ربيع الهبر: سنة 2009 نادراً ما كان حدا يصوّت للقوات، لكن صار في NEW LOOK” !!

– ربيع الهبر: أنا بساهم بتحسين صور الكل.. وأسعد نكد اقوى شخصية بزحلة!!
– ربيع الهبر: قديه مسيحيي عكار بشكلو، وزياد حواط قال أنا بالفكر قوات لبنانية لو ما معي بطاقة 
جورج ياسمين: ما تقارن الرئيس عون بزياد حواط…!! (Audio)

***

مقتطف من حديث رئيس شركة “Lebanon Statistic” والمحلل السياسي ربيع الهبر، لقناة الـ”otv”: (كانون2 – 11 – 2018)

عن الإنتخابات النيابية 

يُسأل: الى أي مدى لحق الضرر بالقوات اللبنانية، عَ صعيد تحالفها مع التيار الوطني الحر ومع المستقبل، يقول:

• القوات اليوم عندا 8 مقاعد  ( 8 نواب أجوها بالمنحة)
  وقت احتسب مع إقرار قانون الإنتخابي بيطلعلا 10 – 12 نائب.. احتسبوا خارج نطاق التحالفات..
  بكرا بتقلك القوات أنا حجمي تالت كتلة بلبنان أو رابع كتلة بلبنان
• القوات فايتة عَ الإنتخابات بحجّة كتير قوية، وبهجوم تصعيدي عَ حزب الله

يُسأل: عن كيفية تحالف التيار الوطني الحر مع المستقبل في عكار… والمستقبل يتمسك بهادي حبيش!!! يقول: 

• بياخود مرشح أرثوذكسي ،
  التيار هوّي ضعيف… !!

يقاطعه ياسمين: لكن كل أصوات المسيحيين تؤيد التيار الوطني الحر..

يردّ الهبر: عال، بس قديه أصوات المسيحية.. قديه أصوات المسيحية..

يسأله قديه الأصوات.. يردّ: ما معي ياهن.. عنجدّ ما معي ياهن…!! كنت بقلّك ، بس التيار هوي الطرف الأضعف بعكار، عندو اقوى شي بالمسيحيين، ولكن قديه اصواتن.. ما بعرف إذا بأثرو بمقعد…!!

وكان قد قال ربيع الهبر في موضع آخر أن تيار المستقبل مضعضع ولكن عادت شعبيته ولكنه بدأ من جديد يخسرها.. !!

عن القوات والكتائب

• في مفاوضات، بين القوات والكتائب للإتفاق، ولا ممكن يروحو مش متفقين، وهيك بروحو أقوى وعندن قدرة اكتر.من هلق لَ 40 يوم لازم يكونو واصلين على اتفاق والا..

عن قول سليمان فرنجية، إذا زمط التيار بدائرة البترون – الكورة – زغرتا – بشري.. بمقعد بكون منيح.. يعني 1/ 9 .. يعلّق ربيع الهبر:

• رح يزمطو بمقعد أكيد. في مقعد للتيار الوطني الحر هوي مقعد الوزير جبران باسيل، ما حدن بيقدر ياخدو
• يياخدو مقعد وبستبعد ياخدو مقعدين !!
• هلق إذا تحالفو مع ميشال معوض، بيطلع ميشال معوض..
• الوزير بيار رفول إذا فات بالمعركة ، مش رح يقبل ميشال معوض يكون بنفس الليستة..

ورداً على سؤال سعي حزب الله إضعاف القوات لتكون كتلة المردة كتلته أكبر، يقول:

• ولا حزب الله ولا غير حزب الله بيقدر يرجع الزمن لورا، القوات عندا مقاعد رح تربحا.. ما حدا بيقدر يقّلل مقاعد القوات اللي رح يربحوها.. ما فيشي بغيّر قناعات الناس، والشغل اليوم شغل مكنات إنتخابية.
• تيار المردة على شو متكّل؟ على زغرتا.. متكّل على دعم قوى سياسية مستقلة، حاكيين مع ابراهيم عازار، ومع جهاد الصمد.. وما بعرف إذا بينضّم فريد هيكل الخازن لكتلة المردة (إذا نجح)؟ قديه بدها تصير كتلتن 6؟؟

غزل

ورداً على سؤال محاصرة القوات..!!

