الأب مجدي علاوي: بتعرفو ليه صاير فينا هيك…؟؟ (Audio)

– إبليس ما بيقدر عَ الله، عم بدمّر مشروع الله.. “العيلة”
– عن يسوع النايم عَ الطريق (صبية – مريض – كريستا – ماتيو – محمد – طفلين بيُون عم يحرقن..)

***

مقتطف من عظة الأب مجدي علاوي في قداسة جماعة “الرحمة الإلهية” في كنيسة “سيدة لورد” في غادير: (1 ك1 – 2017)

 لا أحد يقدر أن يأتي اليّ ما لم يجتذبه الآب الذي أرسلني..

• بعتقد انّو ملتهيين شو عم يصير هون، وهونيك..
  نسينا الأساس وخفنا..
  شو رح يصير بلبنان.. ونسينا انو الله خلقنا على صورتو ومثالو ودعانا نكون أبناء لالو.. وهيدي الدعوة هيي دعوة حب لأنو الله نبع الحب
• قديه في ناس اليوم بتسأل وبتقول: يسوع حقيقة!!
  مش عم إحكي عن غير المسيحيين..
  عم احكي عن مسيحيين بالجامعات والمدارس..
  ما عم افهم هالنبع المحبة، هيدا الإله الحاضر، والموجود ببيت القربان.. لو المسيحيين بيعرفو ما كانو فلّو من الكنيسة.. لأنو بعرفو قديه مهم وجودنا مع يسوع…

قديه مهم إجي إسجد قدامو، وآخود جسدو… بتعرفو هيدي الساعة اللي بتيجو تقضوها معو، هيي أجمل ساعة بالعالم.. هيدا المكان الوحيد اللي بترتاحو.. 

بتعرفو شو بقلنا يسوع وقت المناولة: نتناول جسد ودم ربنا يسوع المسيح لمغرفرة خطايانا والحياة الأبدية.. 

نعم بكل علاتي وكل ذلاتي، وضعفي أنا بدّي كون فيك.. (وهيك قلو لزكا)..

هون في جاذبية صوب السما.. ربنا اجا، وبدّو يانا نكون معو.. والسما بتبلش من هون…

• شوفي ببيوتنا…!
  – ردات الفعل
  – الغضب
  – النقْ
  – التذمّر
  – ما في شكر..
  – ما في حوار…
  كل هالإشيا بقلب بيوتنا… ليش عيلنا؟؟
• كتير شباب عم يتحضرو للزواج، وبيعملو دورات زواج.
  بذات الوقت عم يروحو يشوفو أحلى مطرح بدن يتزوجو فيه. أحلى عفش. أحلى وأحلى وأحلى… ونسينا نبني على صخر..

ليه عائلاتنا هيك؟؟؟

• لأنو ما عرفنا نبني على صخر.
  ولأنو الشيطان (إبليس) ما بيقدر على الله، 
  بدمّر مشروع الله.. ومشروع الله هوي العيلة
• عم نطلّع اليوم عَ الإشيا اللي من برّا إعملها نسيت انو انا علينا كشباب او زملا او رفيقي أو صديقي انو المسبحة هيّي اللي بتدعس على الشيطان اللي بدّو يزعزع بيوتنا…
• هلق بصير اشيا، بس منتخطاها لأنو عم نصلّي المسبحة… وينا اليوم “مسبحة الوردية”!! كيف أنا بدّي غذّي الإيمان تبعي؟؟ إذا بلتهي بالأرضيات؟؟

زمن الميلاد

• بتقولولي ما في جوع بالبلد..!!
  ما في بردانين.. ما في ناس ما عندا أكل ببيوتا..!!
  وعيلْ مسيحية نعم.. وعيلْ لبنانية نعم.. وروحو شوفو قديه عم نكبّ مصاري على الزينة…
• يسوع بدّو ياني زيّن قلبي.. وزيّن عيلتي وحالي.. بدّو ياني يسوع ما نتذمّر من بعضنا.. ونحنا اليوم قديه منتذمّر من بعض..

يسوع نايم عَ الطريق

1 – اليوم بعتولي صورة صبية نايمي بالسقعة بمنطقة بيروت.. بعتا للمجموعة، وخلال ساعة كان في حدا عندا.. يمكن معن حق الناس تحاسبني يمكن لأنو ما جربو شو معنى “برد” او تشرّد وجوع، وسخونة..

