الأب الياس مارون غاريوس: وعوا عَ زرع الله اللي فيكن حتى ما تروحو غافيين متل الدجاجة اللي “بتقاقي” (Audio)

– الله بيعرفنا نحنا زرعو.. ما فينا نقول: ما منقدر، والسرعة زرع كيف مكان (التفاصيل)

***

مقتطف من عظة الأب الياس مارون غاريوس – مثل الزارع: (تشرين الأول 2017)

المجد لله

• بدنا نحط فكرة براسنا، ونفهما ونعرفا،
  مع يسوع المسيح ما عنّا سؤال.
  والمسيح ولا مرة بيسأل…
  – اسمعوا
  – إفهموا
  – إعملوا
  يسوع وقت بدّو يحكينا بخلاص نفسنا، ما بيحكينا بالأمور العادية..
  إذا عطانا متل، بيحكينا بأمر،
  وإذا عطانا حياتو، بيحكينا بأمر..
  لأنو وقت الرب خلقنا، خلقنا عَ صورتو ومثالو متلو…
• نحنا متلو.. نحنا منسمع متلو وربنا بس تجسّد على الأرض، عطانا سلطانو.. هوي صاحب السلطان وزرع فينا ذاتو..
• ما فينا نقول:
  – ما سمعنا
  – ما انتبهنا
  – ما قدرنا…
  نحنا منجرّب، منحاول… الله بيعرفنا مزبوط..
  لذلك اللي أخد وزنة وحدي، ما سامحو، قلن: أخرجوه، القوه في الظلمة البرانية”.. ما قلن معليش ضعيف بيناتكم.. لأنو الله بيعرف كل واحد منّا.. والله ما بيعطي واحد اكتر من واحد.
• الله بيعطي نفس النعمة، ولكن المواهب متعددة، وكل واحد على قياسو.. ما في حدا يقدر يقول: أنا مش قادر، من هون قلنا: إسمعوا… ويعني شرفّو نفذّوا…
• وبقول يسوع: كل إنسان بيسمع كلمة الملكوت ولا يفهمها، وملكوت الله في داخلكم..
  لأنو نحنا البشر والإنسان هني هياكل روح القدس.. يعني كل روح ربنا ساكنة فينا..
  – قدرتو فينا
  – محبتو فينا
  – سلطانو فينا..
  يعني نحنا (الجماعة) ما منقدر ولا مرة يسمحو لغير يسوع يدخل على تصرفاتن..
• الفهم يكون بالتصرّف
  وقت ما بتفهم، ما بتعرف تتصرّف..
  والتصرّف بدّو وعي، وقدرة، لنقاوم سلطان ابليس الجايي، حتى يخطف..

مع يسوع: إسمعوا، إمتلأوا، إعملو..
مع إبليس: خطف، أخد، دخل (عنوة)

الخطف عند الشرير والعطاء عند الله، ونحنا شو صار عنا “الزرع”

• وحتى نمنع ابليس من انو يدخل فينا، بدنا
  – نحفظ كلمة الله حفظ شفهي..
  – ونحفظو حفظ عقلي،
  – ونحفظو حففظ قلبي (داخلي)
• انا لا انطق الاّ بكلمة الله (العقل) واللسان
  أنا لا أعمل الاّ أعمال الله (بالقلب) بالعمل
• المسيح عم يقلنا بمثل الزرع، اللي وقع الى جانب الطريق، والصخرة والشوك والأرض الطيبة.. ولكن الأهم بكل هيدي الأمور، اليوم عم يعاني من السرعة..

واحد بقول: أنا بحب يسوع.. حلو كتير.. بس هيدي الحركات ضدّ يسوع 100%.. ليه؟ لأنو هيدا الزرع عَ الصخر.. وأي اعتراض بصير

• تعبان نفسياً
• بيزعل جسدياً
• بيقلق فكرياً
  يسوع عم يهددنا وتهديد رسمي ومباشر.. انتو ما بتقدرو تقولو وتكونو الزارع.. مش عارف وين كابب قمحاتو.. وبين الشوك وعَ الصخر الناس فايتة ببعضا…
• البيت الواحد، الأخوة، والضيعة، وكلشي.. فايتة الناس ببعضا..
  هون يسوع عم ينبهنا.. ما فينا نكب الزرح وين مكان..!!
  ربنا عم يطلب منا الوعي من خلال الروح القدس
  بدك توعا كيف عم تزرع.. وانت يللي عم تستقبل الزرع بدك توعا..

ننتبه ونكون واعيين، وما يكون عنا غير كلمة الله والحق

• ما في حق الاّ الله وكلمتو
  وكلشي بالدني بزول، الاّ هوي وكلمتو..
• أخوتي ما تسايرو حالكم…
  – تعبانين
  – قلقانين
  – موجوعين
  – مش عم تلاقو شغل، أو عم تلاقو..
  – حدا قبلكم أو رفضكم..
  بقوا متل انتو ثابتين، لأنو الرب عم يقلنا، يللي رايح بغرور الغنى ومشاكل العالم.. عم يخنقو الله اللي فيك، يللي هوي وحدو نبع السلام، والفرح، والقوة…

ويللي ما بيثبت عَ كلمة الله ويحافظ على وعيو.. بتروح معك ميّت، متل الدجاجة اللي عم تقاقي.. ومش عم تلاقي بيضتا وين حطتها…

بطلب من ربنا تضلكم واعيين، حتى يبقا زرع الله فيكن، وتضلكن حاضرين تستقبلو.. وعطو كل قدرة ينمى بكل قوة، حتى فعلاً تعطي غلتكم حصاد لكل النفوس..

آمين

 رصد Agoraleaks.com