• القوات اللبنانية أكبر مكنة إنتخابية منظمة..
  أنا شو بشتغل؟؟ بشتغل دراسات واحصاء، وعندي DATA وعندي كلشي.. بتعرف إنو القوات اللبنانية كانت تعاني من تصويت ضدّ القوات!! بتسأل العالم ضدّ مين بتصوتوا.. بقلك اكتر شي ضدّ القوات اللبنانية.. بس القوات عملتْ NEW KOUWET ، اليوم بطّل في ناس بتصوّت ضدا..؟؟
• فجأة بعد تفاهم القوات والتيار، القوات كانت احد العوامل لإيصال العماد عون رئيس للجمهورية، وربحت شغلة هيّي، انو عملت NEW KOUWET.. عند الجانب المسيحي على الأقلّ صار نادراً ما بتشوف بقلك انا هيدا الطرف ما بقبل فيه…

يسأله ياسمين: قديه إنت ساهمت فيا؟؟

يردّ الهبر: أنا بساهم بتحسين صورة الكل.. الكل أصدقائي، شو رح تريدني القوات.. مش عايزين..

يعلّق ياسيمن: نحنا مش ضدّ إتفاق المسيحيين، خصوصة نطرو المسيحيي كتير لحتى شافوهن مع بعضن..

كسروان

في عنا عدة مرشحين قوايا،

– في عندك العميد شامل روكز هوي الأقوى، لأنو بمثّل حزب ونفسو ، رح يستقطب أغلب أصوات العونيين، والتيار رح يكون أمام مشكلة، ما رح يضمن الشخص التاني بلائحتو
– الواضح إنو زياد بارود صار بنفس اللايحة.. بعتقد هيك.. لا أجزم، وما بعرف قديه بدّو يخسر من شعبيتو بنقله لطرف.. كانت يجيب أصوات من القوات ومن فريد هيكل الخازن.. بس بضل عندو نسبة أصوات، وبرأيي بكون تاني واحد باللايحة مع التيار إذا كان معها
– في عندك فريد هيكل خازن، هوي من الصقور اللي من غير الوارد انو ما ينجح
– في عندك نعمة فرام، بما يمثل من هيئات إقتصادية، ومن هيئات مجتمعية، ومن دعمو للإنسان الكسروان وبكل لبنان، قد يكون شخص مستقل، وقد يشكل لائحة مع بعض العائلات.
– القوات اللبنانية عندا لايحة والإستاذ شوقي دكاش مرشحهم
– لايحة للمجتمع المدني
– بلايحة التيار الوطني الحر قد يكون من ضمنها السيد أنطوان عطالله وروجيه عازار
– حزب الكتائب ما بعرف مين بدو يدعم؟؟
– منصور البون مش معروف

جبيل 

– زياد حواط يمثّل القوات اللبنانية، كان في عشا من يومين، قال: لو ما عندي بطاقة وإنتساب للقوات اللبنانية، هوي بالرأي مش بالبطاقة؟؟

يسأله ياسمين: بيت حواط كل عمرهم كتلة وطنية، يصيرو قوات؟؟

يردّ الهبر: ليش لاق؟ ما بعرف إذا بيت حواط بالسياسة آخدين قرار أبدي.. الرئيس عون زار سورية، بعد ما عمل حرب ضدها..

يوقفه ياسمين: ما تزايد على الرئيس عون.. ما تقارن الرئيس عون بأي حدا، إذا بتريد، انت حبيب قلبي، ما تجيب سيرة عون بهالقصص هيدي.. أكبر منهم كلن الرئيس عون..

