Agoraleaks Agoraleaks
– طولو بالكم شوي.. الكلام بيحمل تفسير وتأويل (التفاصيل)
***
مقتطف من حديث الأب كميل مبارك لقناة الـ”OTV”: (تشرين الثاني – 5 – 2017)
- بتوجّه بكلمة شوي عامة للبنانيين عموماً،
– المؤيدين
– المعارضين
– المناصرين والموالين
– للقادة السياسيين
طولو بال;ن شوي.. وعالجو الأمور بهدوء أكتر، لأنو بعتقد إذا منقرأ تسلسل الأحداث بسرعة من كم يوم، دولة الرئيس كان متفائل جداً ويسعى مع المملكة العربية السعودية للإستقرار والإزدهار في لبنان.
تاني يوم قرأ بيان استقالة من السعودية.. - بس تبيّن الحقيقة بوضوح، لاحقين كل واحد ياخود موقف اللي بريد.
ما بينّت الحقيقة الساطعة، بدنا ننطر.
– هل مجبور على الإستقالة؟
– هل في قناعة ذاتية شخصية؟
– هل قناعة لبنانية، أم قناعة إقليمية أو ضغط دولي؟؟
في أمور بدها تتوضّح…
روسيا المقدسة عن تسعى على قدم وساق ، وبمنطق وضغط لتقريب وجهات النظر بين طهران والرياض… من أجل حل واضح وسليم لمشاكل الشرق الأوسط..
وهذه القراءة بتقول: الإشكالات أو عدم التنسيق أو التفاهم البطيء بين المملكة وطهران، أدّى الى تأزم بعض الأمور، ومحاولات لحلحة بعض الأمور الأخرى.. وكل دولة منن بدها تلعب دورها الإقليمي شي طبيعي..
إستقبل دولة الرئيس الحريري الموفد الإيراني، عطاه جواب، ما عطاه جواب.. الكلام بيحمل تفسير وتأويل، يبدو إنو الإجابة ما كانت مرضية، إذا بدنا نتصورها.. هيدا تصوّر مش معلومات.. راح الى المصدر يللي مفروض يتوجهلو تينقل الجواب.. طلع بيان الإستقالة؟؟
هل هذه التفاعلات أدّت الى هذه الإستقالة، أم الإستقالة هي ورقة سعودية لممارسة ضغط آخر على روسيا المقدسة، لحتى تروّج بحلجلة الأمور.. من أجل تثبيت قواعد ثابتة لهما في الشرق الأوسط..!
- كلام الحريري في بيان الإستقالة، غريب عن سلوكياتو السياسية، وسلوكيات الشهيد بيّو رفيق الحريري.. لأنو
– بيعرفو الواقع اللبناني،
– وعارفين أنو التفاهمات هي التي تحكم لبنان،
– وعارفين إنو هيدا البلد يختلف عن جيرانو الآخرين..
لهذا السبب إستغربنا شوي القاموس المستعمل في هذا البيان، ما دفع البعض للقول، إنو مش هوي كاتبو.. - طولو بالكم عَ كل الإتجاهات.
مواقفكم السياسية اللي أخدتوها مبارح، بكرا إذا إتضحّت حقائق غير اللي فهمتوها انتو بالنص، بدكم ترجعو تغيرو مواقفكم مرة تانية..
الإعتقالات
- حسب ما طلع عنوانا بالصحف، هي لمكافحة الفساد.. (هيك قرينا)
بتكون مسألة سعد الحريري، رئيس حكومتنا منفصلة عنو تمام الإنفصال.
إذا كانت مسائل سياسية وتحركات سياسية تغطّت بمكافحة الفساد، معناتا في إنقلابات عم تحصل ولا إعلان عنها.. - الحريري بصفتو الجنسية السعودية (نحنا اللبنانيين النا حق يكون معنا جنسيتين وتلاتي) منا عقدة.. أمّا إنو يتوقف كرئيس حكومة بدها تخلق أزمة دبلوماسية رهيبة.. وللحقيقة مش رح تخلق هذه الأزمة، إنما رح تاخود صورة بشعة بالعلاقات بين الدول في الشرق الأوسط..
- التوقيف إذا كان صح…
قديه في صح، وقديه بيحتمل الشك. ما بعرف…
مش سهلة نزتّ كلام بهالحجم.. والو انعكاسات خطيرة ورهيبة
المباريات الشرق أوسطية مش رح تنلعب على الأرض اللبنانية وبدّي قولا بأقوى من هيك، اللبنانيين كلن،
– راضيين أو مش راضيين،
– موافقين أو مش موافقين،
– معارضين أو مش معارضين…
– قابلين بالإستقالة أو مش قابلين بالإستقالة
يحطو ايديون بماي باردة.. البلد اكثر إستقراراً من أن يهتزّ..
وحنكة فخامة الرئيس بتسيير الأمور بهدوء تام..
مش معّود على الجنرال يكون هادي هالقد..
وبرصانة مطلقة وبعقلانية.. هيدا إثبات الرئيس..
هيك بكون رئيس جمهورية…
إنو اليوم رئيس جمهورية، رئيس حكومتو مختفي، مش معروف وينو…
رصد Agoraleak.com
