Agoraleaks Agoraleaks
✝ ما نضيّع الفرصة… دعوة “مارينا شليطا.. 🙏
* ♰ *
أستاذ من كبار الجامعات راح مشوار بالطبيعة، ولمّا وصل على البحيرة، طلب من صياد ياخدو مشوار بالزورق.. لما وصلو على نص البحيرة تقريباً، سأل الإستاذ الصياد: عندك معرفة بعلم الفلك؟
جاوبو الصياد: لاق؟
قلو: فإذن إنتا مضيّع ربع حياتك..!!
يسأل الإستاذ: بتفهم شي بالتاريخ؟
جاوبو الصياد: لاق…
بردّ الإستاذ: ربع تاني ضاع من حياتك..
بيسألو: بتعرف شي بالفلسفة؟
بجاوبو الصياد، كمان لاق…
بردّ الإستاذ: ما بقي الك الاّ ربع حياتك..
بهاللحظة بتهبّ عاصفة قوية، وبيصرخ الصياد، وبيسأل الإستاذ: بتعرف تسبح أكيد..
بجاوبو: لاق..
وهون بقول الصياد: عطيني إيدك، احسن ما تخسر كل حياتك…
***
نحنا اللي منفكّر حالنا، بعلمنا ومواقفنا مالكين الدنيْ ، قديه أوقات أزمة صغيرة بتخلّي الأرض تهتزّ تحت أقدامنا…
الدعوة الأولى النا اليوم:
نتمسّك بيسوع، نبع الحياة، حتى ما تضيع كل حياتنا..
الدعوة التانية بهالصوم:
ما نضيّع حياتنا عم نصنّف العالم. حسب : دينُن ، عِلمُن ، مراكِزهم، وأمور كتيري.. لأنو منكون عم نضيّع عَ حالنا فرصة نتعرّف عليُن، ونحبُّن على حقيقتُن…
والفرصة الأهم اللي عم نضيعها، هيّي فرصة التعرّف على الحقيقة اللي فيُن، ونعرفهم على الحقيقة اللي فينا..
وما ننسى نحنا وعم نشوف حدَن عم يغرق قدامنا، حتى لو كانت الإيد اللي عم تدلّ علينا بيوم من الأيام، او عم تحكم علينا.. نمدّ ايدنا لأنو هيك ببيّن وجّ الله اللي فينا، وعمل الله…
