Agoraleaks Agoraleaks
✝ عَملنا، وكلمتنا وتصرفاتنا أصدق بطاقة تعريف (مارينا شليطا)🙏
شَبْ يلتقي بصديقو، بعد ما كان صرلو سنين مش شايفو..
بقلو: خَبرّوني صار عندك مطعم من أهمّ المطاعم.. شو سرّ نجاحك؟؟
بجاوبو: الأكثرية من الناس ما بتعرف طعمة تِمنا، ولا بتعرف شو عم تاكول.. بس أنا لمّا أطبخ دايماً ببالي الأقلية اللي بتعرف تميّز شو عم تاكول، واللي بتقدّر الأكل المُميّز والأقل جودة..
***
من خلال هالقصة، الدعوة النا اليوم، نقوم بعملنا على أكمل وجه، حتى لو كانو الكتار ما عم يقومو بعَملُن بالشكل المطلوب…
الدعوة النا، نحكي بلغة مختلفة، حتى لو الأكثرية صارت تحكي متل بعض، وصارت كلماتنا منمقّة وخشبية..
الدعوة النا نتصرّف بأحسن طريقة حتى لو الأكثرية كانت عم تتصرّف غلط، لأنو عَملنا، وكلمتنا وتصرفاتنا هيّي أصدق بطاقة تعريف لالتزامنا وإنتمائنا…
