Agoraleaks Agoraleaks
– صلابة ومواجهة للعدوين الإسرائيلي والإرهاب.. وهدوء وإصرار لتثبيت التلاقي داخلياً..
***
مقتطف من حديث المنشد علي بركات، “حملوا سلاح وانزلوا قبروا بعض”، وفيه دعوة واضحة للتهدئة: (29 ك2 – 2018)
لبنان صاير عصفورية. كل هيدا بسبب الإنتخابات.
كل طائفة وكل حزب قديه بجيّش جمهورو طائفياً وحزبياً ، قديش بيمشي حالو بالإنتخابات.
سؤالي للناس: شو صاير عليكم. أو بالأحرى شو بعدكم ناطرين.. حملو سلاحكم ونزلو على الشوارع. نزلو قبرو بعض.
هلق اختلفو الزعما، مش هيك؟؟ ما بكرا بيتفقو.. وبكرا بيرجعو يقعدو مع بعضن، وانتو بس يتفقو بتلبدو، وبس يتخانقوا بتهوشو على بعض.
بعد ناقص بس تحملو سلاحكم وتنزلو على الشارع وتقبرو بعضكم.
كل واحد فيكم، يراجع حالو. هالناس كلها اللي ماتت بالحرب اللبنانية، كرمال هيدا الزعيم. وهيدا الزعيم شو استفادو؟؟
هنّي اللي ماتو شو استفادو..؟؟ وأهلن شو استفادو؟؟ ولادن شو استفادو؟؟ وعيلُن شو استفادت؟؟
شو استفادت من كل هالزعما كلها؟؟ الزعما اللي جمعّت ثروات. وتورثتها هيّب وولادها ، وولاد ولادها.. إنتو شو استفدتو؟؟
اليوم هودي الزعما بيتخانقو لمصالح إنتخابية، وسياسية، وبكرا بيقعدو عَ نفس الطاولة..
مش عم اتفلسف عليكم، ما راجعو التاريخ القريب.. مش اللي بعيد.
هودي الزعما اللي عم يتخانقو ، شوفوهم كم مرّة متخانقين، وكم مرّة متصالحين… كم مرّ’ مبهدلين بعضن، وكم مرّ’ قاعدين مبوسين روس بعضن.
بعدان بالمجالس الداخلية، أي حزب ما بحرّض على.. حتى الحلفا بحرضو على بعض.. حتى الحلفا بيحكو على بعض.
عطوني أي حزب أو تنظيم، او أي حدا.. حتى الجيران ببيوتن ومجالسن الداخلية بلتّو وبيعجنو على بعض.
عيب اللي عم يصير، لبنان صار متل العصفورية.. حفلة خَوَتْ. بفهم في إنتخابات، وجو إنتخابات، بس هيدا الشي لا يبرّر حفلة “الخَوَت” اللي عم تصير.
لازم الناس تروق على وضعا شوي، وتهدّي حالها، وتروح تهتم بلقمة عيشا…
لك شو في ماشي بالبلد، حتى تاركين كل اموركم المعيشية.. ونازلين حشد لهيدا الزعيم، أو هيدا الزعيم..
كلنا نؤيد، ومنضوين تحت أحزاب. وكلنا نؤيد زعما.ز بس في اولويات، وفي منطق.
لو جبران حاكي ع سماحة السيّد؟؟ شو كان بدّو يصير.. تاني يوم بدّو يروح لعند السيّد ويقعد هوي وياه. وبدّو يعتذر.. وبكرا نفس الشي أصلاً… لأنو حكي الرئيس بري .. ما بكرا التيار الوطني الحر وحركة أمل بيتحالفو بالإنتخابات.
وبدو ينتهي الموضوع، متل ما في كتير مواضيع انتهت.. قبل بمرة قال عن عون انو .. وقبلها قال جنبلاط قال عن المسيحية، وقبلها فلان حكي.. شو صار؟؟
نهدّ العرش؟؟ ما رجعو كلن قعدو مع بعضن.
هيدا الموضوع هنّي بحلحلو بين بعضن. لأنو بس يكونو بين بعضن قاعدين.
ورداً على سؤال (من خلال التواصل المباشر عبر صفحته) قال: مش عم اعطي مبرّر للوزير باسيل، بس ما حدن مقصّر بحدا… كل السياسيين من هيدا الطرف أو هيدا الطرف، سبّو وبهدلو ببعضن.
العلم شو جاييها..
المصدر: الصفحة الخاصة (Ali Barakat)
@رصد_Agoraleaks.com
