أمل أبو زيد للمُشهّر: إذا عم يسمعني بيعرف حالو.. هالأذية رح ترتدّ عليه (Video+Audio)

– الأرض لفهد الحريري وباعها للدنش.. ( جوزفين ديب )

***

على موقع الرقيب برز عنوان عن بيع اراض في جزين: من المسؤول عن الصفقة؟ وفي التفاصيل قال الموقع ان اوساطا جزينية تداولت همساً الحديث عن صفقة اتمها النائب امل ابو زيد بمساعدة رئيس اتحاد بلديات جزين خليل حرفوش وذلك عبر بيع حصة الارض التابعة لفهد الحريري والتي تبلغ مليوني متر مربع في بلدة كفرفالوس الى المستثمر محمد الدنش.

الخبر كان كافياً ليتحرك ابو زيد وحرفوش قضائياً.

فالنائب الجزيني الذي دخل الى الندوة البرلمانية حديثاً، يتحدث عن باعه الطويل في المحافظة على أرض جزين وتمسك اهلها بها. ابو زيد وفي حديث مع الـ”OTV” يؤكد أن الخبر لا يهدف سوى للتشهير به في المنطقة متحدثاً عن مساع لابعاد المجمعات السكنية التي تؤثر في التوزع الديمغرافي للمنطقة.

يقول النائب أمل أبو زيد: 

• في أشخاص، او شخص معيّن اللي هوي كان ورا إعطاء الخبر بهالطريقة المتوارية البعيدة كل البعد عن الحقيقة، الهدف منّو الأذيّة. وهالأذيّة هيدي بدها تنردّ عليه.
• ما رح نتركو قاعد يتصرّف بهالطريقة اللا-أخلاقية، والطريقة البعيدة عن أي وجه حق.
• انا بعرف انو الشخص اللي عم يسمعا، بدّو يعرف حالو.
  نحنا من أوّل الحملات اللي عم نقوم فيا، ما نخلّي المسيحيي يبيعو الأراضي، هيدا الشي منّو موجّه ضدّ حدا. ولكن نحنا بدنا نحافظ على وجودنا، وعلى التواصل مع المحيط القريب لالنا، والهدف تبعنا منع يكون في تجمعات سكنية.

لا صحة لاي حديث عن تهرب حرفوش من المسؤولية، أو عن سعي ابو زيد للعمولة، لا بل هو كان قد اقترح شراء الأرض كما سبق ان فعل في ارض في بلدة الشواليق كان يملكها احمد الاسير الا ان فهد الحريري لم يرض بالسعر.

يقول أمل أبو زيد: 

منّي ناطر تَ إعمل “كوميسيون” او عمولة، لأنو أولاً منّا شغلتنا، وتانياً أنا وخليل حرفوش وبعض القيمين الآخرين ولاد منطقة جزين، كنا صحيح عم نفاوض تنشتري شقفة الأرض، من أصحابا الأساسيين، وعرفنا بالتواتر انو في حدن بدّو يشتريها، وحطينا سعر على الطاولة، ولكن للأسف بالسعر اللي حطيناه ما رضي الطرف التاني اللي بدّ, يبيع.

من المالك الوارث عن والده رفيق الحريري فهد الحريري الى المستثمر محمد الدنش انقلت ملكية الارض.

https://www.youtube.com/watch?time_continue=2&v=y7WIRwn8sRs

هذا ما اكده كذلك الدنش في اتصال مع OTV.

يقول الدنش:

• مشروعنا مشروع زراعي بامتياز.
  وقبل ما نبلش بمشروعنا بدنا نحكي مع فعاليات المنطقة، ومع نواب المنطقة، ومع الإتحاد، ورح نتعهّد قدامن انو هيدا الشي اللي بدنا نعملو. ورح نطلب إشراف مباشر من قبل اتحاد بلديات جزين على المشروع.
• إشتريت الأرض من خلال مكتب فهد الحريري.

مشروع زراعي سينشأ على ارض كفرفالوس التي اشتراها الرئيس رفيق الحريري في اواخر الحرب اللبنانية ويوم كان اهل المنطقة لا يزالون في التهجير. اما اصحاب المقال التشهيري كما يقول ابو زيد فلهم كلام آخر.

المصدر: OTV
رصد Agoraleaks.com