الأب مروان خوري عن مقولة “دان براون”: يسوع ما تجوّز لأن أبوته شاملة مش محدودة (Audio)

– يسوع بارك الزواج بحضورو بعرس قانا

***

مقتطف من حديث الراهب المريمي الأب مروان خوري ضمن برنامج “ما أطيب الرب” على قناة “نورسات”: (2 ت2 – 2017)

في اتصال هاتفي ضمن البرنامج سألت إحدى السيدات الأب مروان خوري، عن الكاتب “دان براون” وروايته “دي فينشي كود” (the Da Vinci Code) وطرحه لعدة مواضيع، ومنها، انو يسوع تزوّج وصار عنو سلالة.. وبيكتب إشيا عن الخير والشرّ..

وين المشكلة؟؟ ليش مستبعدة انو يسوع صار عندو ولاد؟؟ كونو عندو طبيعة إنسانية بشرية، وطبيعة الهية!!

يردّ الأب مروان خوري:

• يسوع إذا ما تجوّز مش معناتا عم يحارب الزواج ،
  بالعكس بارك الزواج بحضورو بعرس قانا.

لكن ليه ما تزوّج؟؟

• بالزواج بصير يسوع بيْ وملتزم بعيلة وحدي.
  وصار بيْ لولاد جابن بهالعيلة.

بينما 

• اللي بيتحرّر من سر الزواج، صار بيْ البشرية
  يعني حبو بصير شامل، ما بعود حبو محصور..
• ميشان هيك صار في حياة رهبانية..
  مش معناتا أنا الراهب اللي ما تجوزت انا عم حارب العيلة أو مبدأي ضدّ العيلة.. لكن أنا حرّرت قلبي من حب عيلة صغيرة، (يللي هييّ حق ومباركة من الله، ودعوة من الله) حتى كون بيْ شامل بأبوتي وبحبي للناس، ما يكون حبي محصور لكم ولد بجيبن بالبيت ولمرتي..
• يسوع من خلال تكريسو وعدم زواجو تيكون حبو شامل، وحبو عام لكل البشر مش بس لفئة أو عيلة ضيقة..

رصد Agoraleaks.com