وليد عبود: ما بقبل يُقال عن رئيس الجمهورية وقائد الجيش و… انو إرهابيّي بحلقتي (التفاصيل – Audio)

– باسيل: السؤال مطروح عند القوات وكلام “القصيفي” صحفي.. وعملت لتقريب القوات مع حزب الله
– باسيل: لازم ينبسط الجميل يروح عَ القضاء.. ما بدّو يربح عالفاسد !
– باسيل: ما عندي علم بلقاء مع فرنجية.. لو حكي lebanondebate

***

مقتطف من حديث رئيس التيار الوطني الحرّ جبران باسيل لقناة الـ”mtv”: (كانون 1- 06 – 2017)

عن احتجاز رئيس الحكومة

• ليش القلق اللبناني كان؟
  لأنو الناس حسّت حالها عاشت سنة بشكل طبيعي..
  بلشت تخطّط لقدام وبلشت تحس البلد بّدو يتجه لقدام..
  إجا حدا يِرِدُن للتقاتل الداخلي.. ما بدّن اللبنانيي.. ما بدن نتقاتل مع بعضنا
• اللي صار على لبنان مش أقل: (توصيف)
  1- خطة لشلّ الحكم (فراغ حكومي)
  2- انتقال هيدا الشي لإحتقان
  3- توتّر وتدريجي الى فتنة
  وفي ناس معتقدة أو قايلي انو عندا قدرة تواجه.. وخبرّت وعملتْ عنتريات، وانو عندا رجال.. ( عطوني تموين
  و سلحوني ) وما رح نحكي بالأسماء..
• نسينا شو نقال!!
  نقلنا عن فتنة بين اللبنانيين،
  ويصير اللي بدّو يصير،
  ويخربْ البلد ومش فارقة معنا،
  ونقلنا عن عقوبات اقتصادية،
  وعن ترحيل لبنانيين ، وعن حرب إسرائيل على لبنان.. كلشي معقول ينعمل عَ لبنان نحطّ على الطاولة.. بس طلعنا أقوى بوحدتنا، وقلنا هالخيارات ما رح توصّل لشي؟؟

بيّن الرئيس الحريري عن وطنية وحرص على مصلحة البلد.. لمّا ما قبل.. وكان في خيارين:

• امّا نروح نعمل مواجهة.. وبيخرّب البلد، وما منوصل لنتيجة
• وإمّا منروح نبني الدولة، وبالدولة لبنان أقوى، وجيشو أقوى، ومؤسساتو اقوى، وما حدا بيطلع فيا خسران

شفنا هيداك الخيار، – بالعراق وين وصّل – بسورية – بليبيا..

• بدنا نشيل من راس بعضنا، انو في حدا بدّو يخون حدا، وبدّو يغدر بحدا، وبدّو يتآمر مع خارج عَ الداخل.. بالنهاية بينّا قادرين نقنع بعضنا بمصلحة لبنان..
• حزب الله موقفو الأساسي ما كان بدّو الحريري رئيس حكومة، مبارحة صار بموقف عم يقاتل ليكون..
• موقف المستقبل..
• عم نجمع بعضنا وعم نقرّب عَ بعضنا.. هيك منعمل “كومة لبنانية”

التعديل الحكومي

• كتيار وطني حر، قبل هيدي الأزمة، كنا عم نفكر بتعديل حكومي.. ولكن الكلام بالإعلام تحليلات ومش مزبوطا، ومش مزبوط انو بدنا نغيّر 3 وزراء

وهل طويت الصفحة يسأل وليد عبود؟

• المسألة تتعلق بكل فريق بالحكومة شو عم يفكّر..
• الموضوع طرح حالو بحكومة وحدة وطنية عَ أساس في اتفاق. إذا في حدا بدّو يخرج عن الاتفاق بيضهر من الحكومة

