بقرادوني بالمعلومات عن لقاء الرئيس وقائم بالأعمال السعودي: عون برأيي ضبط حالو، كان بيقدر يصعّد أكتر.. (Audio)

– دار ضهرو وراح…. 

***

مقتطف من حديث رئيس حزب الكتائب السابق كريم بقرادوني لقناة الـnbn”: (تشرين الثاني 17-2017)

• فرنسا تستطيع أن تلعب دور لإيجاد حل لموضوع اليمن..
  الموضوع مش بإيد لبنان،
  ولا بإيد سعد الحريري..
  ولا بإيد الحكومة اللبنانية،
  ولا بإيد الرئيس عون قصة اليمن..
• قصة اليمن، قصة سعودية – إيرانية.. وهيدي القصة ما لازم ندخلها بتشكيلة حكومة لبنان، ونقول ما بدنا حزب الله لأنو عم يتدخل باليمن.. حلّو قصة اليمن…
• قوة حزب الله مش مستمدّة من الحكومة، ولا تشكيل الحكومة.
  بلبنان قوتو أنّو هوّي مقاومة
  وبالمنطقة قوتو أنّو واقف مع محور طويل عريض ببلش بايران وروسيا وبينتهي بلبنان
• مين نائي عن نفسو،
  يعني إذا تدخلت ايران بلبنان، هيدا ضدّ النأي عن النفس
  وإذا تدخلت السعودية بلبنان، معنى هيدا مع النأي بالنفس..!!!
  ما السعودية عم تدخّل يومياً…

من سنة 1943 لليوم ما صار في نأي عن النفس

• إذا بدّو يصير في نأي عن النفس مزبوط، بدها قمة عربية مهمة، ويعلنو انو لبنان متل سويسرا، مُحيّد.. هني ما يتدخلو، ويطلبو من اللبنانيي انو ما يطلبو تدخل..
• فكرة حياد لبنان فكرة صعبة. وبدها شغل آخر.
  انا مع حياد لبنان، ويا ريت بيقدرو اللبنانيين يتفقو انو ما يضلو يلجأوا الى الخارج.. والخارج ما يحاول يدخل الى لبنان. لأنو الحياد لصالح لبنان.

ولكن

• موجود الحكي فيا من سنة 1943،
  ومن وقتا ما صارت..

عن موقف رئيس عون من السعودية

• هيدا مش موقف تصعيدي، 
  هيدا موقف شرعي لرئيس الجمهورية.
  يللي بيعرف ميشال عون، أو أي رئيس جمهورية غير ميشال عون، ويعطي غير موقف.. كان غلط.
• شو عمل ميشال عون بأوّل موقف أخدو.
  1) قال بوضوح: كل لبناني، الدولة اللبنانية مسؤولة عنو، ولازم يشعر كل لبناني، انو في مظلة فوق راسو، اسما الدولة.
  2) بالمعلومات: لما طلع القائم بالأعمال السعودي لعند الرئيس عون.
  طلب منو شغلة.. (ما حكاه بِ 100 شغلة) قلو: أنا ما بعرف شو عم يصير..
  إذا بتريدو بلغوني أنا كرئيس جمهورية، بدّي إيضاحات حول حقيقة ما يجري مع رئيس الحكومة؟؟؟
  دار ضهرو وراح.. ونطرو أسبوع كامل..
  حتى يرّد عليه خبر..
  يخسروا عليه شي كلمة..
  إيه عون مش هيك بيتعاملو معو…
  أوّل شي: الرئيس عون ما بيقبل، رئيس حكومتو يتوقف ويعمل حالو مش قاشع… بدّو يدافع عن رئيس حكومتو..
  تاني شي: ما بيقبل يطلب إيضاحات عن توقيف رئيس حكومة لبنان، ويعملو حالن مش سامعين..

أنا برأيي ضبط حالو، كان بيقدر يصعّد أكتر…

وما برتّب شي.. بدّن يتعودو انو مع لبنان بدن يتعاطو معو من الندّ للندّ.. مش تابع لحدا لبنان. بدن يحترمو الدولة اللبنانية متل ما هيّي، وخصوصاً رئيس الجمهورية وبالأخص رئيس حكومتو…

• حدث قبل هلق، حدا حجز رئيس حكومتة حدا..
  بتريدي من ميشال عون ينعمل هيك، وبايامو، وما يعمل شي؟؟؟
  ويقلن: لاق معكن حق، وبرافو.. ودخيلكم، شوفو كيف بدكن تضهرو
• ميشال عون أخد موقف مبدئي..

رصد Agoraleaks.com