يقول الهبر: بتعرف موقفنا من الرئيس عون، بس عم قول كيف بتتغيّر التحالفات، والمواقف السياسية، إنو في مرونة بالسياسة..

– في لايحة التيار الوطني الحر، وقد يكون من ضمنها النائب أبي رميا، وإمّا الدكتور ناجي الحايك او الدكتور وليد خوري..
– غير معروف إذا بدّو يترشّح اميل نوفل..

– هناك تغيير سيطال المقعد الشيعي، إمّا حكمت الحاج او ربيع عواد

المتن

يوجد خليط كبير من الأحزاب.. الطاشناق ، الحزب القومي، والقوات ، والكتائب ، وثقل للتيار الوطني الحر

– اللائحتان الأساسيتان، هي :
1) لائحة التيار
2) لائحة الكتائب

– الكتائب بالفترة الأخيرة زادت شعبيتو جداً، وصار قادر يشكل خطر على لايحة التيار..

النجوم بهيدا القضاء، هنّي: ( ابراهيم كنعان ، الياس بو صعب ، أغوب بقردونيان ، سامي الجميل ) وما تبقى رح يصير في لعب وشدّ حبال..

القوات رح تقدر توصّل حدا.. الوزير رياشي إنسحب. وبعتقد القوات رح تعمل لايحة كاملة تلمّ أصوات..! ونفس الشي رح يعمل التيار الوطني الحر، رح يعملو لايحة غير مكتملة.!! لأنو في مقعدين مارونيين طايرين، هني مقعد سامي الجميل ومقعد أدي أبي اللمع!!

في المقعد الكاتوليكي من حصّة مين؟؟

بضل فيه ميشال المر ، مع مين بدو يتحالف؟؟ مع الكتائب أو الطشناق؟؟ او التيار الوطني الحر؟؟

بيروت 1

• معركة دسمة تتوقف على تحالف القوات مع الكتائب
• إذا ما تحالفو رح تتشتت الأصوات..
• مسعود الأشقر سيفوز حكماً بالإنتخابات
• المقعد الأقلوي، بدّو يعرف اللي بدّو يترشح مع الأحزاب، بدن يقولولو ، انو لازم تشتغل للايحة مش لصوتك.. لأنو لو اخد 100 صوت أو 1000 صوت وما بيوصل ل 500 صوت.. وبالتالي المقعد رح يروح للايحة اللي عندا فضلات لوائح ومش طالعلا مقعد من الصقور.. وبرأيي بروح للايحة التيار الوطني الحر

زحلة

يُسأل عن اشتراط السيدة ميريم سكاف، انو يكون إعلان اللائحة من زحلة ومن بيتها ، وأن يكون كاتوليكي؟؟ يرد:

• اشترطت انو بدها أكتر من مقعد
• حزب الله تحالف مع نقولا فتوش، وما بعرف قديه بيقدر يتحكّم باللعبة.

يسأل عن أقوى طرف بزحلة، يقول:

• بعتقد أسعد نكد.

ياسمين يتفاجأ: أسعد نكد.. عم تمزح.. !!

يقول هبر: منفرد مش حزب.. اسعد نكد عندو أصوات تفضيلية بالفردي.. ولكن تيار المستقبل بالقضاء هو الأقوى، رجعو لمّو شعبيتن، ولكن بلش يرجع يخسر!!!!! 

الطائفة السنية هي عرضة للخرق، بسبب وجود:

• قيادات سنية،
• بسبب فقدان عنصر المال،
• بسبب تضعضع الموقف الواضح للمستقبل.

ويُنهي ربيع الهبر ، بتوجيه تحية للرئيس ميشال عون ، لأنه قد يُفهم كلامي بغير مكانه.. وما حدن اكيد بزايد على الرئيس عون…

رصد Agoraleaks.com