سيزار أبي خليل: أستغرب موقف نعيم قاسم، لأنو فنيش حكي الأخوان بحزب الله.. وحاصباني بشو عارف..!! (Audio)

– إذا غيرنا معتاد على البَزِقْ بوجّو، وبقول: الدنيي عم تْشتّي نحنا مش هيك..

***

مقتطف من حديث وزير الطاقة والمياه سيزار أبي خليل لقناة “الجديد”: (25 شباط 2018)

الصحافة مهنة مقدسة، والصحافة منها موقع لبثّ الإشاعات، والتعدّي على كرامات العالم.. ومنها موقع للإبتزاز من اجل مصلحة مادية أو غير مادية..

لمّا حدا بدّو يتعرض لكرامتنا، بناءً على معلومات خاطئة، وعلى كذب، وبقول، عندو مستندات، منقلو: روح فيُن على القضاء، بيطلع ما عندو شي يقدمو..

إيه كرامات العالم مش لعبة.. يللّي بدّو يفتري، بدّو يتحمّل مسؤوليتها.. إذا في غيرنا معوّد انو تبزق بوجّو، ويقلّك: الدنيي عم تْشتّي نحنا مش هيك..

اليوم عم ينحكا بأرقام عن مناقصة،والسعر تبعها بعد ما إنفتح…

بالزمانات حكيو عن قصة غانا وأندونيسيا، وإنو عم يشترو كهربا أرخص من لبنان، سألنا عن العقود.. طلع العقود تَبَعُن اغلى من العقود اللي موقعتها الدولة اللبنانية.. طلع كذب..

الكلمة الها معنى..
الكلمة الها وزن..
الكلمة موقف..
يا بتلحقْ كلمتك.. يا شو مكان بكون..

خلّونا نعمل معامل ليه؟؟ نحنا اطلقنا بناء 5 معامل على البرّ..

حرية التعبير شي.. وإطلاق الإتهامات غير المستندة على شي ثابت شي تاني.. بالإعلام قالوها علناً: الكهربا قبل الإنتخابات رشوة إنتخابية، مش حق للمواطن.. متل ما هنّي بفكّرو.. مفكرين الكل مِتْلُن..

خطابان

كل اللي وافقو وصوتّوا بالإجماع على الخطة الإنقاذية بآذار الماضي، طلعو حكيو ضدها بالخارج.. كل يللي صوتّوا وافق.. كان في وزير واحد غايب هوّي الوزير يوسف فنيانوس.. والبقية كلّن صوّت نعم جوّا، وطلع حكي ضدا برا..

وكلّن ساهمو بتعديل دفاتر الشروط اللي راحتْ على مجلس الوزراء 3 مرات، وزادو اللي زادو وعدلّوا اللي تعدّل، ووافق ورجع حكي عكسن..

يُسأل عن موقف وزراء القوات، يقول: وزراء القوات شاركوا بالتعديلات، وكان عندُن طلب وطلبات، ونوضعت.. ورجعو غيّروا فكرُن برّا..

يُسأل عن موقف وزراء بري: يقول: صوتّوا مع بالداخل وغيّروا فكرن بالخارج..

يُسأل عن موقف وزراء حزب الله، يقول سيزار أبي خليل:

سمعت تصريح الشيخ نعيم قاسم ، وحقيقة استغربتو.. لأنو الخطة الإنقاذية قبل ما نطلعها على مجلس الوزراء، بحثتها مع الوزير فنيش..!!

وقلّي الوزير فنيش، عطيني كم يوم تشوف “الأخوان”، وانا إعتبرت الأخوان حزب الله، مش الأخوان المسلمون عم يشوف..!!

ولمّا كانت موافقة طلعنا على مجلس الوزراء، وتباحثت مع كل الأفرقاء السياسيين، ونحنا وعم نحطّ الخطّة..

يُسأل: وليه نعيم قاسم بينتقد.. يقول سيزار أبي خليل:

• ما بعرف. بتمنى على حزب الله انو يكون الو دور داعم اكتر بحلّ المشاكل..
• نحنا ما حطيّنا حدا قدام حل..
  نحنا نوضعنا قدام توقيف المعامل على الأرض.. اما خيار شراء الكهرباء من البواخر

حقيقة الموقف

في مشروع تاني ، مشروع إنتاج الكهربا من طاقة الرياح، ومشروع كتير مهم، ورح يعمل إنماء كتير كبير بعكار، ومشروع بيئي بامتياز.. وسار بنفس المسلك الإداري والقانوني، والمناقصة تبعو نفس مناقصة شراء الطاقة لـ800 ميغاواط.. مشروع الكهربا من الرياح بيعطي كهربا بعد سنتين.. (والكلّ هنّانا عَ المشروع) أمّا المشروع يللي بجيب كهربا بعد 3 اشهر قبل الإنتخابات كلُّن وافقو جوّا، وقوصّوا عليه برّا… وكانت خسارة وقت حتى تجي الإنتخابات وما يتنفّذ.. وهل وصلت الإنتخابات، ولا يُمكن تجي الكهربا قبل الإنتخابات.. إرحموا اللبنانيين..

يُسأل عن سبب موقف الحلفاء.. يقول:

إمّا في وزراء استلموا الملف وما أنتجوا فيه..

أو ما بدّن يعطونا المصداقية قبل الإنتخابات..

حاصباني 

يُسأل عن موقف الوزير حاصباني القائل: موضوع التصويت مطروح بملف الكهربا، ولكن ما منعرف على أي موضوع بدنا نصوّت؟؟ يردّ سيزار أبي خليل:

• دخلك الوزير حاصباني بشو عارف..!!
• يخبرنا عن السقوف المالية للمستشفيات، صرلنا ناطرينا من 21 ايلول

رصد Agoraleaks.com