عن عزل القوات اللبنانية

• مش نحنا والمستقبل طرحناه. نطرح بأكتر من مكان وبأكتر من فريق. وكان المقصود القوات اللبنانية
• ما حدا طرح، انو بدّو يشيل القوات اللبنانية من الحكومة.
  القوات هيي عبرّت وقت الإستقالة، انّو الحكومة لازم تستقيل من 6 أشهر، وزرا القوات قالو: كان بدنا نستقيل من قبل.. وتعبّر عن هالشي بالحلقة عندك، وكان موقف مخالف لكل بقية مكونات الحكومة، لدرجة مفاجئ بالحكومة أيدّوا من دون تحفظ..!
• بالبيان الوزاري السابق كانو القوات متحفظين اليوم مش متحفظين، الموضوع كان مطروح منن هنّي؟؟

يسأل عبود: الزميلة هيام قصيفي بالأخبار بتقول: بدأت قيادات عونية وحريرية الترويج لتعديل وزاري يسحب القوات اللبنانية من الحكومة؟؟؟

• بيكتب الصحفي متل ما بدّو..
  من الآخر فكرة عزل حدا بالبلد، كل مرة نحنا منواجها وما منقبل فيا..
  كيف بالأحرى مع حدا عاملين معو تفاهم بدنا ياه يكون تفاهم بعيد واستراتيجي، وثابت، ونحنا حريصين عليه..
  بس هوي لما بيعمل خيار ما فينا نجبروووو
• القوات عليُن هنّي يحسمو شو بدن يعملو..
  زهئت من حالي أد ما ضليّت قول:
  في 3 مطارح أساسية نحنا كتيار وطني حرّ بدنا نشبك فيُون أكتر:
  – حزب الله
  – المستقبل
  – القوات اللبنانية..
  وبكل وحدي أعطيها تبرير.. وهيدا الشي منّو ظرفي، هيدا الشي بعيد المدى واستراتيجي.. وقناعتي انو لما منروح نشتغل للوحدة الوطنية ما منفرّط بالوحدة المسيحية.. (أقلّ شي) بس كمان مش كرمال الوحدة المسيحية منخرّب الوحدة الوطنية.. لما اتفقنا مع القوات صار البعض يتهمنا بدكن تستعيدو انتو الأمجاد وتضربو الأطراف التانية… لاق…
• ما بتقوم الوحدة الوطنية من دون وحدة مسيحية.
  وما بتقوم الوحدة المسيحية على انقاض وحدة وطنية.
  يللي عم يخرج من هالشي، هنّي القوات اللبنانية. وهيدا حقن..

يسأل عن شو خرجو؟؟ يقول باسيل:

– خرجو عن التفاهم الحكومي
– التفاهم قايم على تأييد العهد
– ونحنا وهني اتفقنا (ميشال عون رئيس جمهورية وسعد الحريري رئيس حكومة)
– اتفقنا على الحكومة وعلى بيانها الوزاري…

• مش نحنا خرجنا عن الاتفاق، نحنا رحنا قاتلنا واعتبرنا الحريري مش مستقيل، وما قبلنا نعترف انو مستقيل..!!

