بالفيديو الحريري لتلفزيون “خليجية”: ليش بلبنان بدو يتحاسب ايران موجودي بكل المنطقة وحزب الله شيعة لبنان (Video+Audio)

– لو كان في بيروت رئيس حكومتنا هذا ما قاله: خليهم يسكتو. ويحترمو أنفسن. (Video-1-2-3)
– اللي عم نقولو، في وضع إقليمي اكبر من لبنان. أكبر من الحكومة نحنا مش أد أيران. أو أميركا. والسعودية..

***

مقتطف من حديث رئيس الحكومة سعد الحريري لتلفزيون “خليجية” ضمن برنامج “حلقة خاصة”:

(1)

يُسأل الحريري: نصرالله يتصرّف كأنه مرشد للجمهورية اللبنانية، وأنه ما يريده يحصل.. عمل استعراض برج البراجنة، ما حدا عملو شي. عمل استعراض القصير، ما حدا عملو شي.. 

يرد الحريري: 

• ببرج البراجنة، بلا صار شي.
  تدخلنا وحكينا بالموضوع، وهيدي مشكلة عندن ياها، وهني عانو منا أكتر ما الدولة
• بموضوع القصير منو بلبنان، ما الي دخل بسورية..
  أنا آخد قرار بلبنان انو نحنا عنا سياسة النأي بالنفس. ونحنا كتيار مستقبل آخدين قرار انو مندعم الشعب السوري بشتى الوسائل السياسية والإعلامية وحتى الإنسانية
• فيما يخص القتل، نحنا ما النا دخل بالموضوع
• ليش تلوموننا نحنا بلبنان
  حزب الله موجود.. واللي عملتو ايران هيدا من 30 سنة
  ليش لبنان بدو يتحاسب، ما هيدا موجود بكل المنطقة. ليش التركيز عَ لبنان

https://www.youtube.com/watch?v=YfD8hM2n4_0&feature=youtu.be

(2)

يُسأل الحريري: أي مشاهد عادي، عندو معلومات بسيطة، سيتعب جداً، إنو سعد رفيق الحريري، يرأس حكومة فيها حزب الله المُتهّم باغتيال رفيق الحريري، وشهداء ثورة الأرز، 

يردّ الحريري:

• ما في شك.
  بس حزب الله يمثّل مين؟
• حزب الله يمثّل شريحة كبيرة من إخواننا الشيعة.
  حزب الله وحركة امل يمثلون الشيعة.
  بدنا نكون واقعيين أو لاق؟
• بكرا كل هودول اللي عم ينتقدوني بالسياسة.. خلينا نقول سعد الحريري قرّر اليوم يتنحّى… يقول أنا بطلّت… تفضل يا “قفلان” قوم شكّل حكومة؟؟
  مع مين بدّو يشكلها؟

يردّ الإعلامي: مع حزب الله.. 

يقول الحريري: شكراً، فخليهم يسكتو. ويحترمو أنفسن.

https://www.youtube.com/watch?v=bQIHUtHGboo&feature=youtu.be

(3)

يسأل الحريري: واضح من الأجواء السياسية انو في تصعيد دولي واقليمي ضدّ حزب الله،  وتصنيفو كارهابي.. وفي حديث عن حرب ضدّ حزب الله

يعلّق الحريري: هيدا موجود من زمان

يضيف الإعلامي: ويكون في عقوبات اقتصادية، يبدو انها أشرس، وفي حديث صريح عن حرب ضد حزب الله، يردّ الحريري:

• أشك بوجود حرب.
  ويللي بدّو يكب قنبلة ع لبنان.
  بكون عم يرمي قنبلة عَ لبنان.
• إسرائيل لما شنّت حرب سنة 2006.
  شنتها على حزب الله. او على لبنان.
  مطار رفيق الحريري شو الو علاقة بحزب الله.
  إسرائيل هجمت على كل لبنان.
  نحنا كنا مختلفين مع حزب الله، ليه عمل اللي عملو بالبداية. بس لما صارت الحربن وفي عدو إسرائيلي عم يهاجم، كل لبناني وعم يركز على المناطق المدنية.. نشوف اللي استشهدو.. كم واحد. ولبنان تكلّف 10 مليار $؟
  هل تكلّف حزب الله 10 مليار $؟؟؟
• إسرائيل عغم تضرب الدولة.
  ونحنا اللي عم نقولو، في وضع إقليمي اكبر من لبنان.
  أكبر من الحكومة اللبنانية.
  نحنا مش أد أيران.
  أو أميركا. ولا السعودية
• انا عليّ بلبنان، حماية اللبنانيين، وحماية هالبلد.
  انا مختلف مع حزب الله إقليميا.
  بس انا بنفس الوقت بدّي قوم بالبلد.

https://www.youtube.com/watch?v=3UyxD4va_NI&feature=youtu.be

رصد Agoraleaks.com