بقرادوني يدحض التفسيرات الخاطئة: في شغلة حقيقية عند التيار.. وحدا بيعتقد دقيقة، انو عون بيقبل بشروط، ليه كان مجال لغير إنتخابو (Audio)

– لا مجال للمحاصصة مع عون، ومش بس القوات مين ما يطلب حصة يعني غير جدارة
– لمّا بقومو كل الأطراف عَ التشكيلات بنبسط.. والحريري عم يتحرك ببطئ لأنو في ألغام
– لو أعطي سامي الجميل أجوبة كان عمل راس حربة..
– كنا بحق عودة الفلسطيني لأرضن، صرنا بحق لبنان إعادة النازحين السوريية لأرضن..
– بقول للقوات: قضية النزوح السوري مش مطروحا بالأمم المتحدة… 

***

مقتطف من حديث رئيس حزب الكتائب الأسبق كريم بقرادوني: (تشرين الأول 2017)

عن مقدمة كتابه “لعنة وطن” الصادر سنة 1991، واستنتاجه أنّه من خلال المتابعة والأرقام والمعطيات، الشيعة باتوا أقوى من الجميع، والسنة أقوى من الموارنة.. وبالتالي هذه المعادلة ستحكم المعطى الجديد، وهذا كلّه قبل تحرير عام 2000، وانتصار 2006.. يقول بقرادوني:

• كان عندي سبب وقت قلتا، هوي موسى الصدر، لمّا عرفت شخصية موسى الصدر عام 1970، اعتبرت انو النهضة الشيعية آتية، لا بل بدأت.
• سنة 1969 كنت قريب منّو، وشفتْ لمّا كان يطلع ع بعلبك، شو يصير عند الشيعة، كنت مقتنع أنّو أتى الرجل الذي سينهض بالشيعة في لبنان، إذا ما كان أكتر من لبنان.
• كنت أكيد أنو الشيعة هم القوة الصاعدة،
  وكنت خايف على المسيحية يكونو القوة الهابطة.
  ومنذ ذلك الحين طالبت بالإتيان برئيس قوي ليعيد تموضع المسيحيين، والدولة.
• اليوم صار في إعادة توازن، بوصول الرئيس عون.
  ومن زمان منقول رئيس قوي لدولة قوية. واليوم الرئيس القوي إجا، وبالتالي برأيي الرئيس عون أعاد التوازن، مش بس لأنو إجا على رئيس الجمهورية، منذ عودتو عَ لبنان سنة 2005، بدأت عملية إعادة التوازن بين الطوائف، وإعادة التوازن هي سبب الاستقرار… وطبعاً وصولو الى رئاسة الجمهورية هو انجاز للتوازن الجديد، يللي بدّو يستمر بالسنوات القادمة.
• كل مرّة في طائفة خاصة من 3 الطوائف الأساسية: الشيعة والسنة والمسيحيين، بيشعرو في غبن علين، بيهتزّ الوضع اللبناني.

وعن عبارته الشهيرة ليل 22- 23 أيلول 1988، “الليلة انتهت المارونية السياسية”، يقول:

• انتهت المارونية السياسية برأيي، لما صار الشغور الرئاسي.
• الشغور الرئاسي بالنسبة الي، يعني المارونية بأزمة. وبوقتا خفت كتير.. وتحديداً خفت عَ لبنان. وعَ الخصوصية. لأنو الموارنة شو دورن: هني عم يعملو خصوصية لبنان. ولما بتسقط الخصوصية، ما بقا في قيمة للبنان كمساحة بهالمنطقة.

