شهادة “هلا فيصل”: 🕇 يسوع المسيح والعذراء مريم والقديسة فيرونيكا حرّراني من الشيطان (Video+Audio)

– من كنيسة سيدة البشارة المينا- طرابلس نسخة كاملة 🕇 (التفاصيل)

***

“هلا فيصل” تنقل شهادتها في كنيسة سيدة البشارة (المينا- طرابلس – يوم الخميس 23 ت2 2017) مع الإيكونوموس الياس رحال (الكاهن المقسّم بإذن المطران إدوار جاورجيوس ضاهر السامي الإحترام، رئيس أساقفة طرابلس وسائر الشمال للروم الملكيين الكاثوليك) الفيديو مهم 🕇

هكذا حضرت القديسة فيرونيكا وأمسكت يدي، وحرّرتني من السكن الشيطاني وقالت لي بضع توصيات …
والعذراء غمرتني وقالت لي: ما تخافي أنا بحبّك !

شهادة حياة للسيدة “هلا فيصل” عن تحرّرها، في كنيسة سيدة البشارة (المينا- طرابلس) ومما قالته أيضاً:

• العذراء تقول للشيطان: هيي بنتي، ودعست عليه..
  وبوقتا كبيتو ماي مصلاية..
• اطلعت على يميني..
  قلتلو لزياد.. بليز خلني امسك إيدا ،
  إجت مسكتلي ايدي.. وقالتلي : “أنا حدّك وما رح إتركك”..
  ضلّك صلّي الوردية، وضلّك تجي على دير القديسة فيرونيكا جولياني بالقصيبة.
  وبشري كلشي صار معك…
• في كتير نفوس بالمطهر بحاجة لصلا.
  الصلا والصوم بتخلّص الأنفس من المطهر.
  ضلّك صومي على الماي والخبز..

شفت العدرا واقفة.. ركضت وغمرتا.. وبس غمرتا، قالتلي: انا بحبك وما تخافي..

يقول المقسّم الياس رحال: العوارض اللي عملتيها، بالمرتين اللي شفتك فوق بالدير… فاع الشيطان، وما قدرنا نهديك الاّ بالماي المصلاية.. وكان هدوء مؤقت، وبالمرة التانية، مع الإعتراف العام، أثناء الحلّة.. تصيف هلا فيصل:

• كل أحد أصلي أنا وزوجي بدير قديسة فيرونيكا.
  وحسيّت لازم حطّ مسبحة عليا القديسة فيرونيكا.
  واشتريت مسبحة، بس ما قبلت فلْ قبل ما يباركولي ياها.
• بس لبستا، حسيّت متل شهب نار داير من داررقبتي، كأنو حدا عم يخنقني.
  صرت قلو لزوجي، فتحلي الشباك، عم اولع نار.
  اجي تَ شيلا، شي يقلي لاق خليها.
  وتركتا… وبس لبست “توب الكرمل” كمان بقلو في نار داير من دار رقبتي..
  وبس شلتن حسيت متل كأنو حدا عطاني نفسْ. وبس رجعت لبستن، متل كأنو حدا خنقني..

مع الحلّة بعد الإعتراف يقول الإيكونومس الياس رحال: حضر الشيطان وإنتي اختفيتي.. ومنيح كان في كاهن وشب “عتعيت” تَ اقدرو هدوكي.. ولبدْ وراح.. وطلبت منك تجي على طرابلس..

ولما نزلت شفتك “فايعة” والشباب مش عم يقدرو يهدوكي.. وكان عم يصرخ: نحنا كتار ما فيك علينا.. انا قلتلو: مش نحنا اللي منشيلك، العدرامريم مع القديسة فيرونيكا هني رح يشولوك.. وكانت العوارض كتير قوية.. وخلال التقسيم خرجوا..

تقول هلا فيصل: أنا ونازلة لعند، فيشي عم يقلي: فيكي تهربي، هلا بارمين ضهرن..

يضيف الياس رحال: لأول مرة بالتقسيم تدخلت القديسة فيرونيكا، لأنّ هلا معلقّة كتير بفيرونيكا.. ويقول:

• جهنم موجود.
  المطهر موجود.
  الشيطان موجود.
  السحر والشعوذة موجودين.
  والكنيسة موجودة بسلطتها اللي عطاها ياها الرب يسوع لطرد الأرواح الشريرة…
• صلّوا مسبحة الوردية
  صوموا ع الخبز والماي نهاري الأربعاء والجمعة
  اعترفوا بخطاياكم…

تعلّق هلا فيصل:

• لازم كل خوري يدعي المؤمنين يصوموا ع الخبز والماي.
  الصوم يريحنا..
  أوّل مرة صِمِت، أطيب الملذات إجتنا على البيت هيدا النهار..
  مرتْ عمي لزوجي بعتلنا شي
  حدا جبلنا شي..
  نعزمنا ع سهرة..
  ما قبلت الاّ صوم تلات أيام…..

نقلاً عن صفحة قلب مريم المتألم الطاهر، والإعلامي شربل زوين
رصد Agoraleaks.com

https://www.youtube.com/watch?v=rbk4ZiPrHbw&feature=youtu.be