
انتو قلب لبنان النابض، وانتو رواد الإصلاح والتغيير
نقلاً عن الصفحة الخاصة بالنائب نبيل نقولا (Nabil Nicolas)