يسأل الإعلامي ياسمين: هل إلتسوية مع القوات انتهت عند إنتخاب رئيس ودخول القوات الى الحكومة، وهل التسوية مع الحريري انتهت بانتخاب عون، وعودة الحريري الى رئاسة الحكومة، لتبقى علاقة التيار مع حزب الله هي الأساس.. يردّ بقرادوني:

• عم نغلبط بتوصيف التسوية اللي تمّت.
  بالأساس الجنرال عون، ما كان في مجال لمرشّح آخر بوجودو.
  وهوي كان معتبر، إنو لمّا انسحب.. كان خطأ ارتكبو لصالح ميشال سليمان.
• لما سألوه مرة: شو البديل عن ترشيحك.. قال: ترشيحي.
  برأيي صمود الرئيس عون عَ ترشيحو، ثبّت انّو لا بديل عنه.
  هيدا الشي دفع بسعد الحريري إنو يلعب دور رفيق الحريري، يعني رجل الحكم لمدة طويلة.

التسوية

• كانت، إنو الجنرال عون بصير رئيس للجمهورية وسعد الحريري يصير رفيق حريري تاني، او على الأقل رئيس حكومة. وبالتالي التسوية ما هيي أكتر من اتفاق على رئيس الجمهورية ورئيس الحكومة، على قاعدة رئيسية طرحها عون، وهي:
  – الممانعة حول كل المسائل اللي منختلف عليا،
  – التوافق والحكم من خلال المسائل يللي منتفق عليا..
• هيدي الحكومة تشكلّت على أساس:
  – القوات عندن تحالف مع السعودية
  – حزب الله عندو تحالف مع ايران.
  التفكير يللي اتى: التسوية تقضي نجمع الجميع، وكل واحد بحافظ على خصوصيتو، وعلى تحالفاتو، وبيقبل يمشي بالمرحلة الإنتقالية، لأنو الرئيس عون بيعتبر المرحلة هلق انتقالية.. لأنو المرحلة الحقيقية تأتي بعد استفتاء الشعب من خلال الانتخابات النيابية.
• التسوية إنتهت مفاعيلا، من تاريخ ما انتخب عون رئيس للجمهورية، وإعطاء الثقة لحكومة الحريري، وتحميل التسوية أكتر من ذلك، بكون ما منعرف الأشخاص
• حدا بفكّر أو بيعتقد دقيقة، انو الرئيس عون رح يقبل شروط، 
  التسوية يعني فيها شروط.. التسوية خروج من الشغور..

قانون الإنتخاب

• أهم شيء يللي صار، هوي قانون الإنتخاب، يللي ما بيفرض تحالفات مسبقة.
  أهمية النسبية إنو مش بالضروري تشكيل تحالفات من قبل الانتخابات،
  النسبية بتعطي مجال لتشكيل التحالفات ما بعد الانتخابات. وخلال الانتخابات كل واحد ببيّن شعبيتو وقدرتو..
• لبنان قايم على النظام الأكثري من سنة 1943.
  القانون الجديد رح يدفع (ومعلوماتي) وبعدة دول.. يكون ما في تحالفات إنتخابية، في تحالفات سياسية بعد الإنتخاب.

عن التباين بين التيار والقوات حول: – تلفزيون لبنان – الكهربا – المناقصات – البيومترية – قطع الحساب – تسجيل مُسبق – مستشفى البوار.. والقوات بقولو: شيح ببريح، ما فيشي النا، والوزيرباسيل الو حصة الأسد، يردّ بقرادوني:

• انا متأكّد انو في ظل عهد الرئيس عون ليس هناك مجال للمحاصصة.
  في اتفاق وطني، عَ ثوابت وطنية، 
  التفاهم بين التيار – القوات، ما تحدث عن ضرورة التحالف بالإنتخابات. أو تعيينات موظفين
• مش مهم تكون التشكيلات تمثّل الأطراف..
  لمّا بقومو كل الأطراف على التشكيلات بنبسط.. معناتا هيدي التشكيلات ذات جدارة.
• أثبت الوزير جريصاتي انّه الوزير المناسب بالمكان المناسب، وبالوقت المناسب.. مش بس القوات ومين ما طالب بحصة معناتا عم يروح باتجاه غير الجدارة.. الحصة ضدّ الجدارة.