2- لو يسوع محلنا وهالشخص اللي عم يموت.. ما كان بيتحرّك.. شو اللي خلاني انزل 12:30 ليل عندو على مستشفى الحريري… رحت لعندو لأنو ما كان فيّي نام بس اسمع في شخص عم يعمل جلطات، وضغطو 22، وما بيستقبلو ولبناني.. لأنو ما في مصاري.. وبشكر يسوع لأنو بالصلا قادرين نعمل معجزات… يمكن تفاجأوا فيّي كأبونا كيف عم صرّخ وعيّط..

3 – من يومين طفلة اسما “كريستا” عمرا أقلّ من نص ساعة (لقيتا)

4 – شفتو يمكن “ماتيو”.. يللي صرلو 17 يوم بالـ”Couveuse” وكان عم يموت..

5 – محمد اللي عمرو 6 اشهر

6 – صبي عمرو سنتين وبنت عمرا 4 سنين.. بيّون عم يحرقن..

وين صرنا….!!! وليه صاير فينا هيك؟؟

• لأنو بعدنا عن يسوع

بدّن ياني كون عادي.. قوم الصبح، اعمل صلواتي وواجباتي، وروح على شغلي، وارجع عشية روح على رعيتي، وارجع روح اتعشّى انا وعيلتي ونام… 

• بيجي يوم وفي ناس بتعرف بيناتكم بشو عم إمرق انا وعيلتي.. وصدقوني هودي رصيد وأوسمة لالي ولعيلتي ولكنيستي…
• طلبت إذن إنو اجتمع بمدير مستشفى الحريري.
  ما بقبل أنا، الاّ ما إعتذر… موعدي جمعة الجايي..
• كل مرة بجي لعندكم بقلكم صلّولي.. ما حدن منّا كامل، بس منسعى.. بقلكم صلّولي.. لأنو أنا كتير بحاجة..

الصلا الوحيدي اللي بتغيّرلنا كل حياتنا.. والعدرا بظهوراتا بتقول: صلّو.. صلّوا… صلّوا…

• في كتير ناس بتستخفّ..
  دكاترة وعلما ومسؤولين.. “أليس هذا يسوع بن يوسف ، ونحن نعرف من أباه وأمّه” !!
• مينو هيدا؟
  وليك هيدا الأبونا الجايي من خلفية مسلمة..
  هيدا الأبونا مش معلّم..
  الأبونا الفقير..
  ما بعرف شو… صار يشفي المُدمنين..
  لاق أنا ما بشفي.. انا ما بعمل أعجوبة.. ربنا اللي بيعمل الأعجوبة واللي بيشفي.. انا اللي كل بعملو بوصلو لعند يسوع بقلو “إصطفل فيه”.. 
• كل اللي بعملو، عندي ثقة مطلقة وعميا متل مار يوسف.. بسلمو كلشي…

حتى لو نحنا بخطر
حتى لو نحنا بنص دين البحر ما منغرق
حتى لو عنا أمراض
حتى لو عنا مشاكل
ثقوا.. وصدقوني هالموجة ما حدا بيقدر يقلا سكتي الاّ يسوع..
لا أطباء العالم ولا ملوك العالم ولا أغنياء العالم..
عطو وقت ليسوع..

• وفي كتير أشخاص بيناتكم وعائلات، اليوم الأولوية هوي القداس بحياتها.
  في ناس بس تسمع في سجود للقربان.. بتركض من قلبا..
  وفي ناس ما كانو بيعرفو..

سعادة السما

•  جمعيتنا فتحت مصبغة مجانية (شفت منن بكندا وأوروبا) كنت روح انطر تيابي ادفع.. وارجع آخدن معي.. في ناس كتير بلبنان ما عندن إمكانية يغسلو ولا قادرين يغسلو تيابن. ولا حابين يغسلو.. (هني تعبانين) عملتلن:
  – كافيه، بحطو غسيلاتن بالغسالة، بيقعدو بالكافيه، وبس يخلصو الغسيلات، بياخدوهن وبفلو.. بكونو تغدّو أو قصّو شعرن…
• 4 إشيا حدّ بعض..
  – كوافور
  – كافيه
  – مطعم
  – مصبغة
  لحتى يكونو قادرين يعملو الإشيا كلها سوا.. وهيدا الشي يمكن بلبنان عطيناهم “credit card” لـ 5000 عيلة، حتى يروحو على هيدي الأماكن بكرامة…

  كل هيدا دون مقابل…. لاق يسوع دفعن على الصليب…. 

• يسوع بداخلك… عطيه وقن من عشية… وعمول حوار…
  طلوب منو.. وشكرو.. نَعرفْ ننسحق ونتواضع… ويسوع بقيمنا باليوم الأخير..

فينا نكون هالنجمة بهيدا الشرق، هالعلامة بهالشرق.. والله يقدسكم.. نؤمن باله ضابط آب ضابط الكل..

رصد Agoraleaks.com