Agoraleaks Agoraleaks
– الحريري تعرّض لإهانة وطلع “رجال”…
– البعض بياخود مصاري من المملكة وبيدعولها بالكسر…
***
مقتطف من حديث رئيس حزب التوحيد العربي وئام وهاب لقناة الـ”OTV” ضمن برنامج “بلا حصانة”: (21 ت2 – 2017)
عن أزمة السعودية مع لبنان، يقول:
- ان تحتضن لبنان مش تتحداه بهذه الطريقة وتحول تذلو بهذه الطريقة.
في اذلال للبنان صرلو سنتان تلاتي عم يتمارس. - كنت فايت على الستيديو وعم اسمع الدكتور فارس سعيد (صديقنا) واللي بحبو وبحترمو، وبحترم عقلو… مش الو هيدي.. خبرية الرئيس الحريري منّا الو.
هيدي مجموعة ولاد بيلحسو الفرنك عن طرف الكلب.
يروحو يعملوها، يصطفلو،
مش الو هيدا الموضوع.
الرئيس الحريري جرت محاولة لإهانتو، وأنا كنت عارف من أوّل لحظة اللي صار.
- أنا ما عملت تغريدتي عبث، بأول لحظة.
بانو الرجل مُحتجز. - الرئيس الحريري جرت محاولة لإهانتو، وليس عيب،
ممكن تصير معي المحاولة.
يمكن تصير مع أي شخص، بأي دولة.. انو بدولة يتعرض لمحاولة إهانة..
الأهم كيف يردّ؟؟
- الرئيس الحريري كان رجال.
حصلت محاولة لإهانتو،
– لم يتنازل.
– لم يتراجع.
لا بل لم يُرسل إشارة وحيدة تقول أنّه مرتاح. - وردّ على التحدّي بتحدّي.
وهيدا زعجو أكتر، وزادت الضغوط اكتر..
وفي تنين لعبو دور أساسي بالموضوع مع السعودي
- التفاهم اللي تمّ بين فخامة الرئيس والرئيس بري وسماحة السيد كانت لحظة إعطاء المواجهة، وهيدا حمي الوضع الداخلي.
- لا شك انو
– الست بهية
– نادر الحريري
– الوزير المشنوق
مجموعة المستقبل اللي اشتغلت مزبوط، تصرفت بدون صغائر بعض الولاد… - الرئيس عون إدارة حريّفة دار الموضوع.
وضرب الضربة عَ المخ بالآخر..
وهيدي الضربة هيي اللي حركت الكثير من عواصم القرار
كل اللي صار، أثبت أنو هيدا البلد الصغير، ما فيكن تتعاطو معك هيك
- هيدا بلد مرق عليه كتير من المحتلين
- مرق عليه كتير من الناس، وهرما كلها
- فيشي ما بتقدر تعالجو هيك
- لبنان بلد
– حريات
– عريق
– معقّد
– نقابات، محامين، دكاترة، مهندسين، المجتمع المدني، الجمعيات.. - لبنان هيدا البلد الصغير صوتو مش سهل، وصوتو مش قليل، وبيسمعو العالم، والتعاطي معو ما بجوز بهالطريقة.. نشالله يكون السهبان دفع ثمن هيدا التعاطي الميلشياوي، غازي كنعان ما تعاطى هيك، ولا مرة… على الأقل علناً ما هيك تعاطى..
- لولا لبنان منو حريص على العلاقات مع المملكة العربية السعودية، الأمور راحت لمنحى آخر، في إداء وحشي، ما بيمش اللبنانيي هيك.. لك حتى اللي عم ياخدو منك، بياخدووُن وبيدعولك بالكسر…
رصد Agoraleaks.com
