”بيت شباب” في عيد الميلاد: لا كبير ولا صغير أمام ولادة الطفل يسوع (Video)

– كيف تتحضر بلدة ” بيت شباب ” لعيد الميلاد ؟

***

هيدا الوقت من السنة ربنا بذكرّنا حبّو العظيم النا،

• حبّو العظيم اللي تجسّد بولادة سيدنا يسوع المسيح.
• ربنا وهبنا أثمن وأغلى ما عندو، المسيح،
  لذلك لازم نتعلّم انو عيد الميلاد الو معاني أعمق من عيوننا اللي بتشوفا
• عيد الميلاد هوي:
  – سلام
  – حب
  – عطاء
  – جَمْعَة وقلوب فرحانة
  متل قلوب اللي لحقت نجمة بيت لحم حتى تنورّهم على درب الطفل يسوع…

بهيدا المسا الحلو جمعنا بكنيسة مار شربل، بوجود ومباركة راعي الحفل، صاحب السيادة المطران كميل زيدان رئيس أساقفة أبرشية أنطلياس المارونية..

نجمعنا هيدي الجمعة بفضل كمال وبيارات القاعي..

جمعونا حتى نلتمس دفء هالعيد.. ونلتمس روحانية العيد..

كمال وبيارات جسدّوا عيد الميلاد بشجرة ميلادية طولها 22 متر، مع مغارة بتجسّد بيت لحم وبتشع نور بولادة الطفل يسوع…

أنا ذكرت كما وبيارات بلا ألقاب، لأنو بالنسبة الن، وخاصة كمال، يللي من طفولتو ما تخلّى عن ايمانو بقديس لبنان مار شربل، وعاش على محبة الرب، وآمن انو قدام ربنا، ما في كبير ولا صغير.. لأنو أمام ولادة الطفل يسوع، في ملك اسمو سيدنا يسوع المسيح..

هيدا العيد منّو عيد الميلاد بس، هيدا ميلاد يسوع المسيح..

ومنشكر المرنّم “مرسيل بدوي” على الرسيتال الميلادي الرائع، وبشكر اللي شاركو كبار وصغار اللي شاركو بالأغاني الميلادية، وبشكر كل الأهل والأحباء وخاصة الشيخة كارين الجميل، اللي عم تمثل النائب سامي الجميل، والشيخ سركيس سركيس، وكل الفعاليات الدينية الرسمية والمدنية..

رصد Agoraleaks.com

https://www.youtube.com/watch?v=wwRRK_PiK9Y