خاص – “الكلمة”: قطعة رخام مشوهّة الى.. تحفة فنية (Audio)

✝ الشاطر بيعرف يترك إيد الله تشتغل بحياتو (مارينا شليطا)🙏

قطعة رخام ضخمة، بتوصل على مدينة فلورنسا الإيطالية.. بتمّ إستدعاء أكتر من فنان، للقيام بأي عمل فني، بس الكلّ بيرفض، باعتبار إنّو قطعة رخام فيها عيب وتشويه أساسي..

حتى الإيطاليي، يللي كانو يقطعو طالبو بازاحتها، لأنو عم تشوّه المكان.. وفجأة بيوصل فنان بصوّر هالقطعة، وصار الكلّ ناطر ما عم يعرف شو العمل الخفيّ يللي عم يقوم فيه هالفنان..

بعد سنَتين المفاجأة كانت، برؤية تمثال داوود النبي، للفنان العظيم “مايكل انجلو” اللي وَحدو قِدِرْ يطلّع من رخامة فيا عيب أساسي، تحفة فنية..

***

كتير من الأوقات، منطلّع بس عَ النقص اللي فينا، أو بيللي حَوَالينا، وما منشوف الاّ التشويه..

هالقصة بدها تقلنا، الشاطر يللي بيعرف يترك إيد الله تشتغل بحياتو حتى يكمّل النقص اللي فيه..

الشاطر بشوف النقص بغيرو وما بضوّي عليه، ولا بساهم بتشهير او بتشويه صورة الآخرين، ولكن بالعكس بساعد يلاقي جمال الله المُخفي بكل واحد..