Agoraleaks Agoraleaks
– انا يا سماحة السيّد، مني تاجر مخدرات، ولا باخود خوّة من العالم..
***
إعتذار علي عبدو شمص من السيّد نصرالله: (26 تشرين الأول 2017)
- صباح الخير يا سماحة السيّد،
بتمنى منك تسامحني من كل قلبك وربك - أنا خيّك الصغير علي شمص،
يا سماحة السيد وحيات بناتي التلاتي، طلوب مني هلق، احمل سلاح واطلع عَ سورية وكون مع المجاهدين فوق، لكفّر عن الذب اللي عملتو.. الي الشرف يا سماحة السيّد - شو ما عملنا باتجاهك منضل مقصرين،
يا أشرف الناس واعزّ الناس، اللي رافع راس الأمّة كلها سوا - انا يا سماحة السيّد، مني تاجر مخدرات،
ولنّي قطاع طرق،
ولا باخود خوّة من العالم..
يا سيّد انتا بتعرفنا مين، وبيتنا مين، والله يرحم بيّي مأسسنا على هيدي الطريق، عَ طريق المقاومة وأبو عبدالله الحسين
أنا بعتذر من جمهور المقاومة اللي بعرف انو هالشي ما بكفيهن..
- انا يا سماحة السيّد رح ارجع اطلع عَ التلفزيون واعتذر من سماحتك وجمهور المقاومة..
- انا نزلت ع موقف حي السلم الساعة 6 الصبح،
لقيت اختي بالأرض،
وعمتي عمرا 80 سنة بالأرض،
جارفين المحلات، والبضاعة بقلبن. - يا سماحة السيد، الليه يلعن ساعة الشيطان،
وبعرف انو قلبك كبير.. والله يرحم ابنك، والله يطوّل بعمر أهلك، بتمنى تسامحني من كل قلبك وربك.. - أنا بتشكّر الصحافي شحادة جمال الدين، وهوي بيعرفنا نحنا مين، وبيتنا مين.. ولمين منتميين، ولمين منأيّد.. وشو ما عملنا ا سماحة السيّد منضلنا مقصرين..
وكان علي عبدو شمص، شتم سماحة السيّد وسورية ضمن التغطية المباشرة لقناة الـ”LBC”.. بحجة أن رزقه تمّ جرفة في حي السلم..
