Agoraleaks Agoraleaks
– نقولا صحناوي لطلاب لبنان: توحدّو وما تتناحرو كأحزاب متل العرب 45% من المهن رح تختفي..
***
نائب رئيس التيار الوطني الحرّ، نقولا صحناوي لطلاب الجامعة اللبنانية في كلية الحقوق والعلوم السياسية الفرع 2 (12 ك1 – 2017)
بحبّ وجّه رسالتين لطلاب الجامعات في لبنان بخصوص التحديّات التي يواجهونها..
1
- فخامة الرئيس ميشال عون بس راح على جامعة الدول العربية،
قلن إذا بدكم تضلكم منقسمين وتتناحرو، وتقسمو الدول العربية محاور..
العدو هوي اللي رح يربح، والحل تبعو رح يفرضو على الجميع.. - انا حابب قول نفس الشي للطلاب اللبنانيين بالجامعة،
مقسمة أحزاب، وشايفي انو هيدا الصراع هوي المهم،
وهيدا الصراع بس يكون ديمقراطي، ما في احلى منو،
بس يصير حادّ بكون عم يعملو غلط، وبخلو أعداء لبنان يربحو عليه - شباب لبنان قدامُن مصاعب لنهار المصاعب.
كلنا لازم نحط ايدنا حتى نساعدن..
وخصوصاً انو العصر وبلبنان بأكّد وجود صعوبات - جيل الشباب إذا بدّو يحط ايدو مع بعض، قادر يتغلب على الصعوبات، وإذا بدّو يتناحر بدّو يصير فيه متل العرب.. القسمة بتضعّفو، والوحدة بتقوّي.. من هيك بقول حطّو ايديكم مع بعض وحسنّو الجامعة لنحسّن البلد
2
- في تحديات عم نواجها مش بس كلبنانية، حتى على كرة الأرضية كلها..
اللي جايي هوي عصر التكنولوجيا والذكاء الصناعي.. - كل الخبرا بقولو، من هلق لسنة 2050… 45% من فرص العمل رح تختفي. يعني مهن بحدّ ذاتا رح تزول. ببطّل في شوفور تاكسي… الخ
- أعداد هائلة من البشر رح يصير.. فنحنا فايتين على عصر عندو صعوبات كتيري، ونحنا طموحنا للجامعة وللشباب، منو طموح إنو نجبلن كراسي بلاستيك..
- نحنا لازم نقدّم الفكر والتطلّع والرؤية وإصلاح وتغيير لنماذج التربوية، لخلق مناهج تعليمية تناسب العصر..
هيدا التحدّي الكبير، ما تضيعو وقتكم بالقشور.. روحو ع لبّ الموضوع.. ولنضلّ منافسين ونلاقي شغل كلبنانيين لازم نكون على أد المستوى وهيدا طموحنا، وان شالله نقدر بمسيرة اصلاح الدولة نوصل على الجامعة اللبنانية ونساعد على التغيير الحقيقي..
وفي كلمة مقتضبة علّق الأب كميل مبارك قائلاً:
- من عاداتي.. عدم محاباة الوجوه..
بس بقدر قلكم وضميري مرتاح وراسي مرتاح.
متل هالإنسان (نقولا صحناوي) ومتل قلبو ومتل نضافتو ، ومتل آدميتو وأخلاقو ما شفت.. - بحقلو يتواضع.. الصغير عشو بدو يتواضع، بدق بالأرض.
الكبير بيتواضع، وهيدا كبير.. والاّ ما كنت بحبو…
رصد Agoraleaks.com