في شغلة حقيقية..
التيار عندو قدرات مش بالمنتسبين العونيي، لما يُسمّى الأنصار.. وحلقة واسعة، وبالتالي فيا جدارات، وقدرات هيدي الحلقة، وهيدي بتعطي المجال للرئيس عون تكون المروحة (مروحة التعيينات) قدامو واسعة.. وفي تعيينات إدارية ناطرة، وذات المبدأ رح يصير..

القضايا الإجتماعية

• الرئيس عون جايي من بيئة بتعرف شو معنى الفقر، وفكرة العدالة الاجتماعية عندو موجودة.

قانون الإنتخاب

• لولا إصرار الرئيس عون على قانون النسبي، ما كان مشي.
• الرئيس الحريري عم يتصرف بهدوء وأعصاب جيدة.
  لازم نعترف انو ما عم ينفعل، وعم يتحرك بشكل دقيق.
  حركتو بطيئة، لأنو خايف من الألغام. وعندو ألغام:
  1- بالداخل المستقبل (السنيورة) ومعالجة الوضع السني
  2- السعودية: عندا هموم وعندا تحفظات
  هموما متعلقة باليمن، وحول الوضع السوري
  بالوضع اللبناني، يمكن في مأخذ على الحريري، وبوضوح عم احكي: قد خُيّل للسعودية، انو  نجيب عون رئيس للجمهورية، منشدّو من حزب الله.. “تاري” ما بيعرفو ميشال عون
• السعودية اليوم هيي بحاجة تعيد التموضع بموقفا

عن لقاء السعودية مع الجميل وجعجع، هل هو لتطويق عون..!!
عن إستدعائها شخصيات سنية، هل هو لتطويق الحريري..!!
عن ايقاظ اللقاء الشيعي المستقل وإجتماعهم بمونرو..!!

• برأيي عنوان لحركتن، عم يحضرو للدخول مجدداً الى لبنان
  ما في سياسة سعودية للبنان..
  أول هدف ترتيب البيت السعودي، والبحث إذا في إمكانية لإعادة إطلاق 14 آذار ما؟؟ مش اللي كانت..
• وإذا انتبهنا، سامي الجميل ما عمل ولا تصريح من بعد ما إجا من السعودية؟؟
  برأيي لأنو مش بخاف يصرّح.. برأيي رجع ومش واضحة مزبوط عندو الأمور،
  لو أعطي أجوبة واضحة كان عمل رأس حربة..

أميركا والوضع الإقليمي

• بفهم دول المنطقة ما يكون عندا سياسات واضحة،
  ولكن اميركا ما يكون عندا سياسة شرق أوسطية.. وما بتعرف وين رايحا..!!
  وكل اللي عم تفكّر فيه، نعمل حرب، ومنبيع سلاح أكتر.. ومنقبض أكتر
• منطق ترامب مش منطق رجل دولة، منطق رجل أعمال.
  البيت الأبيض، صار مركز لرجال الأعمال.. وهالشي خطر جداً
• ليبرمان قال كلام: إنتصر الأسد كخلاصة.. في تغيير بالمنطقة فهمتو اسرائيل، ولكن ما بعد ما وصلت عليه أميركا
  إسرائيل بتتمنى تعمل حرب، ولكن تهديد حزب الله للمفاعل النووية..
  ومع إثارة السيد نصرالله:
  – من هو إسرائيلي..
  – من هو صهيوني.. عاملة أكبر إشكالية داخلية بإسرائيل..
  دعوة نصرالله الصهاينة الى الرحيل، والتسامح مع اليهودي.. شغلة كبيري، وما توقفو عندا بلبنان، ولكن بإسرائيل أكيد توقفو عندا..
• كل هذا يعني..
  – إسرائيل راغبة بالحرب، ولكن
  – خايفة من نتائجها.. وخايفة من لبنان من حزب الله، ومن تحالف رئيس الجمهورية وحزب الله. نحن نمر بمرحلة إنتقالية، حيث لا حرب ولا سلم، ولكن لنتهيأ لأي مفاجأة

