جورج عون: كومة “زعران” ما بتعمل فتنة وأمل ساعدتنا لضبط الوضع بالشارع والحاج عمّار اتصل.. (Audio)

– الحدت منها مكسر عصا، منبت للرجال، وحطّت 1000 شهيد، بس الفتنة ممنوع تطلع..

***

مقتطف من حديث رئيس بلدية الحدت جورج عون لقناة الـ”LBC” حول دخول “الزعران” بلدة الحدت: (شباط – 1- 2018)

بعد كلامك (أمس) الذي يستوعب ماذا حصل، هل أهالي الحدت استوعبوا ذلك، لتجنّب المواجهة بين شارعين، والمشكل هو أساساً بالسياسة.. يقول:

• إستيعابنا حدّ من مشكل طويل عريض… وما بعرف وين كنّا صرنا من وراه..

– اللي دخلوا هم مجموعة من زعران، لأنو بس حصل هالشي، إتصلنا بقيادات حركة امل ، وتنصلّوا وزعلو.. وساعدونا بالإتصالات مع قيادة الجيش والمخابرات، وطالبو بتوقيف هالناس.

• هيدي المجموعة ما بتقدر تعمل فتنة. كومة زعران بينزلو ع الطرقات. ما بيقدرو يعملو فتنة.

– أكيد صار في إستنفار بالحدت، لأنو المشهد اللي صار إستفزازي. نزلت الشباب على الأرض. هِدَيناهم وروقنا الأمور… وقلنالن: شي وحصل.. لكن الاتصالات كانت على ما يرام، والجيش عمل جهدو..

• قيادة حركة امل إستنكرت هالشي، وساعدتنا بالعكس.

– الفتنة ما رح نخليها تطلع براسها، لا بضيعتنا، ولا بأي محلّ بلبنان، بدنا نقطعلا راسها.. وانا بتصوّر  إنو ما حدن مبسوط بهيدا المشهد، وبتصوّر اليوم بصير في معالجات على جميع الأصعدة. سواء من حركة امل او غيرن. وبعتقد رح ياخدو إحتياطات، وأكيد ما رح يخلو هالشي يتكرّر..

• اليوم من الصبح إتصالات من إخواننا الشيعة، من جميع الأفرقاء.. يعني الحزب تحرّك ، والحاج علي عمار زعلان واتصّل فيّي، وعم يعمل اتصالاتو.. واليوم في وقفة تضامنية ببلدية الحدت الساعة 6:00 مساءً.. وأخواننا الشيعة زعلانين أكتر منّا..

– الحدت بلدة التعايش، والبلد بلدنا، والضيعة ضيعتنا.. ما رح نخلّي الفتنة تطلع، وبدنا نقطعلا راسها..

• حزب الله حزين عَ يللي صار.. وما بريدها تصير.. وكل الأفرقاء ما بدها يصير اللي صار.. وليكن أكيد الشعب اللبناني، الرئيس بري لا يريد اللي حصل، وبالأمس تحركت قيادة أمل لضبط الشارع، بس شوية الشارع فلتان.. وبعتقد اليوم بيضبطوها أكتر.. ويمكن الحدت ضيعتو التانية، وأنا بعرف هالشي ولامسو لمس اليد..

– ما بقا رح تتكرّر هيك اعمال.. ويللي عم يقول، من الإذاعات وشوية إعلاميين: “الحدت مكسر عصا”.. الحدت منها مكسر عصا، الحدت منبت للرجال، وبايام الحرب حطّت 1000 شهيد، بس نحنا اليوم الفتنة ممنوع تطلع، لا بالحدت ولا بغير الحدت، ولا فخامة الرئيس بيرضى ولا دولة الرئيس بير بيرضا.. وما حدن بيرضا…

@رصد_Agoraleaks.com