العلاقة مع القوات

• نحنا عاملين شي مع القوات حريصين يكفّي.. نحنا عارفين انو علينا مسؤولية نحمل اكتر ونضحّي اكتر لَ نحافظ على هالشي.. لأنو بعرف قديه في مصلحة وارتياح للناس
• نحنا بالآخر فريقين، ونحنا متفاهمين لأنو بالسياسة في مواقف مش متل بعضنا.. وأكتر من هيك نحنا عَ ملعب واحد. بس يكون في انتخابات وتعيينات منتنافس أكتر
• نحنا عنا هيدي الإرادة. السؤال مطروح على القوات، لأنو كانو عم يعبرو عن انزعاج من الحكومة ساعة من الفساد وساعة بالسياسة وساعة بالتعيينات..
• نحنا برأينا في خيار سياسي بدنا نكون فيه مع بعضنا. مش على الغلط عَ الصح..
  ما بدي جيب القوات عند ايران وحزب الله،
  وما بدي القوات ياخدوني عند السعودية و..
• نحنا فهمانين انو بدنا نجي على محل مشترك بالإبتعاد بلبنان .. بدّن يحسمو بدّن يكونو فيا أو لاق؟ مبارحة بالحكومة موقفن من الحكومة كتير منيح..
• بالنسبة النا القوات انقلبو على هيدا التفاهم. مدعووين يعملو مراجعة.. لأنو بس نكون سوا ما بكون في خلاف على فساد…!! ما حدا في يزايد على التاني بالموضوع
• نحنا من البعيد ما صار فينا هيك. (التيار)
  كيف من القريب.. من خيّك.. !!!!
  وانا بعرف عن شو عم إحكي.. كلشي حرصتْ انو كلشي بدّن ياه بموضوع الملفات حصلو عليه..
• كانو عم يعترضو على ملف… وفي 100 قصة بالبلد، وعم نعملن ياه.. وبس نعملّو، تاني جمعة منرجع نشوف اعتراض.. نتفق عَ شي بالتعيينات ونخلص.. بعد شوي نشوف إعتراض بمجلس الوزرا.. ليه؟؟؟
• إذا توفرت الإرادة السياسية ما بعود مهم مدير من هون أو.. بس لما بصير في شك بالموقف السياسي ككل، ليه بدي اقبل بالتعيينات اذا في مشكل بالسياسة..
• بهيديك اللحظة، سعد الحريري حليفُن. ونحنا مفروض نكون بالجهة التانية ، ولكن تصرفنا بشكل عفوي طبيعي من حرصنا على السيادة، ما هيدا رئيس حكومتنا بالآخر..

ما فينا نمشي، مين ما كانت هالدولة، وأد ما كنت بحبا.. وانا كوزير خارجية حريص على العلاقات مع السعودية.. (ما حكيت عليا كلمة) بس ما فيّي ما إمشي مع لبنان ضدّ أي بلد لبناني إجا مسّ بلبنان…

أنا جدياً رحت اشتغلت (وكنا بلشنا ننجح) ورُوَقنا الجَوْ بين حزب الله وبين القوات.. وبعرف قديه الموضوع صعب عند حزب الله..

• كنا جديين انو ليه ما منوصل بالإنتخابات..
  من حرصي انو نكون كلنا واحد، كنت (مش عم جيب حدا لعند حدا) بس نصير بمحل نكون فيه حدّ أدنى من التآلف الداخلي، مش انو ما ممكن انو ما يكون حدا عَ لايحة مع فلان..
• شتغلنا على حدّ أدنى من العلاقات المقبولة، وكان الطرفين قابلين فيا، وعم نمشي فيا.. ليه بدنا نقسم البلد؟ ونقسمو.. وقت منقدر نوحدو؟؟؟ وهيدي الوحدة بتعطينا قوة واستقرار..

الكهربا

• حكينا مع بعضنا.. انو منا قصة ملف.. وسؤال نحنا تعاطينا هيك بوزاراتن؟؟ يا بدنا نتعاطى بحس المسؤولية انو بدنا ننجز للناس او بدكن تفكرو بشعبوية..
• اعتبرت القوات انو فيا تعمل شعبية، ما لقيت تحارب الفساد الاّ بالتيار، ونحنا يللي عم نحارب الفساد ونحنا يللّي كل شغلنا هوي مشروع تغيير وإصلاح ومحاربة فساد
• قديه حاكي بالموضوع معن.. انو تعو نحط ايدنا مع بعضنا تنحارب الفساد؟
  مين أكل خبيط 10 سنين بوزارة الاتصالات والطاقة ، وكنت قلن تعو وقفو معنا عم ندافع عن كل البلد، مش لازم نحارب بعضنا، لازم مع بعضنا نحارب الفساد
  مش شي عادي، انو منقعد ندقّ بفريق سياسي بالفساد كذا شهر، ونحنا سكتنا وضحيّنا، مش شي بسيط كرامة الناس ومصداقيتن ونضافتن
• بموضوعية ومصداقية بدنا نحافظ على سيادة لبنان سوا، وبدنا نحارب الفساد سوا…