الأكراد

• الأفضل أن يتريثوا، حتى لا يكونوا عامل تقسيم لسايس بيكو..
• عم يقسمو العراق، وسورية.. وتركيا بتخاف من التقسيم
• من بعد حلب، الجيش السوري الى تقدم.
  دير الزور شبه انتهت.
  بتخلص معركة إدلب.. بينتهي داعش والنصرة
• خلال فترة منظورة الوضع السوري بيتماسك.
  بلحظة من اللحظات كان الحكم في سورية ماسك 35 – 40% من ارضو.
  اليوم ماسك 90% وأكتر.. يعني انقلبت المعادلة

النازحون

• كنا بمسألة عودة الفلسطينيين الى دولتهم (وما صار من 70 سنة)
  هون مش عم نحكي عن حق عودة مع السوريي،
  إعادة النازحين الى سورية
  أو حق لبنان بإعادة النازحين السوريين
• عون مش مراهن على الأمم المتحدة، وقالا: المجتمع الدولي غير مكترث.
  قضية السوريين مش مطروحا بالأمم المتحدة
• الرئيس عون عندو حل واحد
  – إما الإنتظار ( هيدا مش من طبعو ) وبتخاف من نتايج الإنتظار تكون سلبية
  – إمّا نروح للمشكلة الى عمقها..
  في ممرّ الزامي للمشكلة هي سورية.
  ومهما كان الخلاف قصة النازحين أخطر ع لبنان من أي خلاف تاني
• الرئيس عون عم يشتغلا بهدوء وعم يراعي وضع الحريري، لأنو بيعرف في مزايدات عليه.. ولكن متل ما بعرف عون، لن يبقى مكتوف الأيدي عم يتفرّج على الوضع متل ما هوي..
• المفاوضات مع سورية علني أو مش علني، كلها تفاصيل.
  وبرأيي بدأ شيء ما، من لقاء المعلم وباسيل..
  وسورية مش قابلة تشتغل بهالشغلة تحت الطاولة.. اشتغلتا مع اللواء ابراهيم، ولكن هلق عم تقول: ما فيكم ما تحكو معنا بشكل رسمي
• انا برأيي الحريري بين:
  1) يختار حل مشكلة النازحين
  2) ومواجهة احراج ما داخل طائفتو..
  برأيي بفضّل الخيار الأول.. هلق مش هوي بقوم بالمهمة، ولكن يجب ان يكون هناك تفويض من الحكومة..
• الوقت مش لصالحنا بهالقصة..

وسؤال..؟؟
اللي نزحو مستعدين يرجعو؟؟

النازحين الي فتحو
– شغل
– وتمركزو بلبنان،
– وما بيدفعو ضرايب
– وبيجيهن مساعدات 400-500 $ بالشهر كل واحد..

دور الأمم المتحدة شغلة وحدي.. هالمساعدات تُرسل لمن بقي.. عم ياخدو المصريات يحطوهم بجيبتن، وبروحو وبيجو..

• نحنا كدولة لبنان علينا ناخود قرار: كل نازح بروح ع سورية راح ع سورية ما الو حق يرجع ع لبنان
• هالتدبير بحد ذاتو بساعد لبداية حل،
  المشكلة مش إذا سورية بدها تردّ النازحين.
  المشكلة إذا النازحين بدن يعودوا الى سورية؟؟

بري

• بعتقد إذا التيار الوطني الحر (النواب) انتخبو رئيس مجلس نواب نبيه بري، بعتقد رح تلاقيه ري صار أسبوعياً بالقصر الجمهوري.
• لا بديل عنه طالما حزب الله يرشحه، وهيك مننتهي من أي علاقة متشنجة، ومنصير بعلاقة طبيعية مع موالاة وهذا الأمر لمصلحة العهد..

رصد Agoraleaks.com