الكتائب

• لا صوتو للرئيس عون ولا فاتو على الحكومة، هني بالسياسة غير القوات. مع القوات اتفاقنا لبعيد وعَ شي كبير.. الكتائب ما قدرنا نتفق معن عشي صغير..
• انا قاتلت للكتائب يكونو بالحكومة وأنا ما بقبل انو ينعزلو.. هني اختاروا ما يكون بالحكومة.. مع القوات ما قبلنا تنعمل حكومة بلاهن..
• الكتائب لازم يستغلو الفرص. النائب سامر سعادة حكي بمجلس النواب في شركة اتصالات لجبران باسيل ونادر الحريري، بعتْ وراه المدعي العام، سألو عن معلومة مهمي متل هيدي. طلب منو المعلومات، طلع ما فيشي. وردّ سامر سعادةه: سمعت وقريت و.. وما قدّم وثائق..

• الجميل عامل اتهام هالقد كبير. لازم ينبسط يروح على القضاء، لازم يكون في مُتهمين وقضاة تحقّق بالمحاكم ويكون في أدلّة…

• ما نسخّف موضوع الفساد. منجهّل الفاسدين..!!!
• ردة الفعل الطبيعية انّو (الجميل) لازم ينبسط ويبرز اللي عندو، واحد بيتهّم مش لازم يكون عندو دليل..!!
  لما بقول بملف الكهربا في 800 مليون $ لأنو.. ما وَينا الوثائق؟؟
  قالو بدولة غانا الباخرة المستأجرة ارخص.. طلعت أغلى!!!
• روح جرّم وحاسب مش بس بالإعلام، روح للقضاء تيربح مشروعك السياسي.. انت مش مُتهّم.. انت عم تتهّم، لازم يروح يعطي معلوماتو للقضاء

يسأل الإعلامي وليد عبود عن الأصوات التي تقول في قمع للحريات، وخوف من نظام أمني ما.. يقول باسيل

• انتا حسيّت بهالشي بفترة هالشهر
• انتو كمحطة كان عندكم سياستكم حدا تدخل معكن؟؟

يقول عبود: لاق. يكمل باسيل كلامه:

• ما في الواحد يوقف مُحايد بين بلدو وبين بلد تاني
  بوقف مع الحريري ضدّ السعودية وضدّ ايران وأميركا وفرنسا وسورية
  وبوقف مع القوات ضد ايران والسعودية
  وبوقف مع حزب الله بس تهجم عليه إسرائيل
  واجبي كلبناني أوقف مع اللبناني
• أنا برأيي يكون موقف mtv يكون موقفا هيك.. انتو كان عندكم سياسة مختلفة.. حدا قرّب صوبكم؟؟

يقول وليد عبود: لاق.. بس حطّيتا بسياق وكأنو.. لاق سياستنا لبنانية بامتياز يعلّق باسيل:

• ما عندي شك بلبنانيتك ولا بصاحب المحطة
  ميشان هيك أنا معك اليوم بالمحطة
  ما في سبب من بعد شهر، نعَزمتْ من كل المحطات وطلعت معك..
  لأنو بدّي احكي هيدا الحكي عندك لأنو بعرف انك لبناني، وصاحب المحطة..
• لكن في بمفصل معيّن يكون الواحد عندو موقف تاني، حدا حاسبكم؟؟ حدا سألكم؟؟

يقول وليد عبود: لاق

• في حدن اليوم بالإعلام ما عم يسبّ برئيس الجمهورية ونزول..
  اليوم رئيس جمهورية لبنان تسمّى إرهابي
  وزير خارجية لبنان إرهابي
  قائد الجيش إرهابي
  رئيس مجلس النواب إرهابي..
  شي طبيعي هيدا ؟؟؟
• في صحفيي بيطلعو يحكو حكي بلا اخلاق وبلا موضوعية، وما حدن عم يجي يحكي معن…

يقول وليد عبود: هودي مَرقُو صحيح. وشفناهن وسمعناهن… يسأله باسيل: انتا بتقبلُن؟؟؟ يقول وليد عبود:

• لاق ما بقلبن
• بس في هجوم على دول عربية عم تنعمل بأبشع النعوت

يقول باسيل:

• نحنا مش معا
  وفي فرق يا أستاذ وليد بين تهجم على حالك وعلى بلدك.
  وتهجم عَ دولة
• انا ضد ينهجم عَ دولة عربية
  بس مش معناتا بقبل ينهجم ع لبنان

• ما بحطّ بالميزان لبنان متل دولة تانية
  لبنان وحدو أد العالم كلّو
  بفهم السعودي يدافع عن بلدو هيك.
  كان في يطلع واحد لبناني وقتا يحكي على تلفزيون سعودي اللي حكيو السعوديي عَ تلفزيوننا..!!!

• شي مش طبيعي اللي عم يصير عنا.
• وبالإتهام بالفساد، ما في يطلع واحد يتهّم حدا تاني، ويوصفو بأرقام.. وشي بعد ما صار..!!

الإدارة اللبناية

• عم اتهّم بأمور ما الي علاقة فيا. بس ايه، ما بدّي أتطلع بالإدارة اللبنانية وشوف بطّل فيا مسيحيين
• لما كنا عم ندافع عن حقوق المسيحيين.. قالو عنا متعصبين.. كنا نقلن: يا عمي والله بس يندقْ بواحد مش مسيحي رح تشوفونا حدّو.. ومبارح اللي صار بأكّد تفكيرنا الوطني
• أنا ما بدي إدارة ما فيها غلبة مسيحية ولا إسلامية، وما في غياب لأرثوذكسي او سرياني أو درزي.. ومش معناتا عَ الفاصلة.. بس ما فيك تتطلّع بالإدارة وتلاقي بمطارح 95% ب 5%..

المردة

يسأل عبود: هل صحيح انو في مساعي انو بدّك تجتمع انتا والوزير سليمان فرنجية؟؟ يقول جبران باسيل:

• ما عندي علم..

عبود: أكدوها بموقع lebanondebate.. ونسبوها للرئيس بري والسيّد نصرالله يردّ:

• بأكدو 100 خبرية
• هيدا موضوع من الآخر.. قيل من عدة أطراف بالموضوع
  بس اليوم إذا بدّو ينحط باطار عزل القوات.. أكيد ما منقبل

عبود: هوي هيك نحط… بالخبر هيك محطوط

• انا لما كان في تقارب مردة – قوات، نحنا شجعنا ونبسطنا، وقالولي التقارب كرمالك.. قلتلن: عال..
• انا مقتنع انو نضبّ على بعضنا.. وما حدا في يعزل حدا.. كل واحد ياخود قوتو الطبيعية وحجمو السياسي، بس انو نعمل تحالفات الغائية، انا ما بمشي فيا.. ونحنا بالإنتخابات منفتحين على الكل. وكل الخيارات مطروحة..

عبود: هل معقولي يكون في تفاهمات انتخابية مع القوات بأماكن معينة؟ او متل ما قلت: أوعا حالك قبل اوعا خيّك؟؟

• طبيعي بتهتم بخيّك
  بس الأولوية لَ حالك.
  نحنا بدنا ياه يكون، على قاعدة سياسية صلبة

العلاقات بين النائب كنعان والوزير رياشي كيف الاتصالات؟

• عادية

بينك وبين سمير جعجع:

• مش مطروحة

عبود: ليه؟

• لأنو كل واحد لازم يحدّد مزبوط خيارو شو بدو يعمل.. نحنا خطنا واضح ومعروف…

عنّا فرصة للنهوض بلبنان اليوم ومحطة باريس وحدي منّا…

أبشع كلمة هيي السلطة، لأنو فيا تسلّط
الحكمْ كلمة حلوة لأنو فيا حكمة وفيا الحاكم العادل..
لما بدنا نكون بالحكم، بدنا نأمّن للناس حاجاتا، وهيدا الشي فينا نفصلو عن الأزمات التانية يللي أكبر منا، والكهربا فينا نعملا، وبلا ما نغشّ الناس بالإعلام، ونخبرن أخبار مش مزبوطا…

رصد Agoraleaks.com